Proverbios 15:6 - Bible in Tzeltal de Oxchuc y Tenejapa

⁶ Mero c'ax bayal bi ay ta sna te mach'a lec yo'tane; yan te mach'a amen yo'tane, ma xyaiybey yutsilal stuquel te bila ya stae.

Bible in Tzeltal Bachajón

⁶ Ay bayel bin ay ta sna te mach'a toj yo'tan, pero te stojol ya'tel te mach'a chopol yo'tan ya yac' wocol.

Proverbios 15:6 Referans Kwoze

Proverbios 8:21

Te mach'atic c'uxon ta yo'tanique, ya me cac'bey te bitic ya xc'ot ta swentaique; ya me jnojesbey snaic ta c'ulejaliletic.

Proverbios 21:20

Ta sna te mach'a ay sp'ijile ay sc'ulejal soc perfumeetic yu'un; yan te mach'a ma sna' q'uinale, spisil ya slajin te bitic ay yu'une.

Proverbios 10:22

Te bendición yu'un Cajwaltic ya yac' jc'ulejaltic, te ma'yuc mel-o'tan yu'une.

Salmos 112:3

Ta sna ma me p'isbiluc sc'ulejal, soc spisil ora ay yutsil yo'tan.

Hebreos 11:26

La snop te ja' mero sc'ulejal ya xc'ot te bolc'optayel ya yich' te mach'atic tsabil yu'un te Diose. Ma ja'uc la sna'bey yutsil sc'ulejal te lum Egiptoe; ja' bajt' ta yo'tan te majt'anil ya x'ac'bot yu'un te Diose.

Proverbios 16:8

Ja' lec jteb nax stojol jc'abtic, teme yich'oj swentaile; ja' wocol teme ma stojiluc te ay bayal jtaq'uintique.

Eclesiastés 4:6

Pero jo'on jich ya cal: “Ja' bayal sc'oplal teme ya jcux co'tantic jtebuque, ma ja'uc ay sc'oplal teme ya jmil jbajtic ta bayal at'el, yu'un ja' pajal soc te yacuc jtsactic te iq'ue”, xoon.

Proverbios 15:16

Ja' lec xan te me'ba ayotique, teme quich'ojtic ta muc' te Cajwaltique; manchuc me jc'ulejotic, teme ay jwocoltic ta q'uinal yu'une.

Proverbios 13:22

Te lequil winique ya yijq'uitaybey jilel smamatac te bila ay yu'une; yan te sc'ulejal jmulawile, ja' ya xjil ta swenta te mach'a toj yo'tane.

Salmos 37:16

Manchuc me jtebuc nax sbiluc te mach'a lec yo'tane, pero buen lec me stuquel; yan te bayal sc'ulejal te mach'atic amen yo'tanique, ma'yuc swentail stuquel.

Proverbios 15:5

Te mach'a ma sna' q'uinal, ya yilay te tojtesel yu'un te state; yan te mach'a ya xch'uune, ja' ya yac' ta ilel a te sp'ijil yo'tane.

Proverbios 15:7

Te mach'atic ay sp'ijil yo'tanic ya spuquic ta alel p'ijil c'op; yan te mach'atic ma sna'ic q'uinale, ma lecuc spisil te bila ya spasique.

Proverbios 3:33

Amen sc'oplal yu'un Cajwaltic te sna te mach'a amen yo'tane, yan te sna te mach'a toj yo'tane, lec sc'oplal yu'un Cajwaltic stuquel.