Proverbios 16:21 - Bible in Tzeltal de Oxchuc y Tenejapa

²¹ Te mach'a ay sp'ijile, “p'ij yo'tan”, xi' sc'oplal; te lequil c'ope, ya xlecub o'tanil yu'un.

Bible in Tzeltal Bachajón

²¹ Te mach'a ay sp'ijil yo'tan ya xhalbot te ay sp'ijil, soc te schi'il c'op ya yac' te lec ya xc'oht ta o'tanil.

Proverbios 16:21 Referans Kwoze

Isaías 50:4

Te Cajwaltic la yac'bonix p'ijubtesel swenta yu'un ya jmuc'tesbey q'uinal yaiyic te mach'atic lubenique, ja' te c'opetic te ya xjam q'uinal yaiyic yu'une. Ta jujun sab ya yac'bon cat'elin yaiyel stojol, lamal co'tan ta yaiyel.

Proverbios 15:7

Te mach'atic ay sp'ijil yo'tanic ya spuquic ta alel p'ijil c'op; yan te mach'atic ma sna'ic q'uinale, ma lecuc spisil te bila ya spasique.

Proverbios 27:9

Te bila ya xbujts'naj co'tantic jtebuc yu'un, ja' te t'ujbil perfume; te bila ya xbujts'naj co'tantic yu'un ta mero melel, ja' te tojtesel yu'un te jpat-jxujc'tique.

Santiago 3:17

Yan te p'ijil-o'tanil te talem ta toyole, ma'yuc bila capal stuquel a: yich'oj lamal-o'tanil, soc lequil-o'tanil, soc yutsil-o'tanil, nojel ta c'uxul-o'tanil, soc lec te sit ya yaq'ue. Ma'yuc chebal-o'tanil soc cha'lam-o'tanil.

San Juan 7:46

La yalic te policiaetique: —Xujt' ma'yuc mach'a jich ya xc'opoj a te bit'il te winique —xiic.

San Lucas 4:22

Spisilic lec bajt' sc'oplal yu'unic te Jesuse, soc bayal ayan yo'tanic yu'un te bit'il buen t'ujbil la yaiybeyic te sc'ope. La sjojc'obey sbaic: —¿Ma bal ja'uc snich'an José in winic to? —xiic.

Eclesiastés 12:10

La yac' yo'tan ta sleel te c'opetic te snujp' ya xc'ote, swenta yu'un jich me buen t'ujbil ta sts'ibuyel ya xc'ot yu'un a te bitic mero smelelile.

Proverbios 23:15

Jnich'an, te c'alal ya awich' sp'ijil awo'tan, bayal me ya xbujts'naj co'tan yu'un;

Proverbios 10:8

Te mach'a ay sp'ijile, ya xch'uun mandal; yan te mach'a bol c'op ay ta ye, ya xjinot yu'un stuquel.

Salmos 45:2

Ja'at c'axem jich at'ujbilal a te bit'il yantic winiquetique; ma ba wocol ya xloc' t'ujbil c'opetic ta awe. Melel spisil ora yac'ojbat bendición te Diose.

1 Reyes 3:12

Ja' yu'un, ya me cac'bat te bila la ac'anbone. Ya me cac'bat ana' spisil, soc ya me cac'bat sp'ijil awo'tan yu'un stsajtayel spisil. Ma'yuc jich sp'ijil yich'ojic te mach'atic neel c'ax awu'une, soc ni ayuc mach'a jich ya yich' xan te mach'a patil awu'une.

Romanos 16:19

Ta apisilic pujq'uemix ac'oplalic te bit'il jun awo'tan ach'uunejic te sc'op Diose, jich bin nax co'tan awu'unic. Soc ya jc'an te ay sp'ijil awo'tanic ta spasel te bila leque; ja' ma jc'an teme ja' ay sp'ijil awo'tanic ta spasel te bila amene.

San Mateo 11:25

Ja' nix ta yorail a te jich la yal te Jesuse: —Jtat, te ajwalilat yu'un te ch'ulchane, te balumilale, jelawen yutsil awo'tan te ja' la awac'bey sna'ic stojol spisil in to te mach'atic alaletic c'oeme, ma ja'uc la awac'bey sna'ic stojol te mach'atic ay sp'ijilique soc te ya sna'ic q'uinal ta leque.

Proverbios 16:22

Te mach'a toj ya yac' sba soc te yo'tane, sloq'uibja' c'oem yu'un te xcuxlejale; teme ya jp'ijubtestic te mach'a ma sna' q'uinale, tojol ya xc'ot.

Oseas 14:9

Te mach'atic ay sp'ijilic soc te ya sna'ic stojole, ac'a me yaiyic stojol te bila ya cale: Te beetic yu'un te Cajwaltic toj ay stuquel. Te mach'atic toj yo'tanic, ja' me ya st'unic; yan te mach'atic amenic, ya me sc'ojch'in sbaic tey a.

Proverbios 10:13

Ay p'ijil c'op ta ye te mach'a ay sp'ijil yo'tane; yan te mach'a ma sna' q'uinale, ya yich' majel ta te'.

Proverbios 10:23

Te mach'a ma sna' q'uinal, bin nax yo'tan ta spasel te bila amene; yan te mach'a ay sp'ijile, ya yaiybey yutsil te p'ijil c'ope.