Proverbios 15:10 - Bible in Tzeltal de Oxchuc y Tenejapa

¹⁰ Te mach'a ya yijq'uitay te lequil be, tulan me tojtesel ya yich'; te mach'a ya xjajch' slab yo'tan yu'un te comele, ya me xlaj bael yu'un.

Bible in Tzeltal Bachajón

¹⁰ Te mach'a ya yihquitay te lequil be, tulan me tojobtesel ya yich'; te mach'a ya sp'aj te tojobtesel ya me xlaj.

Proverbios 15:10 Referans Kwoze

Proverbios 12:1

Te mach'a bin nax yo'tan yu'un tojtesel, ja' lec ta yo'tan te p'ijil c'ope; yan te mach'a ya x'ilin yu'un te comele, ja' te ma sna' q'uinale.

San Juan 3:20

Melel spisil te mach'a ya spas te bila amene, ya sp'aj te saquil q'uinale. Melel ma xtalic ta bay te saquil q'uinale, yu'un ma sc'anic te ya xchicnaj ta ilel te bila amen yacalic ta spasele.

Proverbios 13:1

Te nich'anil te ay sp'ijile ya xch'uun tojtesel yu'un stat; yan te mach'a jlabanwaneje, ma xyich' ta muc' te scomele.

Proverbios 10:17

Te mach'a ya yac' ta yo'tan te tojtesele, ay ta sbelal cuxlejal; yan te mach'a ma xyac' ta yo'tan te tojtesele, ay ta sbelal ch'ayel.

San Juan 7:7

Te mach'a ayic ta balumilal ma ba ya sp'ajex. Yan te jo'one ya sp'ajonic scaj te ya calbey ta jamal te amen te yat'elique.

Proverbios 5:12

Soc jich me ya awal: “¿Bi yu'un te la jch'ay te tojtesele? ¿Bi yu'un te la jch'ay te tac'uyele?

Proverbios 1:30

Ma x'ac'an te ya awich'bonic ta wenta te tac'uyel cu'une; ya awilaybonic te tojtesel cu'une.

1 Reyes 22:8

Te muc' ajwalil yu'un Israel jich la yalbey te Josafat: —Ay jtul xan te ya xju' ya sjojc'obotic ta stojol te Cajwaltique, ja' te Micaías te snich'an Imla. Mero ma jmulanbey sc'op, melel ma'yuc bi ora ya yalbon te bila leque, puro ma lecuc te bila ya yalbone —xi'. Pero jich albot yu'un te Josafat: —Ma xawal jich —xi' sc'oplal.

1 Reyes 21:20

Te Acab la sjac'bey te sc'op Elías: —¿Ja'at bal jiche te jcontroat te la ataone? —xi'. Te Elías jich la yal: —Jich, la jtaat. Melel puro amen bi ya apas ta sit te Cajwaltique.

1 Reyes 18:17

C'alal la yil, jich la yalbey: —¿Ja'at bal te ya awac'bey swocol te Israele? —la yut.

Proverbios 23:35

Jich me ya awal: “La smajonic, pero ma ba la caiy; la smajonic ta nujc'ul, pero ma la jna'. Pero te c'alal ya jna' q'uinal, ya xba jcha'le xan cuch'”, xaat.

Proverbios 1:25

Ma ba la ach'uunic te tac'uyel cu'une; ma x'ac'anic ya awich'bonic ta muc' te tojtesel cu'une.

Proverbios 15:9

Te Cajwaltic ya yilaybey yat'elic te mach'atic amen yo'tanique; yan te mach'a toj ay soc te xcuxlejale, c'ux ya yaiy ta yo'tan stuquel.

Proverbios 15:11

Teme ay ta sit Cajwaltic te lajel soc te muquenale, ¿ja'uc to balix a te bitic ay ta yo'tanic te ants-winiquetique?

Job 34:27

melel ma ba la sc'an st'unic te sbelal te bit'il ya sc'an ya xcuxinotique.

Salmos 50:17

te ma x'ac'an tojtesel cu'un, ni ayuc swentail awu'un te jc'ope?

Jeremías 2:17

Jich pasbotat yu'un te la awijq'uitayon te jo'one, jo'on Ajwalilon te Dioson awu'une, jo'on la jtojtesat ta be.

Ezequiel 33:9

Yan teme ba awalbey yaiy te mach'a amen yo'tan te yacuc sujt'es yo'tan yu'un te smule, teme ma ba la xch'uun spasele, ja' nix me ta swenta smul stuquel te ya xlaje. Yan te ja'ate ya me xcolat soc acuxlejal —xi'.