Proverbios 13:16 - Bible in Tzeltal de Oxchuc y Tenejapa

¹⁶ Te mach'a ya sna' q'uinal, ya x'at'ej soc sp'ijil yo'tan; yan te mach'a ma sna' q'uinale, bin nax yo'tan yu'un te sbolile.

Bible in Tzeltal Bachajón

¹⁶ Spisil te mach'atic p'ij yo'tanic ya x'a'tejic soc sp'ijil yo'tanic, yan te mach'a ma sna' q'uinal, ya yac' ta ilel te ma sna' q'uinal.

Proverbios 13:16 Referans Kwoze

Proverbios 15:2

Te mach'atic ay sp'ijil yo'tanic, ya xloc' tel p'ijil c'op ta yeic; yan te mach'atic ma sna'ic q'uinale, ja' ya yal stuquelic te bol c'ope.

Efesios 5:17

Jich yu'un ma me boluquex. Na'aic me spasel te bila ya sc'an yo'tan te Cajwaltique.

Isaías 52:13

Te cabate, lec me ya xc'ot ta loq'uel; ya me xtoyesot jajch'el, muc' me ya xc'ot.

Eclesiastés 10:3

C'alal ya xbeen ta be te mach'a ma sna' q'uinale, ya yac' ta ilel te ma'yuc sp'ijil sjole; soc ya yac' ta na'el te ma sna' q'uinal ta stojol te yantique.

Romanos 16:19

Ta apisilic pujq'uemix ac'oplalic te bit'il jun awo'tan ach'uunejic te sc'op Diose, jich bin nax co'tan awu'unic. Soc ya jc'an te ay sp'ijil awo'tanic ta spasel te bila leque; ja' ma jc'an teme ja' ay sp'ijil awo'tanic ta spasel te bila amene.

1 Corintios 14:20

Quermanotac, ma me jichuquex te bit'il alaletic te ma to sna'ic q'uinale. Ja' lec teme jichex te bit'il alaletic te ma'yuc bila amen ay ta yo'tanique. Ja'uc me to, muc'ul ants-winicuquex me ta snopel te bila leque.

San Mateo 10:16

“Jich yu'un ya me jticunex jich bit'il chijetic ta yolil te jti'awal ja'mal ts'i'etique. Ich'a me ap'ijilic jich bit'il te chane, ja'uc me to, manso me xawac' abaic jichuc paloma.

Proverbios 21:24

Muc' scuyoj sba te jlabanwanej; soc te mach'a stoyoj sba ta jyalele ma x'ich'awan ta wenta.

Salmos 112:5

Te mach'a lec yo'tan ma'yuc bi ya st'ut'iltay yaq'uel ta majanel, soc toj yo'tan ta xchonel te sp'olmale.

1 Samuel 25:25

Ma x'awich' ta wenta te Nabal, mero amen yo'tan. Melel jich yo'tan te bit'il c'oem te sbiile, yu'un nix ma'yuc bi ya sna' a. Yu'un nix mero amen yat'el a, spisil ora jich ya spasulan. Te jo'on abaton awu'une ma ba la quil te abatetic awu'un la aticun tele.

1 Samuel 25:17

Pero te amamlale jc'axel amen yo'tan, ja' yu'un ma sc'an yaiy stojol te bila ya calbeytique. Yo'tic nopa awaiy, ila awil teme ay bi ya xju' awu'un spasele, melel ora in to puersa ay bi amen ya xc'ot ta pasel ta swenta te cajwal soc spisil mach'atic ay yu'un —xi' c'oel.

Proverbios 18:2

Te mach'a ma sna' q'uinal, ma'yuc bila ya sc'an yo'tan ya snop; ja' nax toyol yo'tan yu'un te ya yac' ta ilel sp'ijil ta sc'op.

Proverbios 14:33

Te p'ijilil ya x'ain ta yo'tanic te mach'atic ya sna'ic q'uinale; yan te mach'atic ma sna'ic q'uinale, ma sna'beyic sba stuquelic.

Eclesiastés 10:13

Melel puro amen c'opetic ya xjajch' ta yalel; soc ja' slajibal sc'op ya xc'ot te bitic mero amen nax sbae.