Proverbios 13:5 - Bible in Tzeltal de Oxchuc y Tenejapa

⁵ Te mach'a toj yo'tan, ya yilay te lote; yan te mach'a amen yo'tane, q'uexlaltic sba yat'el soc ya xbolob sc'oplal.

Bible in Tzeltal Bachajón

⁵ Te mach'a toj yo'tan ya yihlay te bin ma meleluc, yan te mach'a chopol ya yac' q'uexlal soc ma x'ich'ot ta cuenta.

Proverbios 13:5 Referans Kwoze

Colosenses 3:9

Ma me xapas abaic ta lot juju-jtulex. Ijq'uitaya me te apocol acuxlejalique soc spisil te bila c'aemex ta spasel ta swentae.

Efesios 4:25

Jich yu'un ma me xapasiquix lot. Juju-jtulex c'opona abaic ta puro smelelil soc te apat-axujq'ue, yu'un jun nax ayotic ta jpisiltic.

Proverbios 3:35

Te mach'atic ay sp'ijilique, ja' me smajt'an ya xc'otic te lec-o'tanil ta stojolique; yan te mach'atic ma sna'ic q'uinale, ja' nix me ya x'ac'otic ta na'el yu'un te amen yat'elique.

Salmos 119:163

Ya quilay te lot, ma xcujch' cu'un; ja'uc me to, c'ux ya caiy ta co'tan te p'ijubtesel awu'une.

Ezequiel 36:31

Te c'alal ya ana'ic te amen atalelic, soc te bi yilel te amen awat'elic, ja'ex ni me ya xq'uexawex yu'un, ja' yu'un te amulic soc te amen awat'elique.

Ezequiel 20:43

Tey me ya xc'o ana'ic ta spisil a te bitic amen la apasic, te ja' la aboltes abaic a, ja'ex ni me ya xjajch' awilayic ta patil te bitic mero amenic la apasique.

Apocalipsis 21:8

Yan te mach'atic ya xiwique, soc te ma sc'an xch'uunone, soc te mach'atic ilaybil sba te bila ya spasique, jmilawaletic, jmulwejetic, j'ac'chameletic, soc te mach'atic jch'uunej-loc'ombaetic, jpas-lotetic, ta spisilic in to, ja' me ya xbajt'ic ta bay muc' pamal c'ajc' te yac ta tilel soc azufre te ja' xchebal buelta lajele —la yuton.

Zacarías 11:8

Ta jun nax u la jloq'ues oxtul jcananetic te c'ax co'tan yu'unique, jich nix la yilayonic.

Daniel 12:2

Ay me bayalic te mach'atic wayemiquix, te ayic ta muquenal, te ya xcha'cuxic jajch'el. Ay me ya xbajt'ic ta cuxinel sbajt'el q'uinal, ay me ya xbajt'ic ta q'uexlal, tey me ya xbajt'ic sbajt'el q'uinal a, tey ta banti mero ilaybil sbae.

Ezequiel 6:9

Te mach'atic colic jilel ta lajele, ya me sna'onic te c'alal pujq'uemic ta nacionetique. Ya me xtal ta yo'tanic te bit'il la cac'bey swocolic ta scaj te ma junuc yo'tanic ta jtojole, soc ta scaj te la yijq'uitayon ta yo'tanique, te jajch' xch'uunic te lotil diosetique. Ja'ic ni me ya xjajch' yilayic ta patil te amen yat'elic la spasique, soc ta spisil te bitic ilaybil sba la spasique.

Proverbios 30:8

Ma me xawac'on ta pas-lot soc ta yalel te bila ma meleluque, soc ma me xawac'on ta jc'ulej ni ta me'bail. Ja' nax me ya awac'bon te jich yipal we'elil te ya xtuun cu'une.

Proverbios 6:17

Ja' te mach'a chican ta sit-yelaw te stoyoj sbae, ja' te mach'a ya spas lot, ja' te mach'a ya smil mach'atic ma'yuc smulic,

Proverbios 13:4

Te mach'a ch'aj, ma sta te bila ya sc'an yo'tane; yan te mach'a ya x'at'eje, ya x'esmaj sbiluc stuquel.

Eclesiastés 3:8

Ay yorail mulanel, soc ay yorail ilayel. Ay yorail guerra, soc ay yorail lamal q'uinal.

Jueces 16:11

Te Sansón la sjac': —Teme ya achucon ta yach'il lazoetic te mero ma'yuc bay tuuneme, ya xch'ay te quipe, jich ya xc'oon te bit'il yantic winiquetique —xi'.

Proverbios 18:3

Te bila ma lecuc, ya yac' q'uexlal; te toybaile, ya xch'ay ich'el ta muc' yu'un.