Proverbios 18:16 - Bible in Tzeltal de Oxchuc y Tenejapa

¹⁶ Teme ay majt'anil ta ac'ab, jich ya xjambotat spisil te ti'nailetic, asta ya xju' ya xc'oat ta stojol te mach'atic muc' sc'oplalique.

Bible in Tzeltal Bachajón

¹⁶ Te mahtanil ya sjam te sbe te winique soc ya x'ic'ot ochel yu'un ta stojol te mach'a ay sc'oblale.

Proverbios 18:16 Referans Kwoze

Proverbios 19:6

Te mach'a ya xmajt'anteswan soc te ma'yuc st'ut'ile; bayal mach'atic ya xtalic ta leel yu'un, soc ya xjunaj yo'tan soc.

Génesis 43:11

La sjac' te statique: —Lec ay jiche, ic'aic bael. Soc ich'beyaic bael jtebuc smajt'anin te bila ay ta jq'uinaltique, ya me xc'o awac'beyic te ajwalile, ja' te bálsamo, chab, soc te bila bujts'an yic', mirra, soc sit te', nuez soc almendra.

Proverbios 17:8

Te mach'a spisil ora ya yac' majt'anil taq'uin, jich ya scuy sba te ay bi ya xju' yu'un ta sc'ope; melel ay bi ya xloc' yu'un a te bayuc ya xbajt'e.

1 Samuel 25:27

Yo'tic wocoluc, ac'a yich' puquel spisilic te abatetic awu'un ajoinej te majt'aniletic la quich'bat tele.

Génesis 33:10

Ja'uc me to, la yal te Jacob: —Wocoluc, ich'bon amajt'anin, teme c'uxon ta awo'tane. Yu'un la quilbey sit Dios la caiy a te bit'il la quilbat asite, soc bin nax co'tan yu'un te bit'il lec awo'tan cu'une.

Génesis 32:20

soc albeyaic: “Patil yac ta talel te awabat Jacob”, utaic me —xi'. Yu'un la yal ta yo'tan: “Ya jlecubtesbey yo'tan soc a te majt'aniletic te ya jneeltesbey baele. Jich me ya quil a teme lecubenix yo'tan cu'une”, xi'.

Proverbios 21:14

Te mach'a muquen ya yac' te majt'anile, jich ya xlamaj te tulan ilimbae.

1 Samuel 16:20

Ja' yu'un te Isaí la sticun te snich'an David ta stojol Saúl, soc la sticun jcojt' burro scuchoj bael pan, jun nujc'ulil vino, soc jcojt' ch'in tentsun.

Proverbios 18:17

Te mach'a sbabial ya scoltay sba ta c'op, smelelil yaiyel te bila ya yale; ja' to c'alal ya xc'ot te scontroe, jich ya xchicnantesot yu'un.

2 Reyes 5:5

Te muc' ajwalil yu'un Siria jich albot yu'un: —Lec ay jiche, baan. Ya me jticunbey carta te muc' ajwalil yu'un Israel —xi' sc'oplal. Jich bajt' te Naamán. La xchajban lajuneb xcha'winic ta jmil (30,000) ta jsejp plata, wacmil (6,000) ta jsejp oro soc lajunchajp c'u'iletic,