Proverbios 15:5 - Bible in Tzeltal de Oxchuc y Tenejapa

⁵ Te mach'a ma sna' q'uinal, ya yilay te tojtesel yu'un te state; yan te mach'a ya xch'uune, ja' ya yac' ta ilel a te sp'ijil yo'tane.

Bible in Tzeltal Bachajón

⁵ Te mach'a ma sna' q'uinal ya sp'aj te tojobtesel yu'un te state; yan te mach'a ya sch'uhun tojobtesel ay sp'ijil yo'tan.

Proverbios 15:5 Referans Kwoze

Proverbios 13:18

Te mach'a ya yilay te tojtesel, me'ba me ya xc'ot soc q'uexlaltic me sba; yan te mach'a ya xch'uun te tojtesele, muc' yutsil ya xc'ot stuquel.

Proverbios 13:1

Te nich'anil te ay sp'ijile ya xch'uun tojtesel yu'un stat; yan te mach'a jlabanwaneje, ma xyich' ta muc' te scomele.

Proverbios 19:20

At'elina yaiyel stojol te p'ijubtesel soc ch'uuna te tojtesele; jich me p'ij ya xc'oat.

Tito 2:15

Ja' me ya awac' ta nopel spisil in to. Aiya me tac'uywanej soc comaw te bit'il tulan awat'el awich'oje. Ma me ayuc mach'a ya sp'ajat ta yo'tan.

Tito 1:13

Melel nix a te bila la yal ta testigoe. Jich yu'un, tulan me xacom, swenta yu'un lec me ya xc'otic ta swenta xch'uunjel yo'tanic,

1 Crónicas 28:20

Jich yu'un te David la yalbey te Salomón: —Ac'a me yip awo'tan soc junuc me awo'tan, ac'a ac'ab yu'un te at'ele. Ma me xapejc'an awo'tan, ni ma me xiwat xujt'uc, melel te Cajwaltic te Dios cu'untique ya me sjoinat. Ma ba ya yijq'uitayat stuquel, ma ba ya spijt'esat, ja' to me chican ya xlaj ta pasel spisil te bitic ya xtuun ta templo swenta xch'uunel te Diose.

1 Crónicas 28:9

Te ja'at Salomón, te jnich'anate, ma me xch'ay ta awo'tan te Dios yu'un te atate. Ac'a aba ta abatinel ta stojol ta spisil awo'tan. Junuc me awo'tan ta stojol, melel te Cajwaltic ya sna'botic ta lec te co'tantique, ya sna'botic bitic ya snop co'tantic soc bitic ay ta co'tantic. Jich yu'un teme jun awo'tan ya ale, jich me ya yac'bat te ya ata ta leele. Yan teme ya ach'ay ta awo'tane, ya me sloq'uesat ta jc'axel ta sbajt'el q'uinal.

Proverbios 10:1

P'ijil c'opetic yu'un Salomón: Te nich'anil te ay sp'ijile ya yac'bey yutsil yo'tan te sme'-state; yan te nich'anil ma sna' q'uinal ya yac'bey swocol te sme'-state.

Proverbios 6:23

Ta mero melel, te mandaliletic soc te jp'ijubteseltic ja'ic tsumbil lámpara c'oemic; te tojtesel soc te tac'uyel ja'ic te be yu'un te cuxlejale.

Proverbios 1:23

Aiybon awaiyic te tojtesel cu'une, jo'on me ya calbeyex lequil consejo; ya me cac'beyex ana'ic te bila ya yal te co'tane.

Salmos 141:5

Te castigo ya yac'bon te mach'a toj yo'tan, swenta me jc'uxtayel ya xc'ot te tojtesel ta jtojole, pajal soc t'ujbil perfume. Ma'yuc bi ora ya jc'an ich'el ta muc' yu'unic, pero ya me cac' puersa ta sc'oponel te Diose.

Proverbios 25:12

Jich bit'il ch'ocowil, o ualil, te pasbilic ta t'ujbil oro, jich c'oem te p'ijil comel ta stojol te mach'a ya sna' yich'ele.

Proverbios 15:4

Te buen lamal c'op, te' swenta cuxinel c'oem; yan te bol c'ope, ya sboltes o'tanil stuquel.

Proverbios 15:6

Mero c'ax bayal bi ay ta sna te mach'a lec yo'tane; yan te mach'a amen yo'tane, ma xyaiybey yutsilal stuquel te bila ya stae.

Proverbios 1:7

Te xjajch'ibal te p'ijil-o'tanile, ja' te yich'el ta muc' te Cajwaltique; te mach'atic ma sna'ic q'uinale ya yilayic te p'ijil c'op soc te p'ijubtesele.