Proverbios 12:8 - Bible in Tzeltal de Oxchuc y Tenejapa

⁸ Ay ta alel yutsil sc'oplal te mach'a ay sp'ijil sjole; yan te mach'a bol yo'tane, ilaybil stuquel.

Bible in Tzeltal Bachajón

⁸ Te winic ay ta halbeyel yutsil sc'oblal, ha chican te sp'ijil yo'tan, pero ya x'ihlayot te mach'a bohl yo'tane.

Proverbios 12:8 Referans Kwoze

2 Corintios 10:18

Melel ma ja'uc lec ya x'ilot yu'un Dios te mach'a stuquel ya yal te lec sc'oplale. Ja' lec stuquel te mach'a ja' ya x'albot lec sc'oplal yu'un te Cajwaltique.

1 Corintios 4:5

Jich yu'un, ma me xjelawex ta c'op te ja'exe, yu'un ma to sta sc'aalelal ta alel te bi yilel yat'el juju-jtule. Maliyaic te bi ora ya xtal te Cajwaltique. Ja' me ya yac' ta ilel ta jamalal ta saquil q'uinal stuquel te bila muquen aye, soc ya me yac' ta na'el te bila jnopoj ta co'tantique. Jich yu'un juju-jtulotic, ya me yalbotic lec jc'oplaltic te Diose.

Hechos 12:23

Ta ora nax tal jtul ch'ul abat yu'un te Cajwaltique, la yejch'entes te Herodese, scaj te ma ja'uc la yac' ta ich'el ta muc' te Diose. Jich laj ta ti'el yu'un yalja. Jc'axel laj yu'un.

San Lucas 16:8

“C'alal la yaiy stojol te yajwal te bila la spas te mayordomo te ma lecuc te yo'tane, la yal: “Mero yan sba te winique. Ay sp'ijil”, xi' yu'un. “Melel te mach'atic ayic ta swenta in balumilal to, c'ax jich ay sp'ijilic te ya sna'ic wenta stuquelic te bit'il ay sp'ijilic te mach'atic ayic ta swenta te saquil q'uinale.

Daniel 12:2

Ay me bayalic te mach'atic wayemiquix, te ayic ta muquenal, te ya xcha'cuxic jajch'el. Ay me ya xbajt'ic ta cuxinel sbajt'el q'uinal, ay me ya xbajt'ic ta q'uexlal, tey me ya xbajt'ic sbajt'el q'uinal a, tey ta banti mero ilaybil sbae.

Proverbios 5:23

Scaj te ma tojuc ya yac' sba te ya xbajt' ta lajele; ja' nix te smuc'ul sbolil te ya x'ic'ot bael ta ch'ayel yu'une.

Proverbios 3:35

Te mach'atic ay sp'ijilique, ja' me smajt'an ya xc'otic te lec-o'tanil ta stojolique; yan te mach'atic ma sna'ic q'uinale, ja' nix me ya x'ac'otic ta na'el yu'un te amen yat'elique.

Proverbios 1:26

Ya me xc'ot ta jwenta stse'luyel te c'alal ya xjul ta atojolic te woclajele. Ya me jlabanex te c'alal lajelexix yu'un xiwel ae,

Salmos 132:18

Te scontrotac ya cac'bey bayal q'uexlal; yan stuquel, ya me cac'bey xojobil”, xi'.

Génesis 41:39

Te faraón la yalbey te José: —Ma'yuc mach'a jich sp'ijil yo'tan te bit'ilate, te bit'il Dios la yac'batix ana' stojol ta spisil.

1 Samuel 25:17

Pero te amamlale jc'axel amen yo'tan, ja' yu'un ma sc'an yaiy stojol te bila ya calbeytique. Yo'tic nopa awaiy, ila awil teme ay bi ya xju' awu'un spasele, melel ora in to puersa ay bi amen ya xc'ot ta pasel ta swenta te cajwal soc spisil mach'atic ay yu'un —xi' c'oel.

1 Samuel 18:30

Soc xan te c'alal ya yic' loq'uel ta guerra te jtsobwanej-filisteoetic, te David puersa ja' bayal yutsil sc'oplal yat'el ya xc'ot; ja' peq'uel sc'oplal ya xloc' te yantic abatetic yu'un te Saule. Ja' yu'un te David ja' mero ich'bil ta muc' c'ot yu'un te lume.

1 Samuel 16:18

Pero ay jtul yabat te jich la yal: —Ay quiloj jtul snich'an Isaí, ja' te mach'a ay ta Belén, te mero ya sna' stijel ta lec te arpa, soc mero ma xiw ta guerra, soc buen lamal yo'tan ya xc'opoj. T'ujbil querem, soc joinbil yu'un te Cajwaltique —xi'.

1 Samuel 13:13

Albot yu'un te Samuel: —Ma x'ana' q'uinal, Saúl, ma ba lec te bi la apase. Te lajuc ach'uun te bi mandalil la yalbat te Cajwaltic, ja'at me atalel muc' ajwalilat ya xc'oat yu'un soc ats'umbal ta stojol Israel te jichuque.

Eclesiastés 8:1

¿Mach'a ya spaj sba soc te mach'a ay sp'ijile? ¿Mach'a ya sna'bey swentail te bitic aye? Te p'ijil-o'tanile ya sacubtesbey q'uinal ta stojol te winique; ya stse'en sit-yelaw ya xc'ot yu'un soc ya xlecub sit-yelaw yu'un.

Proverbios 12:7

Te mach'a amen yo'tan, ja' slajib ya xc'ot te ya xch'ay coele; yan te sna te mach'atic toj yo'tane, stalel ya xjil stuquel.

Proverbios 12:9

Ja' lec c'oem te mach'a ma ich'biluc ta muq'ue, ja'uc me to, ay abat yu'un; ma lecuc teme scuyoj sba ta jc'ulej, teme ma'yuc swe'ele.

Proverbios 29:27

Te mach'atic lec yo'tanic, ma smulanic te mach'atic amen yo'tanique; ja' nix jich te mach'atic amen yo'tanique, ma smulanic te mach'atic lec yo'tanique.

Isaías 19:14

Te Cajwaltic la yac'bey aiyej ta sjolic te ya xjowtesbot q'uinal yaiyic yu'une; ja' ya yiq'uic bael egipcioetic ta lotil be ta spisil te bi ya spase; jich c'oem te bit'il jyacubel te ya xeen soc te ma tojuc ya xtejc'aje.

1 Samuel 2:30

Te bit'il jich yaloj te Cajwaltic, te Dios cu'untic te israelotic, te ya apasbey yat'el spisil ora ja'at soc te mach'atic ay awu'une, yo'tic ya yal ta jamal: “Ma'yuc bi ora jich ya xc'otix ta pasel. Te mach'a ya yich'on ta muq'ue, ya me quich' ta wenta; te mach'a ma'yuc jc'oplal ta yo'tan, jc'axel ma'yuc swentail ya xc'ot cu'un. Jo'on Ajwalilon jich caloj.