Proverbios 13:7 - Bible in Tzeltal de Oxchuc y Tenejapa

⁷ Ay mach'atic ma'yuc bila ay yu'un, pero jc'ulejetic yilel; ay yantic ay yu'un ta spisil, pero me'baetic yilel.

Bible in Tzeltal Bachajón

⁷ Ay mach'atic ya scuy sbahic ta jc'ulejetic, pero mayuc bin ay yu'unic; ay yantic ya scuy sbahic ta pobre, pero bayel sc'ulejalic.

Proverbios 13:7 Referans Kwoze

Apocalipsis 3:17

Melel te ja'ate jich ya awal: “C'ulejon te jo'one. Ju'ix cu'un tsobel bayal te jc'ulejale. Xujt' ma'yuquix jwocol”, te xaate. Ja'uc me to, ma x'ana' te ay bayal awocol soc te bayal yo'bolil aba ta q'uinale, xujt' ma'yuc bila ay awu'un te ma'sitate soc te t'analate.

Proverbios 12:9

Ja' lec c'oem te mach'a ma ich'biluc ta muq'ue, ja'uc me to, ay abat yu'un; ma lecuc teme scuyoj sba ta jc'ulej, teme ma'yuc swe'ele.

Proverbios 11:24

Ay mach'a ya spuc sbiluc, ja'uc me to, ya x'ac'bot xan bayal a te bit'il ya yaq'ue; yan te mach'a scaj st'ut'il ya scom jilel sbiluque, ja' ya x'och ta me'bail yu'un.

2 Corintios 6:10

Manchuc teme ay mel-o'tan ta co'tantique, ja'uc me to, ay sbujts' co'tantic spisil ora. Manchuc teme me'baotique, ja'uc me to, ay tsobol mach'atic jc'ulejetic ya xc'ot cu'untic. Manchuc teme ma'yuc bila ay cu'untique, ja'uc me to, spisil cu'uninejtic.

2 Corintios 4:7

Ayix ta jwentatic te c'ulejalil te nojel ta pac'bil oxom te pasbil ta ajch'ale. Swenta yu'un jich ya xchicnaj te ja' nax ta swenta smuc'ul yu'el Dios te ay bila ya xju' cu'untique, ma ja'uc ta swenta te quiptique.

2 Pedro 2:19

Ya yalbeyic sc'oplal te ayic ta libre. Ja'uc me to, c'axem to xan mosoinbilic yu'un te bila ya xlajinwane. Melel spisil ants-winiquetic, ayic ta moso yu'un spisil te bitic u'uninbilic yu'une.

Santiago 2:5

Quermanotac te bayal c'uxex ta co'tane, aiya awaiyic stojol in to: ¿Ma bal ja'uc tsabilic yu'un Dios te mach'atic me'ba ayic li'to ta balumilale? Melel ja' sc'ulejalic ya xc'ot te ay xch'uunjel yo'tanique, soc te ya x'ac'bot ainuquic tey a ta bay ay ta ajwalil te Diose, jich te bit'il yalojbey sc'oplal spisil te mach'atic c'ux ya yaiyic ta yo'tanic te Diose.

San Lucas 12:21

Ya calbeyex te jich ya xc'ot te mach'a ja' nax ya xbajt' ta yo'tan stsobel te sc'ulejal ya xtuun yu'un stuquele, soc te ma'yuc sc'ulejal ya xc'ot ta stojol te Diose —xi' te Jesuse.

Proverbios 13:11

Te c'ulejalil te ora nax ya xtoye, ya xpejc'aj bael; yan te mach'a c'unc'un ya stsobe, ya xmuc'ub bael yu'un stuquel.

Apocalipsis 2:9

Jo'on quilojbat spisil te awat'ele. Soc quiloj te bit'il ayat ta uts'inele, soc te ma'yuc bi ay awu'une. (Ja'uc me to, ay ac'ulejal.) Soc te ayat ta toybac'optayel yu'un te mach'atic scuyoj sbaic ta judioe, ja'uc me to, ma ja'uquic, melel ja' nainbil yo'tanic yu'un te Satanase.

1 Corintios 4:8

Ma'yuquix falta ya awaiyic, jc'ulejexix. Acuyoj abaic ta muc' ajwalil. Ju'ix awu'unic te ja'exe; in te jo'otique, la awijq'uitayotiquix jilel. Co'tanuc te ochemuquex ta ajwalil ta melel, swenta yu'un jich me ya xju' ya joinex ta ajwalil uuc.

San Lucas 12:33

Chonaic te bila ay awu'unique, soc q'uebanbeyaic te me'baetique. Leaic yawil ac'ulejalic te ma xbolobe. Q'uejaic ta ch'ulchan te ac'ulejalic te stalel ma xlaje, te bay ma x'och j'elec' soc te bay ma xlaj ta joch'e.

San Lucas 12:20

Jich albot yu'un te Diose: “Winic, ma x'ana' q'uinal. Ja' in ajc'ubal to ya me jc'anbat ach'ulel. Spisil te bila q'uejbil awu'une, ¿mach'a me ya yich'bat jilel?”, xi' te Diose.

Proverbios 13:8

Te jc'ulej winic ja' xcuxlejal te sc'ulejale; yan te mach'a me'bae, xujt' ma'yuc sc'oplal ta yo'tan teme ya x'albot smilele.