Proverbios 19:3 - Bible in Tzeltal de Oxchuc y Tenejapa

³ Te mach'a ma sna' q'uinal, ya xjowej ta be yu'un; pero ja' ya xba yac'bey smulin te Cajwaltique.

Bible in Tzeltal Bachajón

³ Te sonsohil te winic ha ya xhowiytesot ta be yu'un, patil ya yilintay te Jehová.

Proverbios 19:3 Referans Kwoze

Salmos 37:7

Ch'aban me ta stojol Cajwaltic; junuc me awo'tan ta smaliyel te ya scoltayat stuquele. Ma me x'ilin awo'tan yu'un te mach'a ay lec bitic ya sta ta q'uinale, te mach'a ay bila amen te ya xchape.

Proverbios 11:3

Te mach'atic toj yo'tanic, toj ya x'ainic yu'un; yan te mach'atic te ma tojuc yo'tanique, ja' ya xlajinotic yu'un.

Salmos 37:1

Ma me x'ilin awo'tan yu'un te mach'atic amen yo'tanic; ma me xti'tonuc awo'tan yu'un te mach'atic amen yat'elique.

2 Reyes 6:33

C'alal jich yacal ta yalbel a te mamaletique, te muc' ajwalil c'ot ta stojol Eliseo. Jich la yal: —Te bit'il ja' nix Cajwaltic te la sticunbotic wocole, ¿bila yan ya jmaliy xan ta stojol jiche? —xi'.

1 Samuel 15:23

Te mach'a ya sta smul ta stojol Cajwaltic ta scaj stoybail, ja' pajal soc te mach'a ya sta smul ta scaj ay bi ya xju' yu'un sna'el ta sc'ope. Ja' pajal soc te mach'a ya xch'uun loc'ombaetic te mach'a ya xc'axintaybey te smandale. Te ja'ate la ach'aybey smandal te Cajwaltic, ja' yu'un ja' nix jich ch'aybil ya xc'oat soc awat'el ta muc' ajwalil —xi'.

1 Samuel 13:13

Albot yu'un te Samuel: —Ma x'ana' q'uinal, Saúl, ma ba lec te bi la apase. Te lajuc ach'uun te bi mandalil la yalbat te Cajwaltic, ja'at me atalel muc' ajwalilat ya xc'oat yu'un soc ats'umbal ta stojol Israel te jichuque.

Isaías 32:6

Melel te bol ajwalil ja' ya yal te sbolil, ya snop ta yo'tan te bitic amene; ya sle bit'il ya yaiy uts'inwanej, soc ya yal lot ta stojol te Cajwaltique. Jochol sc'ab ya sticunic bael te mach'a ay ta wi'nal; soc ma xyac'bey ja' yuch' te mach'a ay ta taquinti'ile.

Job 15:13

¿Bi yu'un ya xc'ajc'ubat ta stojol te Diose, soc te jamal awo'tan ya asujt'esbey sc'op te Diose?

Lamentaciones 3:39

Te jmulawil ta q'uinale, ¿bila te ya x'ajc'anaj yo'tan yu'une?

Ezequiel 18:25

Te ja'exe ya wan awalic te ma stojiluc yacon ta at'ele. Pero ya me awaiyic, lum Israel, ¿ya bal xtal ta awo'tanic te ma stojiluc yacon ta at'ele? Ma jichuc, ja'ex te ma stojiluc yacalex ta at'ele.