Proverbios 19:8 - Bible in Tzeltal de Oxchuc y Tenejapa

⁸ Te mach'a ya sle te p'ijil-o'tanile, ja' ya xc'uxtay a te xcuxlejale; soc te mach'a ya sq'uej te sp'ijil sjole, lec ya xc'ot ta loq'uel.

Bible in Tzeltal Bachajón

⁸ Te mach'a ya sta te snopojibal yu'un, ha nix c'ux ya ya'iy sba; te mach'a ya scanantay te bin ay ta na'el, ya sta yutsil slequil.

Proverbios 19:8 Referans Kwoze

Proverbios 16:20

Te mach'a ya sna' swentainel sbiluc, lec ya xc'ot ta loq'uel yu'un; jamal nax q'uinal ya yaiy te mach'a ja' smuc'ulinej yo'tan te Cajwaltique.

Proverbios 3:18

Te p'ijil-o'tanil ja' cuxlejal ta stojol te mach'a ya yich'e; bin nax me yutsilic te mach'atic ya sna' sq'uejel ta yo'tanique.

Proverbios 4:6

C'uxuc me ta awo'tan te p'ijil-o'tanile, ma me xach'ay jilel, melel ja' me ya scanantayat stuquel.

1 Pedro 3:10

Te melel jich ts'ibubil jilel ta Sjun te Diose: “Te mach'a ya smulan lequil cuxlejal ta q'uinale, soc teme ya sc'an te lec nax ya xc'ax yu'un te jujun c'aale, ac'a scom yac' ta yalel bol c'op, soc ac'a scom sti' ta yalel te lotil c'ope.

San Juan 14:21

Te mach'a yich'ojbon te jmandale, soc teme ya xch'uune, ja' me te mach'a c'uxon ta yo'tane. Te mach'a c'ux ya yaiyon ta yo'tane, c'ux me ya x'aiyot yu'un uuc te Jtate. C'ux me ya caiy ta co'tan uuc, soc ya me cac' sna'bonic jba ta lec —xi' te Jesuse.

Proverbios 22:18

Melel buen lec me ya awaiy teme ya aq'uej ta awo'tan, soc bin nax me awo'tan ya awalulay ta pajal ta apisilic.

Proverbios 17:16

¿Bi yu'un ya yich' tel taq'uin ta sc'ab te mach'a ma sna' q'uinal te ya sman p'ijilil ta sc'op a, te bit'il ma xju' yu'un snopele?

Proverbios 4:21

Ma me ayuc bi ora ya ach'ay asit a, q'ueja me ta ajol soc ta awo'tan.

Proverbios 4:4

soc te jtate la sp'ijubteson, jich la yalbon: “Ac'a me ta ajol, ac'a me ta awo'tan te c'opetic cu'une; pasa te bila ya cac'bat apase, jich me ya xcuxinat.

Proverbios 3:21

Jnich'an, spisiluc me ora tsajtaybil ya xc'opojat, ma me xch'ay awu'un te nacal-o'tanile,

Salmos 19:11

Ja' me ya yac'bon jtsajtay co'tan te yabaton te Cajwaltique, teme ya jch'uune, jich me lec ya xc'oon ta loq'uel a.

San Juan 12:25

Ja' te mach'a ya xc'uxtay sbae, ya me xch'ay soc xcuxlejal. Yan te mach'a ma xc'uxtay sba te bit'il cuxul ta balumilale, sbajt'el q'uinal ya xcuxin stuquel.

Ezequiel 36:26

Ya me cac'beyex yach'il awo'tanic, ya me cac'beyex yach'il acuxlejalic. Ya me jloq'uesbeyex te awo'tanic te pajal soc tulanil ton, ya me cac'beyex awo'taninic c'unil-o'tanil.

Proverbios 19:9

Te mach'a lotil testigo, ya me yich' castigo yu'un; te mach'a ya spas lot, ja' ya xmaliyot yu'un te lajele.

Proverbios 3:22

melel ja' me sloq'uibja' c'oem te ya yac'bat acuxlejal soc ja' me ach'alil jichuc ualil.