Proverbios 12:2 - Bible in Tzeltal de Oxchuc y Tenejapa

² Te mach'a lec yo'tan, lec sc'oplal yu'un Cajwaltic; yan te mach'a ma lecuc bila snopoj ta yo'tane, ya yac'bey castigo yu'un.

Bible in Tzeltal Bachajón

² Te mach'a lec yo'tan, ya sta lec sc'oblal yu'un Jehová, pero ha ya yalbe smul te mach'a chopol bintic snopoj.

Proverbios 12:2 Referans Kwoze

Proverbios 8:35

Melel te mach'a ya staone, la me sta xcuxlejal stuquel; soc ya yac' lecubuc yo'tan ta stojol te Cajwaltique.

Hechos 11:24

Melel te Bernabé lec nax yo'tan soc nojel ta yo'tan te Ch'ul Espiritue soc ay bayal xch'uunjel yo'tan ta stojol te Cajwaltique. Jich ay tsobol mach'a la xch'uunic Cajwaltic ta swenta.

Salmos 112:5

Te mach'a lec yo'tan ma'yuc bi ya st'ut'iltay yaq'uel ta majanel, soc toj yo'tan ta xchonel te sp'olmale.

Romanos 5:7

Wocol ya xwejt' te mach'a ya yac' sba ta lajel yu'un te mach'a toj ta winiquile. Manchuc teme ay nix mach'a ya xwejt' jtuluc te ya yac' sba ta lajel yu'un te mach'a buen lec te yat'ele.

Proverbios 1:31

C'ux obol me abaic yu'un swocolil te awat'elique; tsobol me ya xjil ta atojolic te bila amen la anop ta awo'tanique.

Eclesiastés 8:8

Ma'yuc mach'a ay yu'el ta stojol te cuxlejal yu'un ya yac' jalajuque, soc ja' nix jich ma'yuc mach'a ay yu'el ta stojol te lajele. Ma'yuc mach'a ya xju' ya scoltay sba ta sc'ab te swocolile. Te mach'a amene, ma xcoltayot yu'un te mach'a c'ax amene.

Proverbios 6:18

ja' te mach'a te ya xchajban bitic swenta ixta-o'tanil, ja' te mach'a te bin nax yo'tan ya x'animaj ta spasel te bila amene,

Salmos 9:15

Te mach'atic ma'yuc ta stojol Dios ja' nix ya x'ochic a ta bay te syaquique; ja' nix ya xyacbot yacanic yu'un te ch'ajan te muquen ay yu'unique.

2 Samuel 15:3

te Absalón ya yalbey: —Melel toj ay soc mero yich'oj swentail te bi ya awac' ta chajbanel yu'une, pero ma'yuc mach'a ya xchajbanat ta swenta te muc' ajwalile —ya yut.

Proverbios 3:4

Jich me lec ac'oplal ya xc'oat yu'un, soc ya me yich'at ta wenta te Diose soc te ants-winiquetique.

Proverbios 12:1

Te mach'a bin nax yo'tan yu'un tojtesel, ja' lec ta yo'tan te p'ijil c'ope; yan te mach'a ya x'ilin yu'un te comele, ja' te ma sna' q'uinale.

Proverbios 14:22

Te mach'atic ya sleic te bila ma lecuc ta pasel, ya me xjowejic ta be yu'un; yan te mach'atic ja' ya sleic te bila leque, ja' me ya yich'ic c'uxtayel, soc lec-o'tanil ta stojolic.

Proverbios 14:17

Te mach'a ora nax ya x'ilin, ma sna' snopel bi ya spas; yan te mach'a ya sna' snopele, ja' ya sc'an te lamal nax te q'uinale.