Proverbios 13:1 - Bible in Tzeltal de Oxchuc y Tenejapa

¹ Te nich'anil te ay sp'ijile ya xch'uun tojtesel yu'un stat; yan te mach'a jlabanwaneje, ma xyich' ta muc' te scomele.

Bible in Tzeltal Bachajón

¹ Te querem te p'ij yo'tan ya sch'uhun te tojobtesel yu'un te state, yan te mach'a jlabanwanej ma xyich' ta cuenta te tsitsele.

Proverbios 13:1 Referans Kwoze

Proverbios 15:5

Te mach'a ma sna' q'uinal, ya yilay te tojtesel yu'un te state; yan te mach'a ya xch'uune, ja' ya yac' ta ilel a te sp'ijil yo'tane.

Proverbios 15:20

Te nich'anil te ay sp'ijile, ya yac'bey yutsil yo'tan te sme'-state; yan te nich'anil ma sna' q'uinale, ya yilay te sme'-state.

Proverbios 10:1

P'ijil c'opetic yu'un Salomón: Te nich'anil te ay sp'ijile ya yac'bey yutsil yo'tan te sme'-state; yan te nich'anil ma sna' q'uinal ya yac'bey swocol te sme'-state.

1 Samuel 2:25

Teme ay mach'a ya sta smul ta stojol te sjoy ta ants-winiquil, ya xchajbanot yu'un Cajwaltic; pero teme ay mach'a ya sta smul ta stojol te Cajwaltique, ¿mach'a c'an coltayotuc yu'un stuquel? —xi' te Elí. Pero te nich'aniletic ma la yich'beyic ta muc' sc'op te statique, melel ja' ay ta yo'tan Cajwaltic te ya slajinbey xcuxlejalique.

Proverbios 14:6

Te mach'a ya yal ixta c'op, ma sta te p'ijil c'ope; yan te mach'a ay sp'ijil sjole, ma ba wocol ya sta te p'ijil c'op stuquel.

Proverbios 15:12

Te mach'a toyba nax aye, ma lecuc yo'tan yu'un te comele; ma sc'an sjoin te mach'atic ay sp'ijilique.

1 Reyes 22:43

Te Josafat buen toj la yac' sba, jich nix te bit'il te Asa te state. Spisil te bitic la spase, buen lec ta sit te Cajwaltique. Pero te toyol ch'uunjibaletic, te banti ya yac'beyic milbil majt'aniletic soc ya xchic'beyic pom te loc'ombaetic te lume, ma ba la sloq'ues stuquel.

Proverbios 7:24

Ja' yu'un jiche, jnich'an, aiybon awaiy te jc'ope, ac'a me achiquin a.

Proverbios 12:15

Te mach'a ma sna' q'uinal, ya scuy ta lec spisil te bila ya spase; yan te mach'a ay sp'ijile, jun yo'tan ya xch'uun te tojtesele.