Proverbios 2:2 - Bible in Tzeltal de Oxchuc y Tenejapa

² Ac'a me achiquin a te p'ijil c'ope; ac'a me ta ajol soc awo'tan sna'el stuuntesel.

Bible in Tzeltal Bachajón

² teme yac awa'iy te p'ijil-o'tanil soc teme yac awac' awo'tan ta sna'beyel scuentahil,

Proverbios 2:2 Referans Kwoze

Proverbios 23:12

Ac'a ta awo'tan te p'ijubtesel; ac'a ochuc ta achiquin te p'ijubtesele.

Proverbios 18:1

Te mach'a t'ut'e, stuquel ya sle te bila ya sc'an yo'tane, ma xyich' ta muc' spisil te lequil tojtesele.

Salmos 90:12

Ac'a jnoptic yajtayel ta lec te jujun c'aal yac ta c'axel cu'untic, swenta yu'un jich ya xc'ot ta joltic a te p'ijil c'ope.

San Mateo 13:9

Te mach'a ay xchiquine, ac'a me yaiy stojol ta lec —xi' te Jesuse.

Isaías 55:3

La'ic ta jtojol, soc aiya awaiyic, aiybon awaiyic stojol te jc'ope, yu'un jich me ya xcuxinex. Te jo'one ya jpas trato ta sbajt'el q'uinal ta atojolic, jich me ya xc'ot ta pasel te bit'il caloj ta swenta xc'uxul co'tan ta stojol David.

Eclesiastés 8:16

Te c'alal la cac' co'tan ta snopel soc ta sna'el, soc ta stsajtayel ta lec spisil te bitic yac ta pasel ta balumilale, tey la jna'bey swentail a te ma xc'ot ta yo'tan ni jtuluc winic te bi ya spas te Diose, soc ni ja'uc te yac ta chicnajel ta balumilale. Te jo'one mero la cac' puersa ta sleel sujt'ib, asta ma ba och jwayel yu'un, pero ma ba la jtabey te sujt'ibe. Manchuc me ya yal te mach'a ay sp'ijile te ya sna'e, pero ta mero melel ma ba staoj.

Eclesiastés 8:9

Spisil la quil te c'alal mero la cac' co'tan ta sna'el te bitic yac ta pasel ta balumilale, soc la quil te ay yip te winic ta yuts'inel te sjoy ta winiquile.

Eclesiastés 7:25

Och cat'elin sleel ta sna'el, ochon ta snopel, ta sleel bi p'ijil c'op ya jta xan. C'ot ta co'tan te mero ma lecuc te bol-o'tanile, soc te jowil jol te mero amen ya cac' jbajtique.

Hechos 17:11

Te judioetic te ayic ta bay lum Berea, ay razon ta yo'tanic stuquelic. Ma jichuc yo'tanic te bit'il yo'tanic te mach'atic ayic ta bay te lum Tesalonicae. Toyol yo'tanic la yaiyic stojol te bila albot yaiyic yu'un te Pabloe. Jujun c'aal la sle yilic ta Sjun Dios teme melel te bila yacalic ta yaiyel stojole.

Proverbios 2:3

C'ana me ta spisil awip te sp'ijil ajole, soc te toj-o'tanile;

Proverbios 4:1

Ja'ex te jnich'anexe, ich'aic me ta muc' te tac'uyel cu'un te atatonique. Aiya me awaiyic ta lec, jich me ya ana'ic spasel a te bila toj ta pasele.

Proverbios 4:20

Jnich'an, ich'bon me ta muc' te jc'ope; ac'a me ta awo'tan.

Proverbios 6:32

Mero ma'yuc sp'ijil te mach'a ya spas mulwej soc yan ants; te mach'a jich ya spase ja' nix ya yac' sba ta lajel a.