Proverbios 2:22 - Bible in Tzeltal de Oxchuc y Tenejapa

²² yan te mach'atic amen yo'tanic soc te jchebal-o'tanetic, ya me yich'ic bulel loq'uel ta q'uinal, soc ya me yich'ic ch'ojel loq'uel ta q'uinal stuquelic.

Bible in Tzeltal Bachajón

²² Yan te mach'atic chopolic ya me yich'ic loq'uesel ta q'uinal, soc ya me yich'ic bulel loq'uel te jchebal-o'tanetique.

Proverbios 2:22 Referans Kwoze

Salmos 52:5

Pero Dios me ya slajinat, sbajt'el q'uinal ya awich' lajinel yu'un; ya me awich' tsaquel yu'un, ya me xch'ojat loq'uel ta ana; soc ya me slajinbat ta jc'axel te acuxlejale.

Salmos 37:28

Melel te Cajwaltic ja' ya smulan te bila stojil ta pasel. Ma ba ya spijt'es te mach'a jun yo'tan ta stojole; yan te mach'atic amen yo'tanic ya slajin stuquel, jc'axel ya slajinbey sts'umbal.

Deuteronomio 7:22

Te Cajwaltique c'unc'un me ya sloq'uesbeyex bael ta atojolic te nacionetique, melel ma xju' awu'unic slajinel spisilic ta jun nax buelta. Te ja'uc ta ora nax te ya yich' lajinele, ya me x'esmaj ta atojolic ta bayuc ta ajoyobalic te jti'awal ja'mal chambalametique. Teme esmajique, ya me xjajch' yuts'inex.

Proverbios 10:30

Mero ma sta falta te mach'a toj yo'tane; yan te mach'a amen yo'tane, ma xjalaj ta q'uinal stuquel.

Salmos 145:20

Te mach'atic c'ux ta yo'tanic te Cajwaltique, ya xcanantayot ta lec; yan te mach'atic amen yo'tanic ya sjinbey xcuxlejal stuquelic.

Salmos 104:35

Ac'a tup'uc ta jc'axel ta balumilal te jmulawiletique; ac'a ch'ayuc ta jc'axel te mach'a amenique. Ya calbey yutsil sc'oplal Cajwaltic ta spisil co'tan. Bin nax yutsil te Cajwaltique.

Job 21:30

“Te c'alal ya x'ilin te Diose, ya sticun tel woclajel; yan te mach'atic ma lecuc yo'tanic ma'yuc bi ya xc'ot ta swenta stuquelic”, te xiique?

Salmos 37:22

Te mach'atic ya x'ac'botic bendición yu'un Cajwaltic, ya me x'ac'bot sq'uinalinic te q'uinale; pero te mach'atic ma lecuc sc'oplalic yu'un, ya me xlajic stuquelic.

Salmos 37:20

Te mach'atic amen yo'tanic ya me xtilic jichuc taquin ac stuquelic; te mach'atic scontroinejic te Cajwaltique jich me ya xch'ayic bael te bit'il ya xch'ay bael te ch'aile.

Deuteronomio 29:28

Jich la xch'oj loq'uel ta slum-sq'uinalic, soc la yac' c'otuc ta stojol te yilimba soc te sc'ajc'al yo'tane. La yac' bael ta yantic lumq'uinaletic, jich te bit'il yac ta c'oel ta pasel ta ora in to”, xi' me sc'oplalic.

Proverbios 11:3

Te mach'atic toj yo'tanic, toj ya x'ainic yu'un; yan te mach'atic te ma tojuc yo'tanique, ja' ya xlajinotic yu'un.

Deuteronomio 29:20

Te Cajwaltic ma me ja'uc ya xbajt' ta yo'tan pasulayel-perdón, ja' nax me ya yac'bey tel te yilimba ta stojol te mach'a jich ya yale. Ya me xc'ot ta swenta te bitic castigo albilix sc'oplal ta libro in to. Te Cajwaltic ya me stup'bey sts'umbal ta jc'axel ta lumq'uinal.

1 Reyes 14:14

Patil ya me yac' jtuluc ta muc' ajwalil ta Israel te ya slajinbey te sts'umbal Jeroboam te c'alal ay ta ajwalil a. Yo'tic soc ta patil bael,

1 Crónicas 10:13

Awaiy bit'il laj te Saúl ta scaj te smule. Ja' la sta smul a te ma la xch'uunbey smandal te Cajwaltique, soc ma ja'uc la sjojc'obey Dios te bila ya sc'an ya sna'e, ja' ba sjojc'obey jtul ants te ay bila ya sna' syoljoltayele. Ja' swentail ta yo'tan Cajwaltic te la yac' ta lajele. Te yat'el ta muc' ajwalil, ja' la yac'bey te David te snich'an Isaí.

Salmos 52:7

“Ila awilic te mach'a ma la sle canantayel yu'un te Diose, ja' te mach'a yich'oj ta muc' te bayal sc'ulejale, soc ja' la smulan spasel te bila amen ta pasele”, xiic.