Proverbios 15:8 - Bible in Tzeltal de Oxchuc y Tenejapa

⁸ Te majt'aniletic ya yaq'uic te mach'atic amen yo'tanic, ya yilay te Cajwaltique; yan te mach'atic toj yo'tanique, bin nax yo'tan ya stsacbey sc'op stuquelic.

Bible in Tzeltal Bachajón

⁸ Te Jehová ya yihlay te chic'bil mahtanil ya yaq'uic te mach'atic chopol yo'tanic, pero lec yo'tan yu'un te mach'atic toj yo'tanique.

Proverbios 15:8 Referans Kwoze

Proverbios 15:29

Te Cajwaltic ya spijt'es te mach'atic amen yo'tanique; yan te mach'atic toj yo'tanique, ja' ya yat'elinbey yaiyel stojol sc'opic.

Proverbios 21:27

Te Cajwaltic ya yilay te smajt'an ya x'ac'bot yu'un te mach'atic amen yo'tanique, melel ma lecuc te yo'tanique.

1 Crónicas 29:17

Dios cu'un, ya jna' te ya atsajtaybotic te co'tantique, te ja' ya amulan te toj ya cac' jbajtique. Ja' swentail te toj co'tan jnopoj te tal cac' ta atojol spisil. Ta ora yo'tic to bin nax co'tan yu'un te lum awu'un te stsoboj sbaique, c'ax to xan la yaq'uic te majt'anil yu'unic ta atojole.

Jeremías 6:20

Te ja'exe, ¿bistuc ya awich'bonic tel pom ta Sabá, soc te te'etic te bujts'anic yic' ta bay c'ubul lumq'uinaletic? Te jo'one ma lecuc co'tan yu'un te scojt'ol chic'bil majt'anil awu'une, ni yantic milbil majt'anil awu'un —xi' te Cajwaltique.

Proverbios 28:9

Te mach'a ma sc'an xch'uunbey smandal te Diose, ma stsacbot sc'op te c'alal ya sc'opone.

Isaías 61:8

Melel te Cajwaltic bin nax yo'tan yu'un te toj-o'tanile; ja' ya yilay te elec' soc te bila amen ta pasele. Jun yo'tan ta yac'beyel sjelol swocol; soc ya me spas trato soc ta swenta sbajt'el q'uinal.

San Juan 4:24

Espíritu te Diose. Jich yu'un te mach'atic ya slajin sbaic ta stojol, ya sc'an ya slajin sbaic ta mero melel ta swenta te Espiritue —xi'.

Eclesiastés 5:1

Te c'alal ya xbaat ta templo yu'un te Diose, buen tsajtaybil me x'ainat tey a. Ma me ja'uc nax xbajt' awo'tan yaq'uel milbil majt'anil, jich te bit'il ya spasic te ants-winiquetic te ma sna'ic q'uinale, te ma ba ya sna'ic te amen te bi ya spasique. Te ja'ate, noptsajan xan me bael ta sts'eel te Diose, junuc me awo'tan xach'uunbey spisil smandal.

Isaías 66:3

Ja'uc me to, ay mach'atic ya smilbonic jcojt' wacax, soc ya smilic jtul winic; ya sbojbeyic snuc' jcojt' me' chij soc ya sts'otbeyic snuc' jcojt' ts'i'; ya yac'bonic trigo soc xan xch'ich'el chitam; ya xchic'bonic pom, soc ya xch'uunic loc'omba. Te mach'atic ya stsaic ta pasel te bila ilaybile, toyol yo'tan yu'un ta spisil.

Cantares 2:14

“Stsumut cu'un, te ya anac' aba ta muc'ul tontiquile, ta toyol chujc'ul nac'jibaletic, ac'bon quilbat asit-awelaw, ac'bon caiybat ac'op. Mero t'ujbil ya caiy te ya quilate. Ay sbujts' ta aiyel te ac'ope”, xi' ta jtojol.

Salmos 17:1

Cajwal, aiybon awaiy stojol te jc'ope, yu'un toj te bila ya jc'anbate. Aiybon awaiy stojol te coq'uele, melel ma ba xloc' ta que lotetic.

Levítico 7:18

Teme ay mach'a ya sti'bey sbaq'uetal ta yoxebal c'aal smilel a te majt'anil swenta lamal-o'tanil, te milbil majt'anil ma'yuc sc'oplal ya xc'ot, soc ma'yuc ta jwenta ya xc'ot. Te ti'bale ilaybil me ya xc'ot. Teme ay mach'a ya sti'e, ja' me smul ya xc'ot.

Proverbios 10:24

Te mach'a amen yo'tane, ya me xc'ot ta swenta te bila ya xi'e; yan te mach'a toj yo'tane, ja' ya x'ac'bot te bila ya sc'an yo'tane.

Proverbios 15:7

Te mach'atic ay sp'ijil yo'tanic ya spuquic ta alel p'ijil c'op; yan te mach'atic ma sna'ic q'uinale, ma lecuc spisil te bila ya spasique.

Proverbios 21:3

At'elina spasel te bitic toj ta pasel soc te bitic swenta toj-o'tanile, melel te Diose ja' ya smulan, c'axem jich sc'oplal yu'un a te milbil smajt'ane.

Miqueas 6:7

¿Ya bal xbujts'naj yo'tan yu'un Cajwal, teme ya cac'bey jmil (1,000) ta jcojt' tat chijetic o lajunmil (10,000) yocja'etic c'oem ta puro aceite? ¿O ya bal cac'bey te sba jnich'an ta swenta stojol te jtoybail soc te jmule?

Hageo 2:14

Te Hageo jich la yal: —Te Cajwaltic jich ya yal ta jamal: “Ja' nix jich c'oemic te ants-winiquetic in to. Spisil te bila ya spasique, soc te bitic ya yac'bonic jmajt'anine, spisil boloben sc'oplal.

2 Samuel 15:12

Soc ja' nix jich la sticun ta iq'uel jtul jtojteswanej yu'un David, Ahitofel sbiil, te nainem ta Gilo, swenta yu'un ya me xjoinot yu'un te c'alal yac ta yaq'uel a te milbil smajt'an Diose. Ja' yu'un bebe yich'bel yip sc'op, soc yac xan ta esmajel te mach'atic ya st'unic te Absalón.

1 Reyes 3:10

La smulan Cajwaltic te bila c'anbot yu'un te Salomón,

Salmos 141:2

Cajwal, lecuc me ta atojol te jc'ope, smesetuc sbujts' yic' jichuc pom ya xc'ot ta atojol; te jc'ab jtoyoj ta atojol, jichuc c'oem te bit'il milbil amajt'an, ja' te amajt'an swenta smalel c'aale.

Daniel 9:23

Te c'alal jajch'at ta sc'oponel te Diose, la sjac'bat te ac'ope. Jo'on talon ta atojol, yu'un tal calbat awaiy sujt'ib te ac'ope, melel te Diose mero bin nax yo'tan ta atojol. Ja' yu'un yo'tic, aiya me awaiy ta lec te bila ya calbate, swenta yu'un ya me ana'bey swentail a te bila la awile.

Miqueas 6:6

¿Bi ya cut jba te ya jtejc'an jba ta stojol Cajwaltic, te Dios ay ta toyole? ¿Ya bal jtejc'an jba ta stojol soc wacaxetic te jun ja'wil ya'wilale, swenta yu'un ya cac'bey chic'bil smajt'anin?

Malaquías 1:10

—Ayuc jtuluquex te ya amacbeyic yochibal sti' te templo, swenta yu'un ma tojoluc ya sujt'ex tel ta spasel c'ajc' ta bay scajtijib te jmajt'ane. Melel ma ba bin nax co'tan awu'unic, ni ma ba ya jtsacbat te majt'anil awu'unique.