Proverbios 19:21 - Bible in Tzeltal de Oxchuc y Tenejapa

²¹ Juju-jtul bayal bitic ya snop ta yo'tanic te ants-winiquetic; ja'uc me to, te bila ya yal stuquel te Diose sbajt'el q'uinal ay.

Bible in Tzeltal Bachajón

²¹ Bayel bintic ya schap ta yo'tan te winique, pero ha ya xc'oht ta pasel te bintic schapoj te Jehová.

Proverbios 19:21 Referans Kwoze

Proverbios 16:9

Te ants-winiquetic ay ta swentaic te bila ya xchapique; ja'uc me to, ja' me ya xtojtesotic ta spasel yu'un te Cajwaltique.

Isaías 14:24

Te Cajwaltic te Spisil ya xju' yu'un la yal ta jamal: —Ma me yu'unuc ma xpastaj te bi nopbilix cu'une; te bila chapalix cu'une, ya me xc'ot ta pasel.

Proverbios 16:1

Ay bila ay ta swentaic xchapel te ants-winiquetique; pero Cajwaltic, ay ta swenta yalel ta slajibal teme ya xc'ot ta pasele.

Isaías 46:10

Jo'on la calbey sc'oplal ta xjajch'ibal te slajibale; la jloq'ues ta alel te bila ya xc'ot bael te c'alal ta namey q'uinale. Jo'on ya cal te ya me yich' pasel te bitic ya jchajbane; ya me jpas spisil te bitic ya jloq'ues ta alele.

Proverbios 21:30

Ma'yuc p'ijil c'op ni tac'uyel ni sp'ijil sjol te ants-winiquetic te ya yaiy tsalaw ta stojol te Cajwaltique.

Efesios 1:11

Ta swenta bit'il jun c'oemotic soc Cristo, namey tsabilotic yu'un Dios te ya yac'botic quich'tic soc Cristo te sc'ulejale. Jich la xchap ta xjajch'ibal te Diose, soc ya yac' c'otuc ta pasel te sc'anjel yo'tan stuquele.

Job 23:13

Te bi ora ya sc'an ya spase, ya spas; ma'yuc bi ya xju' ya xcomot yu'un.

Proverbios 21:1

Ay ta sc'ab Cajwaltic te yo'tan te muc' ajwalile, jich me toj ya xbeen te bit'il muc'ja', jich te bit'il ya sc'an yo'tan te Cajwaltique.

Eclesiastés 7:29

Ja' nax jtaoj in to: ja' te bit'il buen toj yo'tan pasot yu'un Dios te ants-winiquetique, pero te ants-winiquetic chujc'ulajix yu'unic te xcuxlejalique.

Daniel 4:35

Ta stojol stuquel, mero ma'yuc swentail te mach'atic ayic ta balumilale. Ja' me ya spas ta ch'ulchan soc ta balumilal te bila ya sc'an ya spase. Ma'yuc mach'a ya xju' yu'un ya scombey te yu'ele; ma'yuc mach'a ya xju' yu'un ya sjojc'obey bi yu'un jich ya spas.

Salmos 21:11

Manchuc me ay bi ya sc'an spasbat soc teme ya xchap te bila ya sc'an ya yutat ta sc'ope, ma xju' yu'un te ya stsalate.

1 Pedro 2:8

Soc ja' sc'oplalic xan te bit'il ts'ibubil jilele: “Ja' te ton swenta c'ojch'injibal soc te ton ya syaleswane”, te xie. Melel ya syalesotic ta scaj te ma xyich'beyic ta muc' te sc'ope. Yu'un nanix namey jich albil sc'oplalic yu'un Dios a.

Génesis 50:20

Te bit'il ma lecuc te bila la apasbonique; ja'uc me to, lec c'ot yu'un stuquel te Diose, swenta yu'un jich me wejt' bit'il ya xcuxin tsobol ants-winiquetic a.

Proverbios 12:2

Te mach'a lec yo'tan, lec sc'oplal yu'un Cajwaltic; yan te mach'a ma lecuc bila snopoj ta yo'tane, ya yac'bey castigo yu'un.

Judas 1:4

Yu'un ay mach'atic te ju' yu'unic te la slo'layex te muquen ochemiquix ta awolilique. Ja'uc me to, namey ts'ibubilix jilel sc'oplalic ta Sjun Dios te quechelic ta yich'el castigoe. Melel c'ax amen te yo'tanique. Syantesejiquix ta slejibal smulic te bit'il ayotic ta c'uxtayel yu'un te Diose. Ma xyaq'uic ta ich'el ta muc' te Cajwaltic Jesucristoe, te ja' nax cajal yat'el stuquele.

Ester 9:25

Pero c'alal c'ot ta stojol muc' ajwalil te Ester, te muc' ajwalil la yal mandal ta jun te spisil te bila chapal yu'un te Amán ta swenta swocol te judioetic, ja' nix ac'a sujt'uc ta stojol stuquel. Jich nix c'ot a. Te Amán soc te snich'nabe la yich'iquix jijp'anel ta te'.

Salmos 83:4

Snopojiquix te ya xtal slajinotic, swenta yu'un jc'axel ya xch'ay ta q'uinal a te nacione, soc swenta yu'un ma'yuquix bi ora ya xchicnaj ta alel te sbiil Israel.

Proverbios 19:22

Te bila ya sc'an co'tantique, ja' te c'ux ya quich'tic aiyel spisil ora; ja' lec stuquel te me'baile, ja' ma lecuc te lote.

Jeremías 44:29

Jo'on Ajwalilon, ya cac'beyex señail ta swenta spasel ta prueba te bila ya cal jtuquele: Ya xc'ot ta pasel, ya cac'bey castigo te ants-winiquetique.

2 Samuel 17:14

Te Absalón soc ta spisil te israeletic, ja' lec la yaiyic te bi la yal te Husai, ja' ma ba lec c'ot te bi la yal te Ahitofel. (Melel te Cajwaltic chapalix yu'un a te ya yich' jowejtesel te bi melel yalojix a te Ahitofel, swenta yu'un ja' me ya xc'ot ta swenta te Absalón te bi amene.)

Ezequiel 20:32

Jich c'oem ta awo'tanic te ja' pajal ya xc'oex soc te yantic nacionetic ta balumilale, te ya xch'uunic te' soc ton, pero ma me jichuc ya xc'ot.