Proverbios 2:12 - Bible in Tzeltal de Oxchuc y Tenejapa

¹² ja'ic me te ya yac'at ta libre te ma stsalat te be te amene, soc ja'ic me ya yac'at ta libre ta sc'abic te mach'atic j'ixta-o'tanetique,

Bible in Tzeltal Bachajón

¹² yu'un ya yac'at ta libre yu'un te chopol be, ta stojol winiquetic te chopol sc'opic,

Proverbios 2:12 Referans Kwoze

1 Corintios 15:33

Ma me xach'uunic lo'layel. Melel ay mach'a jich ya yal: “Teme ya jointic te mach'atic amenique, ya me xch'aybotic te lequil costumbre cu'untique”, te xie.

Proverbios 13:20

Joina aba soc te mach'atic ay sp'ijilique, jich me ya ata ap'ijil; joina aba soc te mach'atic ma sna'ic q'uinale, jich me ya ach'ay aba ta jc'axel.

Proverbios 8:13

Te yich'el ta muc' te Cajwaltique, ja' te scontroinel te bila amene. Jo'on ya quilay te toyba-o'tanil soc te toybaile, soc te be te amene soc te pas-lote.

2 Corintios 6:17

Ja' swentail te jich la yal xane: “Loc'anic me tel ta yolilic, parte me xawac' abaic, xi' te Cajwaltique. Ma me x'atsaquic te bila ilaybile. Jich me jun nax co'tan ya quiq'uex ta jtojol.

Hechos 20:30

Soc ta awolilic ay me ya xjajch' te mach'atic ya yaq'uic ta nopel lotil c'op te jich ya slo'layic a te jnopojeletic te q'uejel ya xbajt'ic soque.

Proverbios 9:6

Ijq'uitayaic te ma x'ana'ic stsajtayel abaique, jich me ya xcuxinex; jich me xbeenex te bit'il mach'atic ay sp'ijil sjole”, la yut.

Proverbios 3:32

Melel ilaybilic yu'un Cajwaltic stuquelic te mach'atic amen yo'tanique; pero te mach'atic lec yo'tane, ya yac'bey smuc'ul yo'tan stuquelic.

Salmos 141:4

Ma me xtal ta co'tan te bitic ma lecuc ta pasel; ma me xawac' xnoptsajon a te bitic amen ta pasele, ma me xawac' te ya join ta we'el swenta sq'uinic te mach'atic amen yat'elique.

Salmos 101:4

Ma me sc'an co'tan ta jyalel te bila ma lecuc ta pasel; ma jc'an jpas ni jtebuc te bila amene.

Proverbios 6:12

Te mach'a amen yo'tan te j'ixta-o'tane, yat'elinej yalel puro lot.

Proverbios 10:32

Te mach'a toj yo'tan, bujts'an te bitic ya yale; yan te mach'a amen yo'tane, ya yal bol c'opetic.

Proverbios 23:33

Ay bitic jchajpic ta ilel ya awil yu'un, soc ay ya xtal ta awo'tan yalel amen c'opetic.

Proverbios 28:26

Te mach'a ma sna' q'uinal, yich'oj sba ta muc' yu'un te bila snopoj ta yo'tane; yan te mach'a ya x'at'ej soc sp'ijil yo'tan, libre ya xc'ot yu'un stuquel.