Proverbios 18:10 - Bible in Tzeltal de Oxchuc y Tenejapa

¹⁰ Muc' sc'oplal te Cajwaltic, jich te bit'il toyol ts'ajc'; te mach'atic toj yo'tanic ya me xbajt'ic ta stojol ta sleel canantayel.

Bible in Tzeltal Bachajón

¹⁰ Ha toyol ts'ahc te sbihil te Jehová; tey ya x'ahnimaj bahel a te mach'a toj yo'tan soc hich ya xcol.

Proverbios 18:10 Referans Kwoze

2 Samuel 22:3

Diosat cu'un, ja'at nac'jibal tonat, ja' majq'uilat Cajwal, ya acoltayon ta awu'el. Mero toyol nac'jibalat cu'un, mero toyol anjibalat, Jcoltaywanejat cu'un atuquel. La acoltayon, ma ba c'ot ta jwenta te tulan uts'inele.

Salmos 91:2

jich ya yal ta stojol te Cajwaltique: “Ja'at anjibalat cu'un ja' nac'jibalat, Dios cu'un, te smuc'ulinejat co'tan”, xi' me ta stojol.

Isaías 26:4

Ja'uc me smuc'ul awo'tanic spisil ora te Cajwaltique, melel ja' anjibal sbajt'el q'uinal stuquel.

Salmos 144:2

Jun yo'tan cu'un, ja' cawil te banti ya quich' canantayel, ja' te mero toyol anjibal soc te j'ac'aw ta libre cu'une. Ja' jmajq'uil stuquel te ya jcanantay jba a; ja' stuquel te ya yac'bon ta jc'ab te lumetique.

Salmos 27:1

Sacuben q'uinal ta jtojol yu'un te Cajwale, soc ja' Jcoltaywanej cu'un stuquel. ¿Mach'a a te ya jxi'e? ja' ya xc'opoj te Cajwal yu'un te jcuxlejale; ¿mach'a a jiche te ya jxi'e?

Salmos 18:2

Ja'at Cajwal, jcanantaywanejat, anjibalat cu'un, ja'at la awac'on ta libre atuquel. Diosat cu'un, ja'at nac'jibal tonat, ja' majq'uilat, Cajwal, ya acoltayon ta awu'el. Mero toyol nac'jibalat cu'un.

Génesis 17:1

Te c'alal balunlajuneb yo'winic (99) ya'wilal a te Abram, te Cajwaltic la yac' sba ta ilel ta stojol, jich la yalbey: —Jo'on Dioson te Spisil ya xju' cu'une, toj me xawac' aba ta jtojol, ma me xapas te bila ma lecuque.

Apocalipsis 1:8

“Jo'on Alfaon, jo'on Omegaon; ayon ta xjajch'ibal soc ta slajibal”, xi' te Cajwaltic te Spisil ya xju' yu'une. Ja' te mach'a stalel aye, soc te ay ta namey tele, soc te mach'a jtalelixe.

San Mateo 1:23

“Ay me jtul tec'tojom ach'ix te ya yic' alale. Ya x'ayin squerem-al, Emanuel ya xc'ot te sbiile”, te xie. Te bit'il Emanuel xi' te sbiile, “Sjoinejotic te Diose”, xi' c'oem.

Isaías 9:6

Melel ayinemix jtul alal cu'untic, Dios la yac'botic jtul nich'anil, ja' te ac'bil yu'el ta mandalteswanej. Ja' me sbiilic ya xc'ot: “Jchajp nax Jtojteswanej”, “Dios te bayal yip”, “Tatil sbajt'el q'uinal”, soc “Ajwalil yu'un lamal q'uinal”.

1 Samuel 30:6

Te David ma sna' bi ya yut sba scaj te yac ta alel te ya yich' xch'ojel ta ton yu'un te swinictaque, melel spisilic ilinem yo'tanic yu'un te bi c'oem ta pasel ta stojol te snich'nabique. Pero ja' la yipin yo'tan te Cajwaltic te Dios yu'une.

Jeremías 23:6

Ta yorail te ay ta at'el ta muc' ajwalile, te Judá ya me xcol; jich nix te Israel, jun nax me yo'tan ta q'uinal. Ja' me sbiil ya awalbeyic in to: “Cajwaltic te toj ya yaiy tsalaw cu'untique” xaex me ta yalel —xi'.

Salmos 91:14

Ya yal te Cajwaltic: “Jo'on ya jcoltay loq'uel spisil a, ma'yuc bi ya xtaot yu'un, melel c'uxon ta yo'tan soc ya sna'bon jba.

Habacuc 3:19

Melel te Cajwale ya yac'bon quip; ya yac'bon yip te cacane, jich bit'il ya x'animaj chij. Jich ya yic'on bael ta toyol q'uinal ta bay ya xcolone —xi' te Habacuc.

Isaías 57:15

Melel te Mach'a toyole, ja' te mach'a stalel cuxule, te Ch'ul Dios, xi' sbiil, jich ya yal: —Jo'on nainemon ta jun toyol awilal te ch'ultesbile; ja'uc me to, joinej te mach'a peq'uel soc te mach'a ay swocol ta mel-o'tane. Ya cac'bey sbujts' yo'tan soc ya xjam q'uinal yaiy.

2 Samuel 22:51

Ya awac'bey yaiy tsalaw te ajwalil tsabil awu'une; spisil ora c'ux ta awo'tan te David soc te sts'umbale”, xi' ta c'ayoj te David.

Génesis 32:11

Ora yo'tic coltayawon loq'uel ta sc'ab te jbanquil Esaú, yu'un ya jxi', ma me xtal smilon soc te alaletic cu'un soc te sme'ique.

Éxodo 6:3

Cac'oj jba ta ilel ta stojol Abraham, Isaac soc Jacob. Soc la cac'bey sna' te jbiile: “Dios te Spisil ya xju' yu'une”, xi' te jbiile. Ja'uc me to, ma ja'uc la cac' ta na'el te mero jbiile: “Jo'on Ajwalilon”, te xie.

2 Samuel 22:2

Jich la yal: “Ja'at Cajwal, Jcanantaywanejat, anjibalat cu'un, ja'at la awac'on ta libre atuquel.

Proverbios 14:26

Teme ya quich'tic ta muc' te Cajwaltique, ja' ya sta yip co'tantic yu'un, soc jich ya x'ac'bot lec canantayel bael te jnich'antique.

Proverbios 29:25

Te xiwel ta stojol ants-winiquetic, spejts'ul c'oem; yan te mach'a ja' smuc'ulinej yo'tan te Cajwaltique, canantaybil stuquel.

1 Samuel 17:45

La sjac' te David: —Te ja'at talat ta jtojol soc te puñal soc te lanzaetic awu'une; pero te jo'one talon ta atojol ta swenta te Cajwal te Spisil ya xju' yu'une, ja' te Dios yu'un te soldado-israeletic te yacalat ta stijbeyel jajch'el slab yo'tanique.

Salmos 20:2

Ac'a sticun tel jcoltaywanej ta scoltaybelat c'alal ta ch'ul templo ta Sión.