Proverbios 18:5 - Bible in Tzeltal de Oxchuc y Tenejapa

⁵ Te juecetic ma lecuc teme ja' ya xc'uxtayic te mach'a ay smule, soc teme ja' ya xch'aybeyic sderecho te mach'a ma'yuc smule.

Bible in Tzeltal Bachajón

⁵ Ma lecuc te lec awo'tan yu'un te mach'a chopol, soc sch'aybeyel te bin toj ta pasel ta stojol te mach'a mayuc smul.

Proverbios 18:5 Referans Kwoze

Levítico 19:15

“Stojil me xachajban yu'un smul te mach'a ya atabey smule, ma me ja'uc ya ana'bey yo'bolil sba te mach'a ma'yuc yipe, soc ma me xbic'tajat ta stojol te mach'a bayal yipe. Ja' me xat'un ta pasel te bila stojil te c'alal ya awac'bey castigo yu'un smul te mach'a ya atabey smule.

Proverbios 28:21

Ma me tsabiluc nax mach'a c'ux ta co'tantic; melel scaj nax me jteb we'elil te ya xju' ya sta smul yu'une.

Deuteronomio 16:19

Ma me xajowtesic te bila stojil aye, pajal nax me xachajbanic te lume. Ma me x'atsaquic taq'uin ta swenta yuts'inel yantic, melel te stsaquel taq'uin swenta uts'inwaneje ya stup'bey sit te mach'atic p'ijique soc ya yixlanbey te sc'opic te mach'atic toj yo'tanique.

Salmos 82:2

Jich ya yal: “¿Jayeb to ora te ya apasic te lotil chajbanwanej te ja'exe, soc te ja' ya acoltayic ta c'op te mach'atic amen yo'tanique?

Proverbios 24:23

Ja' p'ijil c'opetic yu'un te mach'atic ay sp'ijile: Ma ba lec teme ay mach'a ya yich' tenel ta c'op ta stojol juecetic.

Proverbios 17:15

Teme ya yich' aq'uel ta libre te mach'a ay smul, soc teme ya x'ac'ot ta lajel te mach'a ma'yuc smule, ta xchebal yilayej te Cajwaltique.

San Mateo 22:16

Jich la sticunic bael ta stojol cha'oxtul te jnopojeletic yu'un te fariseoetique soc cha'oxtul te mach'a jun yo'tan sbaic soc te Herodese. Jich tal yalbeyic te Jesuse: —Maestro, jna'ojtic stojol te bit'il puro smelelil te bila ya awale. Soc jna'ojtic te bit'il jamal ya awac' ta nopel te be yu'un te Diose. Ma'yuc mach'a te ya xiwat ta c'op ta stojol, te melel ma tsabiluc nax awu'un ta sit yelaw te mach'a ya awich' ta muq'ue.

Isaías 5:23

Te ja'exe, ta scaj taq'uin te ya awalbey sc'oplal te ma'yuc smul te mach'a ay smule, soc te ma ba toj ya achajbanic te mach'a ma'yuc smule.

Job 34:19

Te Dios ma yanuc sc'oplal yu'un a te mach'atic ochemic ta ajwalil, ma ja'uc toyol sc'oplal yu'un te mach'atic ay sc'ulejalique, soc ma ja'uc peq'uel sc'oplal yu'un te mach'atic ma'yuc sc'ulejalique, melel ja' la spas ta spisilic stuquel.

Miqueas 7:3

Ja'ic maestroetic yu'un spasel te bila amene. Te ajwaliletic ya sujawanic ta sc'anel majt'anil. Te juecetic ya sc'an smajt'an taq'uinic ta muquen. Te mach'atic tulanic ya spasic te bila ya sc'an yo'tanic soc ya sjowtesic te lume.

Isaías 59:14

Ja' ilaybil c'ot te toj-o'tanile; c'ubul ayotic yu'un te bila toj ta pasele. Te smelelil la sc'ojch'in sba c'oem ta parque; te toj-o'tanile ma'yuc bay ya xju' ya xtal.

Éxodo 23:2

“Ma me xajoin te bayal ta jtul ta spasel te bila ma lecuque. “Te c'alal ay testigo-c'op ya awal ta stojol te jchajbanwanejetic, ma me xawac' aba ta yalel lotil c'op soc te tsobol ta jtule, te jich ya stsac awo'tan te bila ma tojuc ta pasele.

Éxodo 23:6

“Ma me xach'aybey sc'oplal ta c'uxtayel ta stojol jchajbanwanejetic te mach'a ma'yuc bila ay yu'une.

Proverbios 17:26

Ma lecuc ya yich' c'anel smulta te mach'a ma'yuc smule; ma lecuc ya yich' majel swenta castigo te mach'a leque.

Proverbios 31:5

Melel ya me xch'ay ta yo'tanic te mandaliletique, jich ma ba lec ya xchajbanic a te mach'a mero pec'ajtique.

Miqueas 3:9

Ajwaliletic soc jtsobwanejetic yu'un Israel, aiya me awaiyic stojol ta ora to. Te ja'exe ya awilayic te bila toj ta pasele; ja' ya ajinic spisil te bila toj aye.

Éxodo 23:3

Soc ja' nix jich, ma me xacoltay ta c'op te jtul te ma'yuc bila ay yu'un te ay bila ma lecuc spasoje.