Proverbios 13:2 - Bible in Tzeltal de Oxchuc y Tenejapa

² Juju-jtul ya xnoj xch'ujt' yu'un te bila lec ya yale, yan te mach'a c'ax ma lecuc yo'tane, ja' swe'el c'oem te c'ajc'ubele.

Bible in Tzeltal Bachajón

² Ta scuenta bin ya yal, hich ya swe' te bin lec te winique, pero te mach'a j'uts'inwanej ya me sta te bin chopole.

Proverbios 13:2 Referans Kwoze

Proverbios 12:14

Juju-jtul ya stsobey sit te bila ya yale, soc ya yich' stojol yu'un te bila ya spase.

Proverbios 18:20

Juju-jtul ya me swe'elin c'oem te bi ya xtal ta stojol ta swenta sc'op, ja' to c'alal ya xlub yu'un.

Proverbios 10:11

Te bila ya yal te mach'a toj yo'tane, sloq'uibja' c'oem yu'un cuxlejal; yan te mach'a amen yo'tane, ya xmilot yu'un te bila amen ya spase.

Proverbios 1:31

C'ux obol me abaic yu'un swocolil te awat'elique; tsobol me ya xjil ta atojolic te bila amen la anop ta awo'tanique.

Salmos 140:11

Ma me xjalajic ta lumq'uinal te mach'atic ma xq'uexawic; spisiluc ora ac'a c'otuc bila amen ta stojolic te j'uts'inwanejetique.

Proverbios 4:17

Te bila swe'el yuch'el ya yaiye ja' te bila amen ta pasel soc te uts'inwaneje.

Apocalipsis 16:6

Yu'un la smalbeyiquix xch'ich'el te mach'atic ch'ul lum awu'une soc te j'alwanejetic awu'une. Jich la awac'beyix yuch'ic ch'ich'. Jich ya sc'an pasbeyel yu'un te bit'il jich la spasique”, xi'.

Habacuc 2:17

La ats'etic te te'etic yu'un Líbano, ta ora to ya me awich' ts'etel uuc. La amilic te ja'mal chambalametic yu'un; ta ora to ya me xiwtesat te chambalametique. Ja' ya xtal ta atojol ta scaj te milaw la apase, soc te uts'inwanej la apas ta spamal q'uinal, ta bay te lumetic soc te yajwale.

Habacuc 2:8

Te nacionetic jun nax me ya yac' sbaic ta scontroinbelat, ya me spojbat loq'uel abiluc jich nix bit'il la apojbey loq'uel te ja'ate. Ya me yac'bat atoj spisil te amen awat'ele, ja' te uts'inwanej la apas ta spamal q'uinal ta scontroinel te lumetic soc te yajwale.

Salmos 75:8

Te Cajwaltic yich'oj ta sc'ab te svasoil te yilimba, jich c'oem te bit'il capbil vino te pajubene. Te bi ora ya sp'is stuquel te vino, spisilic te mach'atic amen yo'tanic ta lumq'uinal ya me slajinic yuch'el, ma'yuc jxujt'uc ya xjil yu'unic.

Proverbios 1:18

Yan te mach'atic jich ya spasique, ja'ic nix ya spas spejts'ulic stuquelic; jich quechel ta lajinel xcuxlejalic yu'un.

Proverbios 18:21

Teme ayotic ta swenta cuxlejal, o teme ayotic ta swenta lajel, ja' me chican te bila ya yal te quetique; te mach'atic ya xc'opojic bayal, ya me xc'ax swocolic yu'un.

Oseas 10:13

Ja'uc me to, te ja'ex ja' la awat'elinic sts'unel te bila amene, ja' yacalex ta sc'ajel te bila ma stojiluque, soc ja' yacalex ta swe'el sit te lote. “Ta scaj te la awich' aba ta muc' yu'un te bayal acarreta yu'un guerra soc te bayal te soldadoetic awu'une,

Proverbios 11:23

Te bila ya sc'an te mach'a toj yo'tane, puersa lec ya xc'ot ta loq'uel; yan te mach'a amen yo'tanic te ya stoy sbae, ja' nax ya sjajch'es ilimba stuquel.