Proverbios 15:2 - Bible in Tzeltal de Oxchuc y Tenejapa

² Te mach'atic ay sp'ijil yo'tanic, ya xloc' tel p'ijil c'op ta yeic; yan te mach'atic ma sna'ic q'uinale, ja' ya yal stuquelic te bol c'ope.

Bible in Tzeltal Bachajón

² Ya xloc' p'ijil c'op ta ye te mach'atic p'ij yo'tanic, pero te ye te mach'atic ma sna'ic q'uinal ya yal te bin mayuc sc'oblal.

Proverbios 15:2 Referans Kwoze

Proverbios 12:23

Te mach'a ay sp'ijil yo'tane, ma xyac' sba ta ich'el ta muc' yu'un te bila ya sna'e; yan te mach'a ma sna' q'uinale, bin nax yo'tan yu'un te sbolile.

Proverbios 15:28

Te mach'a toj yo'tan ya snop neeluc te bit'il ya yac'bey sujt'ib te c'ope; yan te mach'a amen yo'tane, ora ya sloq'ues ta ye te bila ma lecuque.

Proverbios 13:16

Te mach'a ya sna' q'uinal, ya x'at'ej soc sp'ijil yo'tan; yan te mach'a ma sna' q'uinale, bin nax yo'tan yu'un te sbolile.

Isaías 50:4

Te Cajwaltic la yac'bonix p'ijubtesel swenta yu'un ya jmuc'tesbey q'uinal yaiyic te mach'atic lubenique, ja' te c'opetic te ya xjam q'uinal yaiyic yu'une. Ta jujun sab ya yac'bon cat'elin yaiyel stojol, lamal co'tan ta yaiyel.

Proverbios 16:23

Te mach'a ay sp'ijile, ya sna' ta lec bi ya yal; te t'ujbil c'opetic yu'une, ya xlamaj o'tanil yu'un.

Proverbios 15:23

Bin nax co'tantic yu'un teme ya jtabeytic sujt'ib te c'op te mero snujp'e, soc c'axem to xan bin nax co'tantic yu'un teme ta yorail ya jtatique.

Salmos 59:7

Yacal ta loq'uel sbul yeic a, jich ya yalic ta ixta c'op: “Ma'yuc mach'a ya yaiyotic stojol”, xiic.

Salmos 45:1

Ta jol yac ta talel buen t'ujbil c'opetic, te cac' jich ya x'at'ej te bit'il spluma te mach'a ya sna' lec ts'ibajel. Ya me jts'ibubey sc'ayojil te muc' ajwalil.

Proverbios 15:7

Te mach'atic ay sp'ijil yo'tanic ya spuquic ta alel p'ijil c'op; yan te mach'atic ma sna'ic q'uinale, ma lecuc spisil te bila ya spasique.

Eclesiastés 5:3

Melel ta scaj bayal bila ya anop te ya xwaichejate, soc ta scaj te bayal ya xc'opojat te ya xloc' bol c'op ta awe.

Eclesiastés 10:14

Te mach'a ma sna' q'uinale, ma wocoluc ya xwejt' yu'un te bi ya yale. ¿Mach'a ya xju' yu'un yalel te bila ya to xc'ot ta pasele? Melel ma'yuc mach'a ya xju' yu'un sna'el te bila ya xtal ta patil baele.

Proverbios 5:2

Jich me ya ana' stsajtayel aba ta lec a; soc na'biluc me awu'un ta lec te bila ya awal te c'alal ya xc'opojate.