Proverbios 13:3 - Bible in Tzeltal de Oxchuc y Tenejapa

³ Te mach'a ya stsajtay te sc'ope, stuquel nix ya scanantay sba a; yan te mach'a bayal ya xc'opoje, stuquel nix ya sjin sba.

Bible in Tzeltal Bachajón

³ Te mach'a ya stsahtay bin ya yal, ha nix ya scanantay te scuxlejal, yan te mach'a bayel ya xc'opoj, ya xjihnot yu'un.

Proverbios 13:3 Referans Kwoze

Proverbios 21:23

Te mach'a ya stsajtay te bila ya yale, ma xyac' sba a te chujc'ul c'opetique.

Proverbios 18:21

Teme ayotic ta swenta cuxlejal, o teme ayotic ta swenta lajel, ja' me chican te bila ya yal te quetique; te mach'atic ya xc'opojic bayal, ya me xc'ax swocolic yu'un.

Proverbios 18:7

Te sc'op ya yal te mach'a ma sna' q'uinal, ja' nix ya xjinot yu'un; ta scaj sc'op ya xoj lazo ta snuc'.

Salmos 39:1

Caloj te ya jtsajtay jbae, caloj te ma jta jmul soc te jc'ope, soc te ya jcom te quee te c'alal ay ta jts'eel te mach'atic amen yo'tanique.

Proverbios 10:19

Te mach'a bayal ya xc'opoje, bayal ya xjowej ta c'op; yan te mach'a jteb nax ya xc'opoje, ja' te mach'a ay sp'ijile.

Proverbios 20:19

Te mach'a chican nax te bila ya yale, ma sna' scanantayel ta yo'tan te bila muquen aye; jich yu'un ma me xajoin te mach'a chican nax te bila ya yale.

Santiago 1:26

Teme ay mach'a ya yal te xch'uunej ta lec te Diose, teme ma sna' scomel te yaq'ue, ja' nax ya slo'lay sba stuquel abi. Xujt' ma'yuc swentail te bit'il xch'uunej ta sc'op te Diose.

Proverbios 12:13

Te mach'a amen yo'tan, ja' nix ya xchuc sba ta slot; yan te mach'a toj yo'tane, lec ya xc'ot ta loq'uel yu'un te uts'inele.

Salmos 34:13

Coma awe ta yalel bol c'op jiche, soc ma me xawal lotil c'op.

Salmos 141:3

Cajwal, ac'bon ta canantayel que, swenta yu'un ya me xcomon ta c'op, ya me xcomon te manchuc ya jam que.

Proverbios 10:14

Te mach'atic ay sp'ijil yo'tanic ya scanantay te p'ijil c'ope; yan te mach'atic ma sna'ic q'uinale, ya xtal wocol ta stojolic yu'un te sc'opique.

Proverbios 13:4

Te mach'a ch'aj, ma sta te bila ya sc'an yo'tane; yan te mach'a ya x'at'eje, ya x'esmaj sbiluc stuquel.

Jueces 16:11

Te Sansón la sjac': —Teme ya achucon ta yach'il lazoetic te mero ma'yuc bay tuuneme, ya xch'ay te quipe, jich ya xc'oon te bit'il yantic winiquetique —xi'.

Jueces 16:17

Ja' yu'un ta slajibal la yalbey Dalila te bit'il ay te bi muquen ay yu'une: —Ma'yuc mach'a sloq'uesejbon xujt'uc te stsotsil jole, melel te c'alal ma to x'ayinon u'uninbilonix yu'un a te Diose, yu'un nazareoon. Jich yu'un teme ay banti ya sloq'uesbonic te stsotsil jole, ya me xch'ay te quipe, jc'axel peq'uel ya xc'oon jich bit'il te yantic winiquetique —xi'.

Proverbios 10:8

Te mach'a ay sp'ijile, ya xch'uun mandal; yan te mach'a bol c'op ay ta ye, ya xjinot yu'un stuquel.

Proverbios 14:3

Ya xloc' tel toyba c'op ta ye te mach'a ma sna' q'uinal; yan te mach'a ay sp'ijile, ya xcoltayot yu'un te slequil c'ope.