Proverbios 18:4 - Bible in Tzeltal de Oxchuc y Tenejapa

⁴ Te sc'op te mach'a ya xc'opoje jich c'oem te bit'il snabilal ja', jich te bit'il muc'ja' ya x'oquine, soc jich te bit'il pozo yu'un te sp'ijile.

Bible in Tzeltal Bachajón

⁴ Te sc'op te winic, ha c'ubul ha' c'ohem; te sloq'uib-ha' yu'un p'ijil-o'tanil, ha uc'um te ya x'oquin bahel.

Proverbios 18:4 Referans Kwoze

Proverbios 20:5

Te mach'a ay bila snopoj ta yo'tan, jich c'oem te bit'il snabilal te ja'e; yan te mach'a ay sp'ijile, ya me sta te bila nopbil yu'une.

Proverbios 10:11

Te bila ya yal te mach'a toj yo'tane, sloq'uibja' c'oem yu'un cuxlejal; yan te mach'a amen yo'tane, ya xmilot yu'un te bila amen ya spase.

Colosenses 4:6

Mach'auc a te ya xc'opojex soque, lecuc me ya yaiybeyex te ac'opique. Ayuc me xchi'il jichuc ats'am te ac'opique, swenta yu'un ya me ana'ic bit'il ya asujt'esbeyic sc'op te juju-jtule.

San Juan 4:14

Yan te mach'a ya yuch' te ja' ya cac' jtuquele, sbajt'el q'uinal ma xtaquej yo'tan yu'un. Melel te ja' ya cac' jtuquele, jich bit'il sloq'uib ja' ya xc'ot ta yo'tan. Ya me xcuxin sbajt'el q'uinal yu'un —xi' te Jesuse.

Proverbios 13:14

Te bitic ya yac' ta nopel te mach'a ay sp'ijile, sloq'uibja' c'oem yu'un te cuxlejale, soc ya scoltayotic ta slazoil te lajele.

Colosenses 3:16

Ja'uc me nojel ta awo'tanic spisil ora te sc'op te Cristoe. Ayuc me sp'ijil awo'tanic te ya ap'ijubtes abaic soc te ya atac'uy abaique. C'ajintayaic soc awo'tanic ta yalel wocol Dios ta salmoetic, c'ayojetic yu'un te Diose, soc c'ayojetic ta swenta Espíritu.

San Mateo 12:34

Te ja'exe sts'umbalex jti'awal chanetic, ¿bit'il c'an lecuc te ac'opique?, melel amen te awo'tanique. Ta swenta ac'opic chican te bila nojel ta awo'tanique.

Salmos 78:2

Ya xc'opojon ta tsabil c'opetic; ya me cal te bila muquen ay, te namey ma'yuc ta alele.

Proverbios 16:22

Te mach'a toj ya yac' sba soc te yo'tane, sloq'uibja' c'oem yu'un te xcuxlejale; teme ya jp'ijubtestic te mach'a ma sna' q'uinale, tojol ya xc'ot.

Proverbios 18:3

Te bila ma lecuc, ya yac' q'uexlal; te toybaile, ya xch'ay ich'el ta muc' yu'un.