Proverbios 14:3 - Bible in Tzeltal de Oxchuc y Tenejapa

³ Ya xloc' tel toyba c'op ta ye te mach'a ma sna' q'uinal; yan te mach'a ay sp'ijile, ya xcoltayot yu'un te slequil c'ope.

Bible in Tzeltal Bachajón

³ Te bin ya yal te mach'a ma sna' q'uinal, ha xul ya xc'oht yu'un ta spat, yan te mach'a p'ij yo'tan ya xcanantayot yu'un te sc'ope.

Proverbios 14:3 Referans Kwoze

Proverbios 12:6

Te sc'op te mach'a amen yo'tan, jich c'oem te bit'il pejts' swenta lajel; yan te sc'op te mach'a toj yo'tane, ay colel yu'un stuquel.

Apocalipsis 12:11

Te quermanotactique la stsaliquix ta swenta xch'ich'el te Alalchije soc ta swenta te sc'op Dios te la stejc'an sbaic ta testigo yu'une. Melel ma la xc'uxtay sbaic soc te xcuxlejalique. Jun nax yo'tanic la yac' sbaic ta lajel yu'un.

Apocalipsis 3:10

Scaj te ach'uunejbon te bila la calbat te jun me awo'tan ya ats'ic awocole, jo'on me ya jcanantayat te c'alal ya xtal prueba ta spamal balumilal, swenta yu'un ya me x'ilbot yo'tanic spisil te mach'atic ainemic ta balumilale.

2 Pedro 2:18

Melel puro toyba c'op sti'inejic te ma'yuc stuul xujt'uque. Ja' ya xlo'laywanic a te sbic'tal yo'tanique soc te bila ya smulan spasel te sbaq'uetalique. Jich ya xchijtesbeyic yo'tanic te mach'atic colelic to loq'uel tey a ta yolil te mach'atic jowejemic ta q'uinale.

Daniel 7:20

Soc ja' nix jich co'tanuc xcaiybey sc'oplal te lajunch'ix xulube, soc nix te yan xch'in xulub te ay bayal site, te ay ye banti ya yalbey sc'oplal te bitic puro swenta toybaile, te c'axem jich smuc'ul a te bit'il te yantic xulubiletique, soc te oxeb xulubiletic te la yich' bulel loq'uel swenta sjojch'obtesel yawile.

Proverbios 28:25

Te mach'a bayal ya xbic'taj yo'tan, ya sjajch'es c'op; yan te mach'a ja' smuc'ulinej yo'tan te Cajwaltique, ya x'esmaj bitic ay yu'un.

Proverbios 22:8

Te mach'a ya sts'un te bitic ma lecuc ta pasele, ja' nix ya sc'ajbey swocolil; te Cajwaltic ya me slajin ta sbastón ta sc'ajc'al yo'tan.

Proverbios 21:24

Muc' scuyoj sba te jlabanwanej; soc te mach'a stoyoj sba ta jyalele ma x'ich'awan ta wenta.

Proverbios 18:6

Te mach'a ma sna' q'uinal, ya yac' sba ta c'op; ta swenta sc'op ya sle yaiy buen majel.

Salmos 57:4

Pacalonix ta lum ya caiy, ayonix ta yolil león-chojetic ya caiy, ja' te león-chojetic ya sti'ic ants-winiquetique; te sbaquel yeique pajal soc lanzaetic, pajal soc yat'ejibal t'imalte'etic, te yeique pajal soc ye puñal.

Salmos 12:3

Cajwal, bula loq'uel soc yisim te mach'atic cheb yo'tanic soc te ya stoy sbaique.

Job 5:21

Ya me scoltayat ta ixtac'optayel, ma ba ya xiwat te c'alal ya xtal te wocol te xiweltic sbae.

1 Samuel 2:3

Ma me ayuc mach'a xc'opoj soc stoybail, ma me ayuc mach'a ya stoy sba ta jc'axel soc te sc'ope, melel te Cajwaltic, ja' Dios te spisil ya sna' stuquele, ja' te ya stsatay spisil te bitic ya spas te ants-winiquetique.

Salmos 31:18

Ch'abuc ta c'op te mach'a ay sp'ijilic ta spasel lote, ja' te ya slaban soc ya yilay, soc ya sbolc'optay te mach'a toj yo'tane.

Proverbios 14:4

Ma'yuc trigo teme ma'yuc wacax te ya swuy ta teq'uele; ta swenta yip te wacaxe, ya x'esmaj te we'elile.

Proverbios 13:3

Te mach'a ya stsajtay te sc'ope, stuquel nix ya scanantay sba a; yan te mach'a bayal ya xc'opoje, stuquel nix ya sjin sba.

Proverbios 18:7

Te sc'op ya yal te mach'a ma sna' q'uinal, ja' nix ya xjinot yu'un; ta scaj sc'op ya xoj lazo ta snuc'.