Proverbios 12:16 - Bible in Tzeltal de Oxchuc y Tenejapa

¹⁶ Te mach'a ma sna' q'uinal, ora ya x'ilin; te mach'a ay sp'ijile, ya xcujch' yu'un te bolc'optayele.

Bible in Tzeltal Bachajón

¹⁶ Te mach'a ma sna' q'uinal, ora ya yac' ta ilel yilimba, yan te mach'a p'ij, ma xyich' ta cuenta te ixta'c'ope.

Proverbios 12:16 Referans Kwoze

Proverbios 29:11

Te mach'a ma sna' q'uinal, libre ay ya yaiy ta spasel te bitic ya sc'an yo'tane; yan te mach'a ay sp'ijile, ya scom sba stuquel.

Santiago 1:19

Jich yu'un quermanotac te bayal c'uxex ta co'tane, chapaluquex me ya awaiyic stojol te bila ya yich' alele. Ma me xc'opojex ta ora, soc ma me x'ilinex ta ora.

Proverbios 10:12

Te lab-o'tanil, jajch'esej-c'op; yan te xc'uxul-o'tanile, ay perdón yu'un spisil.

Proverbios 17:9

Te mach'a ya xc'ax yu'un te bolc'optayele, yac ta sleel bit'il ya xc'uxtay sba soc te scontroe; yan te mach'a ma xcujch' yu'une, ja' ya snuts bael te mach'a jun yo'tan sba soque.

Proverbios 25:28

Jich bit'il te lum ma'yuc sts'ajc'ule, ma wocoluc ya x'och te scontroe, jich me c'oem te mach'a ma sna' scomel te bila ya sc'an te yo'tane.

Proverbios 16:22

Te mach'a toj ya yac' sba soc te yo'tane, sloq'uibja' c'oem yu'un te xcuxlejale; teme ya jp'ijubtestic te mach'a ma sna' q'uinale, tojol ya xc'ot.

Proverbios 14:33

Te p'ijilil ya x'ain ta yo'tanic te mach'atic ya sna'ic q'uinale; yan te mach'atic ma sna'ic q'uinale, ma sna'beyic sba stuquelic.

Job 5:2

Teme ya awac' aba a te ilimbae, o teme ya awac' aba a te bic'tal-o'tanile, ta scaj te ma x'ana' q'uinal te ya yac'at bael ta lajele.

Proverbios 12:17

Te mach'a testigo ta melel, ya yal ta jamal te bila melele; yan te lotil testigoe, ya spas lot stuquel.

Proverbios 27:3

Te tonetic soc te ji' c'ax bayal yalalic; c'axem jich yalal yilimba a te mach'a ma sna' q'uinale.