Proverbios 19:16 - Bible in Tzeltal de Oxchuc y Tenejapa

¹⁶ Te mach'a ya xch'uun te mandalil, ja' me ya scanantay te xcuxlejale; te mach'a ya yilay te p'ijubtesel yu'un Cajwaltic, ya me xlaj stuquel.

Bible in Tzeltal Bachajón

¹⁶ Te mach'a ya sch'uhun spasel te mandaril ya scanantay scuxlejal, yan te mach'a ya sp'aj te behetic yu'un, ya me xlaj.

Proverbios 19:16 Referans Kwoze

San Lucas 10:28

La yal te Jesuse: —La ana' sujt'esel ya caiy. Jich me xba apas. Jich me ya xcuxinat sbajt'el q'uinal —xi'.

Proverbios 13:13

Te mach'a ma sc'an xch'uun mandal, ya me xwoclaj yu'un; yan te mach'a ya yich' ta muc' te mandale, ya me x'ac'bot stojol yu'un stuquel.

San Lucas 11:28

La yal te Jesuse: —Ja' bin nax yutsil stuquelic te mach'atic ya yaiybeyic stojol sc'op te Diose soc te ya xch'uunic spasele —xi'.

1 Juan 5:3

Ja' in to, ja' xc'uxul co'tantic ta stojol Dios teme cat'elinejtic spasel te bi la yal ta mandale. In te smandal yalojbotique, ma ba wocol ta pasel.

1 Juan 3:22

Spisil te bila ya ac'anbeyique, ya me yac'beyex, yu'un cat'elinejtic xch'uunel te smandale, soc cat'elinejtic spasel te bila lec yo'tan yu'un stuquele.

Proverbios 29:18

Ta bay ma'yuc ta tojtesel yu'un Dios te lum, ma'yuc lamal q'uinal yu'un; bin nax me yutsil te lum te ya xch'uunbey smandal te Diose.

Proverbios 21:23

Te mach'a ya stsajtay te bila ya yale, ma xyac' sba a te chujc'ul c'opetique.

Proverbios 16:17

Te mandal yu'un te mach'atic toj yo'tanique, ja' te ya sq'uej sbaic loq'uel ta stojol te bila ma lecuque; te bit'il ya stsajtay te yo'tane, yac me ta scanantaybel sba a.

Apocalipsis 22:14

Bin nax me yutsilic te mach'atic ya sac' sc'u'-spaq'uic swenta yu'un jich ya xju' ya slo'beyic sit te te' ya yac' cuxinele, soc jich me ya xju' ya x'ochic bael tey a ta bay sti' sts'ajc'ul te muc'ul lume.

1 Corintios 7:19

Melel ma'yuc sc'oplal te circuncisión teme awich'ojique o teme ma ba awich'ojique. Yan te bila bayal sc'oplale, ja' te ya ach'uunbeyic spisil smandal te Diose.

Eclesiastés 12:13

Lajix ta alel te c'opetique, spisil la yich'ix alel. Ich'a ta muc' te Diose, ch'uunbeya te mandaliletic yu'une, melel ja' nax ta spisil te ay ta swenta spasel te ants-winiquetique.

Eclesiastés 8:5

Te mach'a ya sc'otes ta pasel te mandalile, ma me ayuc bi amen ya xc'ot ta swenta stuquel. Te mach'a ay sp'ijile, ya sna' bi ora soc bi ya yut ya yac' c'otuc ta pasel stuquel.

Proverbios 3:1

Jnich'an, ma me xch'ay ta awo'tan te p'ijubtesel cu'une; q'ueja me ta ajol, q'ueja me ta awo'tan te mandaliletic cu'une,

San Juan 14:15

“Soc teme c'uxon ta awo'tanique, ya me ach'uunbonic spisil te jmandale.

San Mateo 16:26

¿Bila ya xloc' yu'un a te winic teme ya yu'unin spisil te balumilale teme ch'ayel ya xbajt' soc te xch'ulele? ¿Bila ya yac'bey ta sjelol te xch'ulel teme ch'aye?

Ezequiel 33:5

Melel la yaiy oc' te oq'uese, pero ma ba la yich' ta wenta. Ja' nix me ta smul te laje, melel te lajuc yich' ta wenta, ma ba laj te jichuque.

Jeremías 7:23

Te bila mandal la calbey, ja' te ya xch'uunbonic te jc'ope, melel jo'on te Dioson yu'unic ya xc'oone, soc ja'ic te lum cu'une. La calbey te tojuc ya yac' sbaic jich bit'il la jpas ta mandal, swenta yu'un lecuc me ya xc'otic ta loq'uel a.

Proverbios 22:5

Te sbe te mach'a amen yo'tan, nojel ta ch'ix soc ta pejts'; yan te mach'a ya scanantay sba soc xcuxlejale, ya me sq'uej sba yu'un te bila amene.

Proverbios 15:32

Te mach'a ya yilay te tojtesele, ma c'uxuc ya yaiy sba; yan te mach'a ya xch'uun comele, ya sta sp'ijil stuquel.

Salmos 103:18

ja' te mach'atic ya sna'ic spisil ora te trato yu'un, soc te ma xch'ay ta yo'tanic xch'uunel te smandale.

Job 5:2

Teme ya awac' aba a te ilimbae, o teme ya awac' aba a te bic'tal-o'tanile, ta scaj te ma x'ana' q'uinal te ya yac'at bael ta lajele.

Proverbios 21:16

Te ants-winic te ma st'un te sbelal te p'ijil c'ope, ya me xc'o stejc'an sba ta yolilic te mach'atic lajemique.