Proverbios 18:2 - Bible in Tzeltal de Oxchuc y Tenejapa

² Te mach'a ma sna' q'uinal, ma'yuc bila ya sc'an yo'tan ya snop; ja' nax toyol yo'tan yu'un te ya yac' ta ilel sp'ijil ta sc'op.

Bible in Tzeltal Bachajón

² Te mach'a ma sna' q'uinal ma smulan stsahtayel te bin ay ta na'el, ha ya smulan ya yac' ta na'el bin ay ta yo'tan stuquel.

Proverbios 18:2 Referans Kwoze

Proverbios 1:7

Te xjajch'ibal te p'ijil-o'tanile, ja' te yich'el ta muc' te Cajwaltique; te mach'atic ma sna'ic q'uinale ya yilayic te p'ijil c'op soc te p'ijubtesele.

Proverbios 12:23

Te mach'a ay sp'ijil yo'tane, ma xyac' sba ta ich'el ta muc' yu'un te bila ya sna'e; yan te mach'a ma sna' q'uinale, bin nax yo'tan yu'un te sbolile.

Proverbios 17:16

¿Bi yu'un ya yich' tel taq'uin ta sc'ab te mach'a ma sna' q'uinal te ya sman p'ijilil ta sc'op a, te bit'il ma xju' yu'un snopele?

Proverbios 13:16

Te mach'a ya sna' q'uinal, ya x'at'ej soc sp'ijil yo'tan; yan te mach'a ma sna' q'uinale, bin nax yo'tan yu'un te sbolile.

1 Corintios 8:1

Ta ora to ya calbeyex sc'oplal te milbil majt'anil yu'un te loc'ombaetique. Melel jna'ojtic jpisiltic te bit'il ay te loc'ombaetique. Ja'uc me to, te bila jna'ojtic stojole, ja' ya jtoy jbatic yu'un. Yan te xc'uxul-o'tanile, ya xmuc'ubotic yu'un stuquel.

Eclesiastés 10:3

C'alal ya xbeen ta be te mach'a ma sna' q'uinale, ya yac' ta ilel te ma'yuc sp'ijil sjole; soc ya yac' ta na'el te ma sna' q'uinal ta stojol te yantique.

Filipenses 1:15

Ja'uc me to, ay mach'atic ya spucbeyic sc'oplal Cristo ta swenta jex-o'tantaywanej soc swenta tsaltomba te ay ta yo'tanique. Yan te yantique ya spucbeyic sc'oplal ta swenta yutsil yo'tanic.

1 Corintios 14:12

Ja' nanix jich te ja'exe, te bit'il toyol awo'tanic yu'un te majt'aniletic ta swenta te Espiritue, ja' me x'awantayic ta c'axem to xan te majt'aniletic te ya sta xan yip yo'tanic yu'un a te jch'uunjeletique.

San Mateo 8:34

Jich loq'uic tel spisil te yajwal lume, talic ta banti ay te Jesuse. Te c'alal la yilique, la yalbeyic wocol te yacuc xloc' bael ta sq'uinalique.

Proverbios 1:22

“Queremetic, te ma'yuc ap'ijilique, te jlabanwanejex soc te ma x'ana'ic q'uinale, ¿jayeb xan ora te ya amulanic te bol-o'tanile, soc te ya sbujts'naj awo'tanic yu'un te labanwanej, soc te ya awilayic te p'ijilile?

Proverbios 18:3

Te bila ma lecuc, ya yac' q'uexlal; te toybaile, ya xch'ay ich'el ta muc' yu'un.