Proverbios 13:13 - Bible in Tzeltal de Oxchuc y Tenejapa

¹³ Te mach'a ma sc'an xch'uun mandal, ya me xwoclaj yu'un; yan te mach'a ya yich' ta muc' te mandale, ya me x'ac'bot stojol yu'un stuquel.

Bible in Tzeltal Bachajón

¹³ Te mach'a ya sp'aj nohptesel, ya me x'a'bot stoj yu'un, yan te mach'a ya yich' ta cuenta te mandar, ay bin ya sta yu'un.

Proverbios 13:13 Referans Kwoze

Números 15:31

Yu'un ma ba la yich'bon ta muc' te jc'op, soc ma la xch'uunbon te mandaliletic cu'une. Ya me yich' loq'uesel ta jc'axel ta yolil te slumale, xcuchoj me ya xjil te smule”, uta me —xi' te Cajwaltique.

2 Juan 1:8

Tsajtaya me abaic jiche, swenta yu'un ma tojoluc ya xch'ay te sit awat'el apasojique. Jich me ts'acal ya awich' amajt'anic yu'un.

2 Crónicas 36:16

Ja'uc me to, la yich' stse'luyel te j'alwanejetic yu'un te Diose, la yilayic te bila albotic yu'une. La slabanic te j'alwanejetic yu'un, ja' to c'alal toy te yilimba Cajwaltic ta stojol te lum yu'une, jich ma'yuquix xpoxil c'ot smul te lume.

Salmos 119:165

Te mach'atic c'ux ya yaiy ta yo'tan te p'ijubtesel awu'un, mero lamal q'uinal ta stojolic, ma'yuc bila ya stsalot yu'un.

Ezequiel 20:13

Pero la stoy sbaic ta jtojol ta jochol taquin q'uinal, ma ba la xch'uunbonic te mandaliletic cu'une. La xch'ayic te mandaliletic la cac'bey yu'un ya sta xcuxlejal sc'oplal a te mach'a ya xch'uun spasele. Jc'axel la sboltesbon te sc'aalelal cux-o'tan cu'une. Ja' yu'un te jo'on la jnop ta co'tan te ya jt'omes bael ta stojolic te quilimbae, c'an jlajin ta jc'axel tey ta jochol taquin q'uinale.

Salmos 19:11

Ja' me ya yac'bon jtsajtay co'tan te yabaton te Cajwaltique, teme ya jch'uune, jich me lec ya xc'oon ta loq'uel a.

Ezequiel 20:16

La calbey te ma ba ya cac' ochel tey a ta scaj te la xch'aybonic te mandaliletic cu'une, te ma ba la xch'uunbonique, soc la sboltesbonic te sc'aalelal cux-o'tan cu'une, scaj te tey bajt' yo'tanic ta stojol te loc'ombaetique.

Ezequiel 20:24

melel ma ba la spasbonic te mandaliletic cu'une. La xch'aybonic te mandaliletic cu'une, soc la sboltesbonic te sc'aalelal cux-o'tan cu'une. Ja' nax bajt' sitic ta stojol te loc'ombaetic scuyojic ta Dios yu'un te sme'-statique.

Isaías 66:2

Jo'on jpasoj spisil te bitic aye, jich a chicnajic jajch'el. Jo'on Ajwalilon tulan ya cal. “Te mach'a yacon ta sna'el, ja' te me'ba te ay swocole, te yich'ojbon ta muc' te jc'ope.

Proverbios 13:21

Te jmulawiletic t'unbilic yu'un te bila ma lecuc; yan te mach'atic toj yo'tanique, ja' stojol stuquelic te bila leque.

Proverbios 1:25

Ma ba la ach'uunic te tac'uyel cu'une; ma x'ac'anic ya awich'bonic ta muc' te tojtesel cu'une.

Salmos 115:13

ya me yac'bey bendición te mach'atic ya yich'ic ta muq'ue, ja' te muc'-biq'uite.

San Lucas 16:31

“Te Abrahame la yalbey: “Teme ma sc'an ya yaiybeyic stojol te bila la yal te Moisese soc te j'alwanejetique, ¿ja' to bal ya xc'ot ta yo'tanic a teme ya xcha'cux tel jtul anima ya yilique?”, xi' te Abrahame —xi' ta yalel te Jesuse.

Malaquías 3:16

(Te mach'atic yich'ojic ta muc' te Diose la yalbey sbaic; te Cajwaltic la yaiybey stojol ta lec te bila la yalique. Jich yu'un ta stojol te Cajwaltic la yich' ts'ibuyel libro, yu'un ya yich' na'el a te mach'atic yich'ojic ta muc' te Cajwaltic soc te ya yich'ic ta wenta.)

San Mateo 5:12

Binuc nax me awo'tanic yu'un, soc ayuc sbujts' awo'tanic yu'un, te melel ya me x'ac'botex muc' amajt'anic ta ch'ulchan yu'un. Melel jich nix lajic ta uts'inel uuc te j'alwanejetic yu'un Dios te neel c'axemic ta q'uinale.

Jeremías 43:2

te Azarías snich'an Osaías, te Johanán snich'an Carea, soc yantic toyba winiquetic la yalbeyic te Jeremías: —Te bila ya awale, lotil. Te Cajwaltic te Dios cu'untique ma ba la yac'bat tel ta awenta awalbelotic te ma xbootic ta Egipto.

Esdras 10:3

Ya me cal jbajtic te ya me jticuntic bael ta spisil te jyanlum-antsetic cu'untique, soc nix te yalataquique. Ac'a cac'tic c'otuc ta pasel te mandaliletique, jich te bit'il awo'tan te ja'ate soc te mach'atic ya yich'ic ta muc' te smandal te Cajwaltic te ya stojtesotique.

Éxodo 9:20

Ay nix jtul cheb sjo'tac ta ajwalil te faraón te xiw yo'tanic yu'un te bila la yac' ta na'el te Cajwaltique. Jich la yac' ta na te abatetic yu'une soc te xchamsbalame.

Proverbios 13:12

Teme ma xtal te bila ay ta maliyele, ya xwoclaj o'tanil yu'un; yan teme ya xc'ot ta pasel te bila sc'anoje, jich c'oem te bit'il te' yu'un cuxinel.

Proverbios 19:16

Te mach'a ya xch'uun te mandalil, ja' me ya scanantay te xcuxlejale; te mach'a ya yilay te p'ijubtesel yu'un Cajwaltic, ya me xlaj stuquel.

Salmos 19:12

¿Ay bal mach'a ya sna' te bitic falta yu'une? Te faltaetic cu'un te jnac'oje, pasbon perdón, Cajwal.

Proverbios 16:20

Te mach'a ya sna' swentainel sbiluc, lec ya xc'ot ta loq'uel yu'un; jamal nax q'uinal ya yaiy te mach'a ja' smuc'ulinej yo'tan te Cajwaltique.