Proverbios 12:21 - Bible in Tzeltal de Oxchuc y Tenejapa

²¹ Te mach'a toj yo'tan, ma xc'ax swocol yu'un te bila ma lecuque; yan te mach'a amen yo'tane, spisil ya x'ac'bot ta swenta.

Bible in Tzeltal Bachajón

²¹ Ma xc'ax swocol ta stojol te mach'a toj yo'tan, yan te mach'atic chopol yo'tanic, ya x'a'bot bayel swocolic.

Proverbios 12:21 Referans Kwoze

1 Pedro 3:13

Teme ja' toyol awo'tanic ta spasel te bila leque, ¿mach'a c'an yuts'inex yu'un?

Salmos 91:10

jich ma'yuc bila amen ya xtal ta atojol, soc ma x'och chamel ta ana.

Romanos 8:28

Jna'ojtic stojol te mach'atic c'ux ta yo'tanic te Diose, ya x'ac'botic yu'un spisil bila leque, ja'ic me te mach'atic ic'bilic yu'un Dios te bit'il jich la sc'an yo'tan stuquele.

Proverbios 1:31

C'ux obol me abaic yu'un swocolil te awat'elique; tsobol me ya xjil ta atojolic te bila amen la anop ta awo'tanique.

Apocalipsis 18:6

Jich ac'a yich' ac'bel spacol te bila la yac'beyix te yantique. Ac'a stoj cheb buelta te bila spasoje. Cheb buelta ac'a esmajuc yip swocol te ya yich'e jich te bit'il la yac'bey yich' swocol te yantique.

Habacuc 2:16

Te ich'el ta muc', ja' ya xc'atp'uj ta q'uexlal. Melel te Cajwaltic ya yac'bat awuch' te bila ya awac' ta ilel a te ma ba awich'oj circuncisión, jich ya xc'atp'uj ta q'uexlal te awutsilale.

Proverbios 14:14

Te mach'a ma sna' q'uinal, ya scuy ta lec te bila ya spase; yan te mach'a lec yo'tane, lec yat'el stuquel.

2 Corintios 4:17

Melel te bila ya xc'ax jwocoltic yu'un li'to ta q'uinale, c'axel nax ay soc ma'yuc lec sc'oplal stuquel. Ja' ya jtatic bayal cutsilaltic ta c'axem to xan a ta swenta sbajt'el q'uinal.

Salmos 121:7

Te Cajwaltic ya scanantayat ta yu'el ta spisil te bitic chujc'ul ya staate; ja' ya scanantaybat te acuxlejale.

Proverbios 1:33

Pero te mach'a ya yaiybon te jc'ope, jun me yo'tan ya xcuxin jujun c'aal; ma ba ya xi' te bila amen ya xtal ta stojol stuquel”, xi' te p'ijil-o'tanile.

Proverbios 12:20

Te bila xchapoj te mach'atic amenic, ay lo'laywanej ta yo'tanic; yan te bila ya yac' ta nopel te mach'a lamal yo'tane, ay sbujts' q'uinal yu'un.

Proverbios 19:23

Te mach'a ya yich' ta muc' te Cajwaltique, ja' me xcuxlejal; bin nax me yo'tan soc ma'yuc bi ya xc'ax swocol yu'un.

Eclesiastés 8:5

Te mach'a ya sc'otes ta pasel te mandalile, ma me ayuc bi amen ya xc'ot ta swenta stuquel. Te mach'a ay sp'ijile, ya sna' bi ora soc bi ya yut ya yac' c'otuc ta pasel stuquel.

Proverbios 11:21

Te mach'atic amen yo'tanic, ya me yich'ic castigo ta mero melel, yan te mach'atic toj yo'tanique, libre ya xc'otic.

Eclesiastés 7:18

Ja' lec teme ya atsac in to, soc ma me xcol bael ta ac'ab te yane. Te mach'a ya yich' ta muc' te Diose, spisil me lec ya xc'ot yu'un stuquel.