Proverbios 17:8 - Bible in Tzeltal de Oxchuc y Tenejapa

⁸ Te mach'a spisil ora ya yac' majt'anil taq'uin, jich ya scuy sba te ay bi ya xju' yu'un ta sc'ope; melel ay bi ya xloc' yu'un a te bayuc ya xbajt'e.

Bible in Tzeltal Bachajón

⁸ Te mahtanil taq'uin sjel ta lequil ton te ay yip ya ya'iy te mach'a ya yaq'ue; bayuc ya xbaht, ay bin ya sta a.

Proverbios 17:8 Referans Kwoze

Éxodo 23:8

“Ma me xach'uun stsaquel taq'uin ta swenta xchajbanel aiyej, ya me xc'atp'ujat ta ma'sit yu'un c'oem. Jich ya xch'ay c'uxtayel ta swenta te mach'a toj yat'ele.

Miqueas 7:3

Ja'ic maestroetic yu'un spasel te bila amene. Te ajwaliletic ya sujawanic ta sc'anel majt'anil. Te juecetic ya sc'an smajt'an taq'uinic ta muquen. Te mach'atic tulanic ya spasic te bila ya sc'an yo'tanic soc ya sjowtesic te lume.

Amós 5:12

Jo'on ya jna' te bayal bila amen apasojic soc te ma'yuc slajibal te amulique. Ya atenic ta uts'inel te mach'a toje, ya atsac amajt'an taq'uinic, soc ta bay chajbajibal ma'yuc sc'oplal ya xc'ot awu'unic te bila ya sc'an te me'bae.

Isaías 1:23

Toybaetic te ajwaliletic awu'unique, ja' sjoy sbaic soc te j'eleq'uetique. Spisilic ya spasic chajbanwanej ta puro taq'uin, ya sleic te yacuc ac'botuc majt'aniletique. Ma ba lec ya xchajbanic te me'ba alaletique, ni ma'yuc sc'oplal ta yo'tanic te bitic ay ta swentaic te me'ba antsetique.

Proverbios 21:14

Te mach'a muquen ya yac' te majt'anile, jich ya xlamaj te tulan ilimbae.

Proverbios 17:23

Te mach'a amen yo'tan ya xch'uun yich'el smajt'an taq'uin ta muquen yu'un sboltesel te tojil chajbanele.

1 Samuel 25:35

Te David la stsac te smajt'an ac'bot ta sc'ab yu'un te Abigail, jich la yalbey: —Baan, jun awo'tan sujt'an bael ta ana. La awilix te la quich'bat ta wenta te ac'ope, la jpasbat perdón jich te bit'il la ac'anbon ta jtojole —xi'.

Deuteronomio 16:19

Ma me xajowtesic te bila stojil aye, pajal nax me xachajbanic te lume. Ma me x'atsaquic taq'uin ta swenta yuts'inel yantic, melel te stsaquel taq'uin swenta uts'inwaneje ya stup'bey sit te mach'atic p'ijique soc ya yixlanbey te sc'opic te mach'atic toj yo'tanique.

Génesis 43:11

La sjac' te statique: —Lec ay jiche, ic'aic bael. Soc ich'beyaic bael jtebuc smajt'anin te bila ay ta jq'uinaltique, ya me xc'o awac'beyic te ajwalile, ja' te bálsamo, chab, soc te bila bujts'an yic', mirra, soc sit te', nuez soc almendra.

Salmos 29:4

Te sc'op Cajwaltic tulan ta jyalel; te sc'op Cajwaltic ay yu'el;

Salmos 21:13

Cajwal, jajch'an tel soc awu'el. Ya me jc'ajintaytic te tsalaw awu'une.

Salmos 19:6

Te c'aal ya xloc' tel ta jejch' ch'ulchan, ya xjoybej bael ja' to c'alal ya xc'ot ta loq'uel ta yan jejch' ch'ulchan, ma'yuc mach'a ya xju' snac' sba yu'un te xq'uixnale.

Salmos 18:16

Dios la yac' tel sc'ab ta jtojol c'alal ta toyol, ta sc'ab la sloq'ueson ta bay muc'ul mar.

Eclesiastés 7:7

Te uts'inel ya sjinbey sjol te mach'a ay sp'ijile; te mach'a ya yich' taq'uin yu'un ma tojuc ya xchajbanwan, ya xbolob stalel yu'un.

Génesis 32:14

Lajunwinic (200) ta jcojt' yantsilel tentsunetic, soc jtab ta jcojt' stat tentsunetic, soc lajunwinic (200) ta jcojt' yantsilel chijetic, soc jtab ta jcojt' stat chijetic,

Génesis 32:21

Jich la sneeltesbey bael te smajt'an chambalametic te Esaú. Yan te Jacob tey to way jilel stuquel a.

Proverbios 18:16

Teme ay majt'anil ta ac'ab, jich ya xjambotat spisil te ti'nailetic, asta ya xju' ya xc'oat ta stojol te mach'atic muc' sc'oplalique.