Proverbios 13:25 - Bible in Tzeltal de Oxchuc y Tenejapa

²⁵ Te mach'a toj yo'tan, ya xwe' ja' to bay c'alal ya sc'an yo'tan; yan te mach'a amen yo'tane, ay to swi'nal ya xjil stuquel.

Bible in Tzeltal Bachajón

²⁵ Te mach'a toj yo'tan ya xwe' ha to banti c'alal ya sc'an yo'tan, yan te sch'uht te mach'atic chopol yo'tanic, jochol ya xhil.

Proverbios 13:25 Referans Kwoze

Salmos 34:10

Te jc'ulejetic ya me xc'atp'ujic ta me'ba, soc ya me xwoclajic yu'un wi'nal; yan te mach'atic ya sle te Cajwaltic, spisil bila lec, ay me yu'unic stuquel.

Proverbios 10:3

Te Cajwaltic ma xyac' xchicnaj wi'nal ta stojol te mach'a toj yo'tane; yan te mach'a amen yo'tane, ma scombey wi'nal ta stojol stuquel.

Hebreos 13:5

Ma me ja'uc xbajt' ta awo'tanic te c'ulejalile. Junuc me awo'tanic yu'un te bila ay awu'unique, melel jich yaloj te Diose: “Xujt' ma ba ya jpijt'esat soc ma ba ya quijq'uitayat”, te xie.

1 Timoteo 4:8

Melel ma'yuc lec swentail teme ay bila ya c'ajtes jbaq'uetaltic ta spasele. Yan teme ya c'ajtes jbatic ta xch'uunel te Diose, ja' ay bayal sc'oplal stuquel, te melel ya me xcuxinotic yu'un li'to ta balumilal soc ta sbajt'el q'uinal.

Proverbios 6:11

te me'bail ya me xjul ta atojol ya me slajinat jichuc j'elec' te chapal soc yat'ejib yu'un milaw.

Deuteronomio 32:24

Ya me xlajic yu'un wi'nal, ya me xlajic yu'un lajinwanej c'ajc' soc tulan chamel. Ya me jticun ta stojolic jti'awal ja'mal chambalametic, soc ya me xlajinot yu'un svenenoil ye chanetic.

2 Tesalonicenses 3:10

Melel te c'alal ayotic ta awolilique, jich la calbeyex mandal: “Te mach'a ma sc'an x'at'eje, ma me xwe'”, xootic.

Proverbios 24:34

ya me xtal te me'baile, ya me xjul yac'bat guerra jichuc jbeomal te chapal soc yat'ijib yu'un guerra.

Salmos 37:16

Manchuc me jtebuc nax sbiluc te mach'a lec yo'tane, pero buen lec me stuquel; yan te bayal sc'ulejal te mach'atic amen yo'tanique, ma'yuc swentail stuquel.

Salmos 37:3

Ja' me ac'a smuc'ulin awo'tan te Cajwaltic, ja' me xapas te bila leque; ainan ta q'uinal soc junuc me awo'tan ta stojol.

Deuteronomio 28:48

Puersa me ya awac' aba ta abatinel yu'un te acontrotac ya sticunbat tel ta atojol te Cajwaltique. Ya me xc'ax awocol yu'un wi'nal, yu'un taquinti'il, soc ma ba ya ata ac'u'-apac', ma me ayuc bila ya xwejt' awu'un. Te Cajwaltic ya me yac'bat mero tulan awocol ta mozoinel, asta ya xlajat ta jc'axel.

San Lucas 15:14

Te c'alal lajix yu'un spisil a te staq'uine, patil tal bayal wi'nal tey a ta bay te lume. Jich la sta bayal swocol, ta scaj te ma'yuc bila ayix yu'une.

Salmos 103:5

ja' te lec ya snojesbon jch'ujt'; soc ja' te ya x'ach'ubon yu'un jich bit'il águila.

Salmos 132:15

Ya me cac'bey bayal bendición ta swe'elic; ma me ba ya cac' lajuquic ta wi'nal te me'baetique.

Proverbios 13:18

Te mach'a ya yilay te tojtesel, me'ba me ya xc'ot soc q'uexlaltic me sba; yan te mach'a ya xch'uun te tojtesele, muc' yutsil ya xc'ot stuquel.