Proverbios 14:2 - Bible in Tzeltal de Oxchuc y Tenejapa

² Te mach'a toj ay ta q'uinal, yich'oj ta muc' te Cajwaltique; yan te mach'a ma xtojob te yo'tane, yilayej stuquel.

Bible in Tzeltal Bachajón

² Te mach'a toj ya xbehen, ya xi' te Jehová, yan te mach'a chopol sbe, ha ya sp'aj.

Proverbios 14:2 Referans Kwoze

Hechos 10:35

Melel ta bay juju-jchajp nación lec ya yil spisil mach'a ya x'ich'ot ta muc' yu'un soc te ya yat'elinic spasel te bila leque.

Proverbios 28:6

Manchuc me me'baotic teme lec co'tantic; tojol jc'ulejotic, teme ma lecuc bila ay ta co'tantique.

Salmos 112:1

¡Bin nax yutsil te Cajwaltique! Bin nax me yutsil te mach'a ya yich' ta muc' te Cajwaltic, te lec ya yaiy ta yo'tan te mandaliletic yu'une.

Job 28:28

Te Diose jich la yalbey te ants-winiquetique: “Te xjajch'ibal te p'ijil-o'tanile, ja' te yich'el ta muc' te Cajwaltique; soc te mach'a jc'axel ya yijq'uitay ta pasel te bila amene, ja' te mach'a ay sp'ijil sjol stuquel”, xi' te Diose.

Hechos 9:31

Jich yu'un, lamal nax q'uinal la yaiyic spisil te jch'uunjeletic ta spamal sq'uinal Judea soc ta sq'uinal Galilea soc ta sq'uinal Samaria. Jich la sta yip yo'tanic ta lec soc la xi'ic spisil ora te Cajwaltique, soc esmajic xan ta swenta bit'il la yich'ic coltayel yu'un te Ch'ul Espiritue.

Eclesiastés 12:13

Lajix ta alel te c'opetique, spisil la yich'ix alel. Ich'a ta muc' te Diose, ch'uunbeya te mandaliletic yu'une, melel ja' nax ta spisil te ay ta swenta spasel te ants-winiquetique.

Salmos 25:21

Ac'a quich' canantayel awu'un te bit'il jun co'tan soc te bit'il toj cac'oj jbae, yu'un me cac'oj smuc'ul co'tan ta atojol.

Hechos 10:22

La yalic: —Ja' la sticunotic tel te Cornelio te centurión cu'untique te toj ta winiquile, soc te xi'oj te Diose, soc te lec sc'oplal yu'un spisil te judioetique. Ja' albot mandal yu'un te ch'ul abat te ya sticunat ta iq'uel te ya xbaat ta snae, swenta yu'un ya yaiy stojol te bila ya awalbeye —xiic.

San Lucas 16:14

Te fariseoetique bic'tajem nax yo'tanic yu'un te staq'uinique, jich yu'un te c'alal la yaiyic stojol te bila la yal te Jesuse jajch' slabanic yu'un.

San Lucas 10:16

“Te mach'atic ya yaiybeyex stojol te ac'opique, jo'on la yaiybonic stojol jc'op abi. Te mach'atic ya sp'ajexe, jo'on la sp'ajonic abi. Teme ya sp'ajonic te jo'one, ja' ya sp'ajic uuc te Mach'a sticunejon tele —xi' te Jesuse.

Proverbios 19:1

Manchuc me me'baotic, teme lec te co'tantique; ja' ma lecuc teme ma jna'tic q'uinal, soc teme jle-c'opotique.

Proverbios 16:17

Te mandal yu'un te mach'atic toj yo'tanique, ja' te ya sq'uej sbaic loq'uel ta stojol te bila ma lecuque; te bit'il ya stsajtay te yo'tane, yac me ta scanantaybel sba a.

Proverbios 11:12

Te mach'a ma sna' q'uinal, ma lecuc sc'oplal yu'un te spat-xujq'ue; yan te mach'a ay sp'ijile, ma'yuc bi ya yal stuquel.

Proverbios 2:15

te ja' st'unojic te ma stojil beuque, te jowejemic ta toj be.

Job 1:1

Ta sq'uinal Uz nain jtul winic, Job sbiil. Buen toj yo'tan ain ta stojol Dios, ma'yuc bila amen spasoj stuquel. Soc mero jun yo'tan la yac' sba ta abatinel yu'un te Diose; mero la stsajtay sba ta lec, soc ma'yuc bila amen la spasbey ta stojol yantic.

1 Reyes 3:6

La sjac' te Salomón: —Ja'at bayal la ac'uxtay te anima jtate, ja' te awabat David, ta swenta te bi yilel been ta atojole, ja' te jun yo'tan ain ta atojol soc te la spas te bila toj ta pasele, soc te toj yo'tan la yac' sba ta atojole. Ja' yu'un bayal la ac'uxtay, soc la sc'an awo'tan te jtul snich'an la awac' najc'ajuc ta smuc'ul nactijibe, jich te bit'il c'otix ta pasele.

Job 12:4

“Manchuc me ma'yuc bila jpasoj soc manchuc me toj ayon, soc ta yan c'aal la yaiybon te Dios te la calbey wocole, yo'tic te camigotac ya stse'luyonic.

2 Samuel 12:9

¿Bi yu'un te ma'yuc sc'oplal ta awo'tan te jc'ope? ¿Bi yu'un ja' la apas te bi ma jmulane? Melel la achap ta awo'tan te la amil te Urías te hitita-winique, ja' la awac' milotuc yu'un te amonetique. Soc la awic'beyix te yiname.

2 Reyes 17:34

C'alal ora jich yacalic ta spasel te bit'il la spasic ta nameye, ma ba ya xch'uunic te Cajwaltique. Ma jichuc ya spasic te bit'il ay te mandaliletic yu'un soc te bila chapal yu'une, soc ni ja'uc la st'unic te bila ay ta nopele, soc te bila mandal la yal te ya yaq'uic c'otuc ta pasel te patil alnich'anetic yu'un Jacob, ja' te Israel la yac'bey sbiiline.

Proverbios 16:6

Ta swenta xc'uxul-o'tanil soc ta swenta smelelil te ay ta pasel perdón yu'un mulil; teme quich'ojtic ta muc' te Cajwaltique, ya jq'uej jbajtic loq'uel ta stojol te bila ma lecuque.