Proverbios 19:2 - Bible in Tzeltal de Oxchuc y Tenejapa

² Te mach'a toyol yo'tane, ma lecuc teme ma ba ya snop neeluc te bila ya spase; te mach'a bayal ya x'animaj yo'tane, ya sta falta yu'un.

Bible in Tzeltal Bachajón

² Ma lecuc te mach'a mayuc snopojibal yu'un, soc te mach'a ya suj sba, ya xhowiy.

Proverbios 19:2 Referans Kwoze

Proverbios 21:5

Te bitic chajbanbil te mero nopbile, lec ya xc'ot ta pasel; yan teme animal chajbanbile, ma lecuc ya xc'ot.

Filipenses 1:9

Jich ya jc'an ta sc'oponel Dios te yacuc xtoy ta c'axem to xan te c'ux ya awaiy abaic ta awo'tanique, soc te yacuc ata bayal sp'ijil awo'tanic soc spisil te bila ay ta na'ele.

Proverbios 29:20

Ya xju' te ay bila lec ya yal jtebuc te mach'a ma sna' q'uinal; ja' ma lecuc te mach'a ma snop neeluc te bila ya yale.

Romanos 10:2

Jamal ya calbeyex ta atojolic te bit'il toyol yo'tanic ta stojol te Diose. Ja'uc me to, ma sna'ic te bit'il ya sc'an ch'uunel ta melel.

San Juan 16:3

Jich ya spasic yu'un xujt' ma sna'beyic sba te Jtate, soc ma sna'bonic jba uuc.

Oseas 4:6

Te lum cu'un ma'yuc bi sna'oj, ja' swentail te la yich'ix jinele. Sacerdote, ja'at la ach'oj bael te bila ay ta na'ele, jich yu'un te jo'on ya jch'ojat loq'uel ta sacerdoteil. Melel ya xch'ay ta awo'tan te p'ijubtesel yu'un te Dios awu'une; jich me ya xch'ay ta co'tan te ats'umbale.

Isaías 28:16

Jich yu'un ya yal te Cajwaltique: —Ya cac' jp'ij ton ta lum Sión, ja' te jp'ij ton te tsabil, soc te mero bayal yutsile, ja' te mero bayal sc'oplal yu'un spasel na, ja' te ya xtuun yu'un te yiptajibe. Te mach'a ya yac' smuc'ul yo'tan ta stojole, ma ba ya xiw yo'tan.

Proverbios 28:20

Te mach'a jun yo'tan yac'oj sba, ay ta alel yutsil sc'oplal; yan te mach'a ja' nax baem ta yo'tan sleel sc'ulejale, ya me yich' castigo yu'un.

Eclesiastés 12:9

Bayal la yich' sp'ijil yo'tan te jp'ijubteswaneje, jich bayal bi la yac'bey snop te ants-winiquetique. Soc la yich' starea ta snopel mero bayal p'ijil c'opetic, soc buen lec xmelmon la xchap.

Eclesiastés 7:9

Ma me xawac' stsalat ilimba; melel te ilimbae, ja' yu'un stuquelic te ants-winiquetic te ma sna'ic q'uinale.

Proverbios 28:22

Te mach'a jbic'tal-o'tan, ma xway yo'tan yu'un sleel sc'ulejal, soc ma sna' te ya xtal ta stojol te me'baile.

Proverbios 25:8

ma me xba awal ta ora ta stojol te mach'atic yich'oj yat'elique; repente ay yan testigo ya xju' ya stsalat ta c'op, jich ma x'ana' bi ya apas ta patil.

Proverbios 14:29

Teme ya xcujch' cu'untic te wocole, ya me cac'tic ta ilel a te bayal sp'ijil co'tantic; yan teme ma xcujch' cu'untique, ja' ya cac'tic ta ilel a te smuc'ul sbolil co'tantique.

Proverbios 1:16

Melel yac'ojic puersa ta spasel te bila amene; sujoj sbaic ta smalel ch'ich'.

Proverbios 10:21

Te c'op ya xloc' ta ye te mach'a toj yo'tan, bayal mach'a ya xp'ijubic yu'un; yan te mach'a ma sna' q'uinale, ya xlaj ta scaj te ma'yuc bila ya sna' stuquele.

Isaías 27:11

Te sc'ab te' ya yich' c'asel coel te c'alal ya xtaqueje; jich yu'un te antsetic ya stsobic, soc ya spas sc'ajq'uic a. Jich te lum te ma'yuc sp'ijile. Jich yu'un te Mach'a chicnantesot yu'une, ma sna'bey yo'bolil sba yu'un; te Mach'a pasot yu'une ma xc'uxtay.

Job 31:5

“Jc'axel ya cal ta jamal te ma'yuc bila amen jpasoj, soc te ma'yuc mach'a ya calbey slo'layele.

2 Reyes 4:39

Te abatetic loc' bael jtul, bajt' ta ja'maltic ta stulel sit te ja'male. La sta jpejt' ja'mal tey a, la stulbey sit, pajal soc ja'mal ch'um yilel. La xchuy bael ta pac' ja' to te noj te paq'ue. C'alal sujt' tel, c'o sesen. La yac' ochel ta we'elil, manchuc me ma ba sna'oj teme lec ta we'ele.