Proverbios 13:6 - Bible in Tzeltal de Oxchuc y Tenejapa

⁶ Te mach'a lec sc'oplal, ja' ya xcanantayot yu'un te stojil yo'tane; yan te mach'a ay mulil ta yo'tane, ja' ya xjinot yu'un te sbolile.

Bible in Tzeltal Bachajón

⁶ Te bin toj ta pasel ha ya scanantay te mach'a toj te be yu'une, yan te bin chopol ya sjin te jmulawile.

Proverbios 13:6 Referans Kwoze

Proverbios 11:3

Te mach'atic toj yo'tanic, toj ya x'ainic yu'un; yan te mach'atic te ma tojuc yo'tanique, ja' ya xlajinotic yu'un.

Proverbios 21:12

Te Dios te stalel toj yo'tan, ya stsajtaybey yil sna te mach'a amen yo'tane, soc ya yac'bey ta jinel sna te mach'atic amen yo'tanique.

Salmos 140:11

Ma me xjalajic ta lumq'uinal te mach'atic ma xq'uexawic; spisiluc ora ac'a c'otuc bila amen ta stojolic te j'uts'inwanejetique.

Salmos 26:1

Cajwal, chajbanawon, te jcuxlejal ma ba boloben. Te ja'at Cajwal, smuc'ulat co'tan, ma chebuc co'tan ta atojol;

Salmos 25:21

Ac'a quich' canantayel awu'un te bit'il jun co'tan soc te bit'il toj cac'oj jbae, yu'un me cac'oj smuc'ul co'tan ta atojol.

Salmos 15:2

Ja' nax te mach'a ma'yuc mulil ta yo'tan te ja' nax ya spas te bila leque; ja' te spisil yo'tan ya yal te bila smelelile;

Proverbios 5:22

Te mach'a amen yo'tane ja' nix ya stsacot yu'un te sbolile; ja' nix ya xchucot yu'un jichuc lazo te smule.

2 Crónicas 28:23

La yac'bey milbil smajt'an te lotil diosetic ta Damasco, te ja' nax ac'ot ta jinel yu'une. La scuy te ya xcoltayot yu'unic teme ya yac'bey milbil smajt'ane, melel coltayotic yu'un ta sc'op te muc' ajwaliletic yu'un Siria. Ja'uc me to, ja' nax sjinjibal a c'ot soc ta spisil Israel.

Salmos 119:1

Bin nax me yutsil te mach'atic mero ma'yuc smulic te yich'oj ta yo'tanic te p'ijubtesel yu'un te Cajwaltique.

Proverbios 10:29

Te Cajwaltic ya scanantay te mach'atic lec bi ya spasique; yan te mach'atic ma lecuc bi ya spasique, ya slajin stuquel.

Proverbios 11:20

Te Cajwaltic ya yilay te j'ixta-o'tanetic; yan te mach'atic toj yo'tanique, bin nax yo'tan yu'un stuquel.

1 Reyes 1:52

La sjac' te Salomón: —Teme lequil winic ya yac' sba, ma ba ya xch'ay coel ni jlijc'uc stsotsil sjol ta lum, pero teme ay bila amen ya xchicnaj ta swenta, ya me xlaj —xi'.

1 Reyes 13:34

Ta scaj te jich nix la xch'uun loc'omba te patil alnich'anetic yu'un Jeroboam, ja' smulic c'ot, soc ja' ta scaj te jc'axel lajinbot te sts'umbale.