Proverbios 16:7 - Bible in Tzeltal de Oxchuc y Tenejapa

⁷ Te mach'a lec yat'el ya x'ilot yu'un Cajwaltic, ya xlamaj yo'tanic yu'un te scontrotaque.

Bible in Tzeltal Bachajón

⁷ Te c'alal lec yo'tan Jehová yu'un te behetic yu'un te winic, ya yac' te ya xlahmaj yo'tanic te scontratac ta stojol.

Proverbios 16:7 Referans Kwoze

Romanos 8:31

¿Bi ya caltic yu'un in to? Teme ja' ay ta jtojoltic te Diose, ¿ay bal mach'a ya xju' te ya scontroinotique?.

1 Juan 3:22

Spisil te bila ya ac'anbeyique, ya me yac'beyex, yu'un cat'elinejtic xch'uunel te smandale, soc cat'elinejtic spasel te bila lec yo'tan yu'un stuquele.

Colosenses 1:10

Swenta yu'un jich ya xju' awu'unic te toj ya x'ainex ta q'uinal te bit'il yu'unex te Cajwaltique, soc te jich ya xju' awu'unic spasel spisil ora te bila lec yo'tan yu'une. Ac'a sitinuc awu'unic spisil ta jchajp te lequil at'elile, jich me ya x'esmaj xan te bit'il ya ana'beyic sba te Diose.

2 Crónicas 17:10

Spisil te ajwaliletic yu'un te nacionetic te ayic ta sjoyobal sq'uinal Judá, la xi'ic te Cajwaltic, jich ma'yuc mach'a jelaw te la yac'bey guerra te Josafat.

Hebreos 13:21

Ja' me ya yac' ju'uc awu'unic spasel spisil te lequil at'elile, swenta yu'un jich me ya apasbeyic te sc'anjel yo'tan stuquele, soc ja' ac'a at'ejuc ta awo'tanic ta apisilic ta spasel te bila lec yo'tan yu'un ta swenta te Jesucristoe. ¡Jelawen yutsil sbajt'el q'uinal stuquel te Cristoe! Jichuc.

Jeremías 15:11

Ac'a c'otuc ta pasel yu'unic te sbol-c'opic, Cajwal, teme ma ba lec cac'oj jba ta abatinel awu'une, teme ma ba calojbat wocol ta xc'uxtayel te jcontrotac, c'alal ayic ta wocol soc mel-o'tan.

Génesis 33:4

Ja'uc me to, te Esaú animal ba sta tel, la smey sbaic, la sbujts'iy sbaic. Xchebalic jajch'ic ta oq'uel.

Génesis 32:28

La yal te winique: —Ma jichuquix abiil te Jacob, Israel abiil ya xc'otix, yu'un la atsal aba soc Dios soc winiquetic, soc ju'ix awu'un —xi' sc'oplal yu'un.

Colosenses 3:20

Alnich'anetic, ch'uunbeyaic spisil smandal te ame'-atatique. Melel ja' lec yo'tan yu'un te Cajwaltique.

Filipenses 4:18

Te bila la aticunic tele la quich'ix ta spisil. C'ax bayalix a. Ma'yuquix falta ya caiy a te bit'il la quich'ix te la aticunbonic tel soc te Epafroditoe. Te majt'anil la aticunbonic tele, xuq'uet nax sbujts' ta stojol Dios, jich bit'il milbil majt'anil te bin nax yo'tan yu'un te Diose.

Salmos 69:31

C'ax jich yutsil yo'tan yu'un a te Cajwaltic, c'ax jich a te ja'uc ya cac'bey milbil smajt'an toro, o teme ya cac'bey jun novillo soc xulub soc slots' te jichuque.

Génesis 27:41

Jich yu'un te Esaú la slab-o'tantay te Jacob yu'un te bit'il ja' c'anbot bendición yu'un static stuquel. La yal ta yo'tan: “Teme laj te jtate, ya me jmil te quijts'in Jacob”, xi'.

1 Pedro 3:13

Teme ja' toyol awo'tanic ta spasel te bila leque, ¿mach'a c'an yuts'inex yu'un?

Éxodo 3:21

Soc ya me cac' te ayuc sc'oplal ta yo'tanic te egipcioetic te alumale, swenta yu'un te c'alal ya xloq'uic baele, ma me jocholuc sc'abic ya xbajt'ic.

Proverbios 3:17

Mero c'ax bujts'an ta t'unel te sbe; teme tey yacat ta beel a, ayat me ta swenta lamal-o'tanil.

Proverbios 16:8

Ja' lec jteb nax stojol jc'abtic, teme yich'oj swentaile; ja' wocol teme ma stojiluc te ay bayal jtaq'uintique.

Jeremías 39:12

—Ic'a ta atojol, canantaya, soc ma me bila amen xawalbey. Ac'beya spisil te bila ya sc'anbate —la yut.

Jeremías 42:12

Ya me jna'beyex yo'bolil abaic te ja'exe, soc ya me cac' te ya sna'beyex yo'bolil abaique, soc te ya yaq'uex sujt'el ta alumalique”, xi' me.

Daniel 1:9

Ta swenta bit'il at'ejemix Dios ta stojol te jwentainwanej yu'un j'at'eletic, buen lec yo'tan ta stojol Daniel.

2 Crónicas 20:30

Jich jun yo'tan mandalaj ta ajwalil te Josafat, melel te Diose la yac' lamajuc q'uinal yaiy soc te nacionetic te jun smojón soque.

Esdras 8:36

Patil la cac'tic te smandal te muc' ajwalil ta sc'ab te mach'atic yich'oj yat'elic ta ajwalil, soc te ajwaliletic yu'un te jpam sq'uinal te ay ta stojol smalib c'aal yu'un te muc'ja' Eufrates, ja'ic te la scoltayic ta c'op te lum soc te templo yu'un te Diose.