Proverbios 15:4 - Bible in Tzeltal de Oxchuc y Tenejapa

⁴ Te buen lamal c'op, te' swenta cuxinel c'oem; yan te bol c'ope, ya sboltes o'tanil stuquel.

Bible in Tzeltal Bachajón

⁴ Te lamal c'op ha te' scuenta cuxlejal, yan te bohl c'op ya slajin te o'tanile.

Proverbios 15:4 Referans Kwoze

Proverbios 12:18

Ay ants-winiquetic ya x'ejch'enteswan a te sc'opique; yan te sc'op te mach'a ay sp'ijile, ya xpoxtaywan stuquel.

Proverbios 16:24

Te c'opetic te bujts'anic ta aiyele, jich c'oem te bit'il chab; ya yac' bujts'najuc co'tantic soc ya yac'botic yach'il quiptic.

Proverbios 18:8

Te le-c'op bujts'an ta aiyel, jichuc c'unil we'elil; ja'uc me to, ya xc'ub swocolil c'alal ta yutil o'tanil.

Malaquías 4:2

Yan te ja'ex te awich'ojonic ta muc', ya me xtil ta atojolic jichuc xojobil c'aal te chajbanel cu'une; te xojobile ya me yac' cuxlejal. Ja' yu'un te ja'ex ya me xwilex yu'un sbujts' awo'tanic, jichuc alal wacaxetic te c'alal ya xloq'uic bael ta yawil swe'elique.

Proverbios 3:18

Te p'ijil-o'tanil ja' cuxlejal ta stojol te mach'a ya yich'e; bin nax me yutsilic te mach'atic ya sna' sq'uejel ta yo'tanique.

Proverbios 18:14

Te mach'a ay ta chamel, ya to xjajch'esot yu'un te yip yo'tane; yan te mach'a ch'ayemix yip yo'tane, ma'yuc mach'a ya xju'ix yu'un sjajch'esel.

Apocalipsis 2:7

Te mach'a ay xchiquine, ac'a me yaiy stojol te bila ya yal te Espíritu ta stojol te jch'uunjeletique. Te jayeb mach'a ya xju' yu'un tsalawe, ya me cac'bey slo' te sit te' swenta cuxinel sbajt'el q'uinal, te ay ta bay yolil te yawal-sts'unub te Diose —xi'.

1 Timoteo 6:3

Teme ay mach'atic ya yac' ta nopel yan c'op te ma pajaluc soc te lequil c'op yu'un te Cajwaltic Jesucristoe soc te ma pajaluc soc te bila jch'uunejtique,

Proverbios 26:22

Te le-c'ope bujts'an ya x'aiyot, jichuc lequil we'elil; ja'uc me to, ya yejch'entes co'tantic ta jyalel.

Salmos 109:22

Bayal ayon ta wocol soc bayal ayon ta mel-o'tan; ay ejch'en ta co'tan ya caiy.

Proverbios 15:3

Te Cajwaltic sitinej spamal balumilal, yac ta yilel mach'atic lec yo'tanic soc mach'atic amen yo'tanic.

Proverbios 15:5

Te mach'a ma sna' q'uinal, ya yilay te tojtesel yu'un te state; yan te mach'a ya xch'uune, ja' ya yac' ta ilel a te sp'ijil yo'tane.

Proverbios 10:11

Te bila ya yal te mach'a toj yo'tane, sloq'uibja' c'oem yu'un cuxlejal; yan te mach'a amen yo'tane, ya xmilot yu'un te bila amen ya spase.