Proverbios 2:4 - Bible in Tzeltal de Oxchuc y Tenejapa

⁴ jc'axel xawac' aba ta sleel, jichuc me ta awo'tan te bit'il yacat ta sleel plata soc te yacat ta sleel nac'bil c'ulejalil.

Bible in Tzeltal Bachajón

⁴ teme yac ale hich te bin ut'il plata soc teme yac ale ta lec hich te bin ut'il c'ulejalil,

Proverbios 2:4 Referans Kwoze

San Mateo 13:44

“Te bit'il ay ta ajwalinel te Dios te ay ta ch'ulchane, jich c'oem te bit'il bayal oro te nac'al ta lum ta bay jsejp ch'in q'uinal. Ay jtul winic te la stae, soc la xcha'nac' xan jilel tey a. Scaj te bayal sbujts' yo'tan yu'une, jich ba xchon spisil te bila ay yu'une, ja' ba sman a te ch'in q'uinal ta bay nac'al te oroe.

San Mateo 19:29

Spisil mach'a ay bi ya yijq'uitay jilel ta jwenta, chican teme sna, sbanquiltac, xwixitac, yijts'inab, sme'-stat, yinam, snich'nab, o ja' te sq'uinale, jo'winic buelta ya x'esmaj sjelol te ya x'ac'bote, soc ya me x'ac'ot cuxinuc sbajt'el q'uinal.

Proverbios 16:16

Ja' lec ta leel te p'ijil-o'tanil, ma'yuc sc'oplal te oro; ja' lec ta leel te p'ijil-jolole, ma ja'uc ay sc'oplal te plata.

Job 3:21

Te mach'a ya smaliy te lajele, ma ba ya xjul ta stojol stuquel, manchuc me c'axem jich ya sle a te bit'il nac'bil c'ulejalile.

San Lucas 16:8

“C'alal la yaiy stojol te yajwal te bila la spas te mayordomo te ma lecuc te yo'tane, la yal: “Mero yan sba te winique. Ay sp'ijil”, xi' yu'un. “Melel te mach'atic ayic ta swenta in balumilal to, c'ax jich ay sp'ijilic te ya sna'ic wenta stuquelic te bit'il ay sp'ijilic te mach'atic ayic ta swenta te saquil q'uinale.

Eclesiastés 4:8

Ay jtul winic mero stuquel ay ta q'uinal, ma'yuc mach'a jun yo'tan soc ni snich'nabuc, ni yermanotac. Pero ma xcux yo'tan ni jtebuc, soc te spisil ora ma xcux yo'tan ta smulanel te sc'ulejale, ni ayuc yan bila ay ta yo'tan. Ni yacuc sna' ta yo'tan mach'a yutsil-slequil ya xc'ot te yat'el te ma xcux yo'tan ta spasele, soc ma ba ya snop te bi yu'un te cujch'em yu'un te swocole. Ta spisil mero tojol ta jyalel, soc mero yalal ijc'atsil c'oem.

Proverbios 23:23

Mana me soc ma me xachon te bila smelelile soc te p'ijil c'ope, te p'ijubtesel soc te sp'ijil ajole.

Salmos 119:127

Ja' swentail te c'ux ta co'tan te mandaliletic awu'un; c'axem jich ta co'tan a te bit'il lequil oro.

Salmos 119:72

Te p'ijubtesel ya xloc' ta alel awu'un, c'axem to xan lec c'oem ta co'tan jich te bit'il bayal ta jmil oro soc plata.

Salmos 119:14

Te be yu'un te mandaliletic awu'un ya yac'bon yutsil co'tan, c'axem jich te bit'il c'ulejaliletique.

Salmos 19:10

cajal me sc'oplal ta co'tantic, c'ax jich te bit'il t'ujbil oro, jich me cajal sc'oplal ta co'tantic te bit'il sbujts' te chabe.

Proverbios 2:3

C'ana me ta spisil awip te sp'ijil ajole, soc te toj-o'tanile;

Proverbios 8:17

Jo'on c'ux ta co'tan te mach'a c'uxon ta yo'tane, te mach'atic ya sleonic ya me staonic.

Génesis 26:32

Nax to nax bajt'ic a te tal te abatetic yu'un te Isaac, jul yalbeyic bit'il c'ot te pozo yacalic ta sjoq'uel: —La jtatiquix ja' —xiic julel.

Proverbios 4:7

Ja'uc me tulan sc'oplal awu'un te ya awich' sp'ijil awo'tane; ich'a me te sp'ijil ajole, jich me ya ana' te bila toj ta pasele.