Proverbios 19:12 - Bible in Tzeltal de Oxchuc y Tenejapa

¹² Te yilimba te muc' ajwalil, jich bit'il yaw león-choj te ya xiwotic yu'une; yan te yutsil yo'tane, jich te bit'il ts'ujul ta aquiltique.

Bible in Tzeltal Bachajón

¹² Te yilimba te ajwalil hich ay te bin ut'il yaw choj, yan te yutsil yo'tan, hich ay te bin ut'il ts'ujul ta aquiltic.

Proverbios 19:12 Referans Kwoze

Oseas 14:5

Jich ya jpasbey ta swenta Israel te bit'il ts'ujule, jich me ya yac' snich c'oem, jich bit'il te lirioetique. Tulan me ts'unul ya xc'ot, jich bit'il tulan te wits Líbano.

Proverbios 20:2

Te sc'ajc'al yo'tan te muc' ajwalil, jich c'oem te bit'il león-choj te yac ta aw; te mach'a ya yac' ilinuc, yu'un nix ya xlaj a.

Proverbios 28:15

Pajal soc león-choj te ya x'awun, o jich bit'il oso te ay ta wi'nale, jich c'oem te mach'a amen yo'tan te ochem ta ajwalil yu'un te me'baetique.

Salmos 133:3

Pajal soc yutsil sts'ujulel wits Hermón te ya xjul tel ta witstiquil yu'un Sión. Tey me ya yac' tel bendición Cajwaltic swenta jcuxlejaltic te ma'yuc slajibale.

Miqueas 5:7

Ja' yu'un te mach'atic sts'umbal Jacob te jilemic to, te ay ta yolilic bayal ta jpam lumetic, jichic me te bit'il ts'ujul ya sticun tel te Cajwaltic, jich bit'il ja'al ya xjul ta sba te wamaletique, te ma ja'uc sc'anjel yo'tan te winique.

Daniel 6:24

Ja' nix ta yorail a, te muc' ajwalil la sticun ta iq'uel te winiquetic la slebeyic smul te Daniel. Te winiquetic, ta spisil soc yinamic soc yal-snich'nabic, la yich'ic ch'ojel ochel ta xch'en león-chojetic. Ma to ba staojic c'oel a, wilic tel ta stojolic te león-chojetique, jich ti'otic ta ora yu'un.

Daniel 5:19

Ta swenta te yip ac'bot yu'un te Diose, ich'ot ta muc' yu'un spisil ants-winiquetic ta spisil lumetic soc nacionetic soc c'opiletic. Ya xtal nijq'uel yu'un xiwel ta yo'tanic ta stojol. Ya xju' ya smil te mach'a ya sc'an ya smile, soc ma ba ya smil te mach'a ma ba ya sc'an ya smile. Ay yantic la yac' toyuc sc'oplal soc ay yantic la yac' pejc'ajuc sc'oplalic.

Eclesiastés 8:4

Te sc'op muc' ajwalil, ja' slajibal ya spas mandal stuquel, ma'yuc mach'a ya x'ich'bot ta wenta te yat'ele.

Salmos 72:6

Jich ac'a c'otuc te bit'il ja'al te ya yajts'es te lumq'uinal soc jich ac'a c'otuc te bit'il ts'ujul te ya yajts'es te aquiltique.

Ester 7:8

Te c'alal sujt' tel ta nichimaltic te muc' ajwalile, och bael ta yut na ta banti yacalic ta we'el swenta te q'uine, la yil te Amán, quejel ta stojol te Ester ta banti metsele. Jich la yal: —¡A! ¿Yu'un bal ya ac'an ya awuts'inbon ta jsit te antsil-ajwalil li' ta jna jiche? —xi'. Te bi ora jich la yal te muc' ajwalile, te jcananetic yu'un la smacbeyic sit te Amán. Te jtul yabat te ajwalil te Harbona sbiile, jich la yal: —Ta sna te Amán ay chapalix jun te', ay wan cheb xcha'winic (22) metro snajt'il, te ja' nix te Amán la yac' ta pasel yu'un ya yac' ta jijp'anel sc'oplal a te Mardoqueo, ja' te winic te mero lec bila la spas ta atojol te ja'at te muc' ajwalilate —xi'. —Jijp'anaic tey a jiche —xi' smandal te muc' ajwalile.

2 Samuel 23:4

jich me te bit'il yac ta t'osel q'uinal c'alal ya sacube, jich me te bit'il xojobil te c'aale te ma'yuc tocal ta sabe, te ya yac' muc'ubuc te ch'in wamaletique c'alal ya xc'ax te ja'ale’, xi'.

Génesis 27:28

Spisil ora ac'a yac'bat tel ja'al c'alal ta ch'ulchante Diose, ac'a yac' sitinuc ta lec te awawal-ats'unube, ac'a yac' esmajuc bayal trigo soc bayal vino awu'un.

Deuteronomio 33:28

Te Israel jun me yo'tan ya x'ainic; te patil alnich'anetic yu'une lamal me q'uinal ya yaiyic. Ta sq'uinal ay me trigoetic soc ay me ts'usubiletic; spisil me ora ya xco tel ja'al ta ch'ulchan ta stojol.

Isaías 18:4

Te Cajwaltic la yalbon: —C'alal to ta bay ayon, senel nax q'uinal ya caiy te ya quil tele, jich bit'il xojobil c'aal ta yorail verano, jich bit'il xtomet nax tocal yu'un te sjab lumq'uinal ta yorail sloq'uesel sit te awalts'unubile.

Ester 1:12

Pero te yiname, ma ba la sc'an xch'uunbey smandal te muc' ajwalil c'ot ta alel yu'un te winiquetique. Te muc' ajwalil bayal ilin yo'tan yu'un, mero bayal slab yo'tan yu'un.