Proverbios 12:3 - Bible in Tzeltal de Oxchuc y Tenejapa

³ Te bila ma lecuc ta pasel, ma'yuc bila lec ya xloc' yu'un a; yan te mach'a toj yo'tane, tulan ts'unulix stuquel.

Bible in Tzeltal Bachajón

³ Ma xhu' ya yich' yip te winic ta scuenta spasel bin chopol, yan te slohp' te mach'a toj yo'tan, ma xhu' ta bulel.

Proverbios 12:3 Referans Kwoze

Proverbios 10:25

C'alal ya xc'ax tulan ic' ta stojol te mach'a amen yo'tan, ya xch'ay ta jc'axel; yan te mach'a toj yo'tane, stalel ya xjil stuquel.

Efesios 3:17

soc te ya snainbeyex awo'tanic te Cristoe ta swenta te bit'il ay xch'uunjel awo'tanique. Soc te bit'il ismajemex ta lec soc te ay yip awo'tanic ta swenta te xc'uxul awo'tanique,

Proverbios 12:12

Te bic'tal-o'tanile, ja' syaquic te mach'atic amen yo'tanique; yan te yiptajib te mach'atic toj yo'tanique, sbajt'el q'uinal ay stuquel.

Colosenses 2:7

Ismajemuquex me ta lec ta stojol Cristo, soc ipajemuquex me ta lec ta swenta. Jc'axeluc me ay xch'uunjel awo'tanic jich nix te bit'il ac'botex anopique. Albeyaic bayal wocol spisil ora te Diose.

Salmos 15:5

ja' te mach'a ya yac' ta majanel staq'uin te ma sc'anbey sjole; ja' te mach'a ma stsac smajt'an-taq'uin yu'un te mach'a tojol nax ay ta uts'inele. Te mach'a jich ya spase, ma me ayuc bi ora ya sta swocol yu'un.

1 Samuel 25:33

Soc ac'a yac'bat bayal bendición te Cajwaltic, yu'un buen lec te bi la anop ta awo'tane. Melel ja'at la acomon te ma ba ya jmal ch'ich' yo'tique, soc te ma ba ya sujt'esbeyix spacol.

Job 15:29

Ma spisiluc ora ay sc'ulejal, soc ma xmuc'ub sq'uinal ta balumilal.

Proverbios 11:5

Te mach'a toj yo'tan, ja' ya xtojob ta beel yu'un; yan te mach'a amen yo'tane, ja' nix ya xyalesot yu'un te bila amen ya spase.

Eclesiastés 8:8

Ma'yuc mach'a ay yu'el ta stojol te cuxlejal yu'un ya yac' jalajuque, soc ja' nix jich ma'yuc mach'a ay yu'el ta stojol te lajele. Ma'yuc mach'a ya xju' ya scoltay sba ta sc'ab te swocolile. Te mach'a amene, ma xcoltayot yu'un te mach'a c'ax amene.