Proverbios 17:6 - Bible in Tzeltal de Oxchuc y Tenejapa

⁶ Te mamaletic, ja' me scoronaic c'oem te smamataque; te alnich'anetic toyol q'uinal ya yaiyic yu'un te sme'-statique.

Bible in Tzeltal Bachajón

⁶ Te corona yu'un te mamaletic, ha te smamatac, soc te yutsilal te al-nich'anetic, ha te sme'statique.

Proverbios 17:6 Referans Kwoze

Proverbios 16:31

Teme saquix sjol, ja' slequil corona, te ac'botix yu'un te bit'il lec yo'tan soc lec yat'el.

Proverbios 13:22

Te lequil winique ya yijq'uitaybey jilel smamatac te bila ay yu'une; yan te sc'ulejal jmulawile, ja' ya xjil ta swenta te mach'a toj yo'tane.

1 Reyes 15:4

Pero ta swenta xc'uxul ta yo'tan David te Cajwaltic, la sc'an te ya to xtil xan te c'ajc' yu'un c'oem ta Jerusalén, ja' te la smojt'es jilel ta muc'ul nactijibal te snich'an te c'alal loq'ue, soc la yac'bey xan yich' yip te Jerusalén.

1 Reyes 11:12

Pero ta swenta xc'uxul ta co'tan te David te atate, ma ba ya jpas te jayeb xan c'aal cuxulate, pero ya me jpojbey te anich'ane.

Génesis 50:23

Laj to yilbey sit snich'nab te snich'nab Efraín, soc laj to yich' ta wenta te snich'nab Maquir, ja' te snich'an te Manasés.

Génesis 48:11

Soc la yalbey te José: —La cal te ma ba ya quilbat asit; ja'uc me to, Dios la yac'bon quilbat xan asit, soc la yac'bon quilbey sit te cheb anich'nabe —xi'.

Éxodo 20:12

“Ich'a ta muc' te ame'-atate, swenta yu'un ya me xnajt'aj acuxlejal ta aq'uinal te ya cac'bat te Ajwalilon te Dioson awu'une.

Malaquías 1:6

Te Cajwaltic, te Spisil ya xju' yu'un, ya yalbey te sacerdoteetic: —Te nich'aniletic ya yich'ic ta muc' te statique; te abatetic ya nix yich'ic ta muc' te yajwalique. Te bit'il jo'on Atatonic, ¿bi yu'un te ma x'awich'onic ta muc' jiche? Te bit'il jo'on awajwalonic, ¿bi yu'un te ma'yucon ta ich'el ta muc' awu'unique? Te ja'exe ma'yuc jc'oplal ta awo'tanic, jich yu'un ya awalic: “¿Bila a te ma'yuc ac'oplal ta co'tantic yu'un ya awale?” xaex.