Proverbios 17:12 - Bible in Tzeltal de Oxchuc y Tenejapa

¹² Ja' lec ja'uc ya jta jbajtic soc me' oso te jajch'em sc'ajc'al yo'tan yu'un te elc'anbot te yale; te manchuc ja'uc ya jta jbajtic soc te mach'a ma sna' q'uinal te ay bila ya sc'an ya spase.

Bible in Tzeltal Bachajón

¹² Ha lec xan yac ata aba soc me' oso te elc'ambil yalatac te bin ut'il yac ata aba soc te jsohquejol ta sohqueholal.

Proverbios 17:12 Referans Kwoze

Oseas 13:8

Ya xloc'on tel ta stael jich bit'il me' oso te pojbil yalataque, ya me jlombey te xch'ujt'e. Jichon me te bit'il león-choj, te tey nax ya sti' a; jich bit'il jti'awal ja'mal chambalam te ya stsac ta ti'ele.

2 Samuel 17:8

Ja'at nix mero ana'oj te ma xiwic te atat soc te swinictaque. Yo'tic mero jajch'em slab yo'tanic, jich c'oemic te bit'il sme' ja'mal oso te yich'oj pojel yalataque. Soc xan, te atate mero c'aem ta guerra, ma ja'uc sjoinej ya xc'ax ajc'ubal te swinictaque.

San Mateo 2:16

Te Herodese la sna' ta yo'tan te laj ta lo'layel yu'un te p'ijil winiquetique. C'axem to xan ilin yu'un. La yal mandal te ya xba yich' milel spisil te alalqueremetic te che'cheb ja'wil ya'wilalique soc uuc te ma to xloc' cheb ja'wil yu'unic te ayic ta spamal lum Belén soc ta sjoylejal. Ja' la sna' te bi ora chicnaj te ec' te la yalic te p'ijil winiquetique.

Proverbios 28:15

Pajal soc león-choj te ya x'awun, o jich bit'il oso te ay ta wi'nale, jich c'oem te mach'a amen yo'tan te ochem ta ajwalil yu'un te me'baetique.

Proverbios 27:3

Te tonetic soc te ji' c'ax bayal yalalic; c'axem jich yalal yilimba a te mach'a ma sna' q'uinale.

2 Reyes 2:24

Te Eliseo la sut sba ta stojolic, la yil bael: —Yo'tic ya me yac'bat castigo te Cajwaltique —la yut. Ora loc' tel ta ja'mal cha'cojt' osoetic, milotic yu'un cheb yoxwinic (42) ta jtul queremetic.

Proverbios 17:11

Te mach'a jtoyba-o'tane ja' nax ya sjajch'es c'op; ja'uc me to, ay mach'a buen c'ajc' ya xticunbot bael ta stojol.

Proverbios 29:9

Teme ya yut sba soc te mach'a ma sna' q'uinal te mach'a ay sp'ijile, te mach'a ma sna' q'uinal, ya x'ilin soc ya xlabanwan. Jich ma'yuc bila ya xchajbaj jtebuc.