Proverbios 11:4 - Bible in Tzeltal de Oxchuc y Tenejapa

⁴ Ma xtuunix c'ulejalil a ta yorail te castigoe; yan te toj-o'tanile ya x'ac'awan ta libre yu'un te lajele.

Bible in Tzeltal Bachajón

⁴ Ma xtuhun te c'ulejalil ta yorahil ilimba, pero te bin stojil ta pasel ya x'ac'awan ta libre yu'un te lajele.

Proverbios 11:4 Referans Kwoze

Proverbios 10:2

Te c'ulejalil te ma stojiluc tabile, ma'yuc cutsilaltic yu'un; yan te toj-o'tanile ma xyac'otic ta lajel, ya yac'otic ta libre stuquel.

Sofonías 1:18

Ta sc'aalelal yilimba te Cajwaltique, te ants-winiquetic ma xcoltayotic yu'un te plata soc te oro yu'unique. Melel te sc'aal yilimba Cajwaltic ya xlilaj ta c'ajq'uel yu'un spisil te lumq'uinale. Spisilic te mach'atic ayic ta balumilal ajc' nax ya yich'ic jinel ta jyalel.

Génesis 7:1

Te Cajwaltic la yalbey te Noé: —Ochan ta barco soc spisil mach'a ay awu'un, melel ta spisil te mach'atic ay ta q'uinal, ja'at nax atuquel te ya apasbon sc'anjel co'tan ya quile.

Ezequiel 7:19

Ya me xch'ojic ta calle te plata yu'unique; ya me xch'ayic jichuc c'a'pal te oro yu'unique. Ni oro ni plata yu'unic ma xju' ya xcoltayotic yu'un, te c'alal ya xc'ot sc'aalelal te yilimba te Cajwaltique. Ma xju' ya xlamantesbot swi'nalic yu'un, ma xju' ya xnojesbot xch'ujt'ic yu'un, melel ja' nix ta scaj a te oro te yalic ta mulile.

1 Timoteo 4:8

Melel ma'yuc lec swentail teme ay bila ya c'ajtes jbaq'uetaltic ta spasele. Yan teme ya c'ajtes jbatic ta xch'uunel te Diose, ja' ay bayal sc'oplal stuquel, te melel ya me xcuxinotic yu'un li'to ta balumilal soc ta sbajt'el q'uinal.

San Lucas 12:20

Jich albot yu'un te Diose: “Winic, ma x'ana' q'uinal. Ja' in ajc'ubal to ya me jc'anbat ach'ulel. Spisil te bila q'uejbil awu'une, ¿mach'a me ya yich'bat jilel?”, xi' te Diose.

San Mateo 16:26

¿Bila ya xloc' yu'un a te winic teme ya yu'unin spisil te balumilale teme ch'ayel ya xbajt' soc te xch'ulele? ¿Bila ya yac'bey ta sjelol te xch'ulel teme ch'aye?

Romanos 5:17

Teme ta swenta nax jtul winic te la xc'axintay mandal la yu'unin spisil ants-winiquetic te lajele, ja' nix jich c'axem to xan ya me yich'ic xcuxlejalic spisil te mach'atic ayic ta c'uxtayel yu'un Dios ta swenta jtul Winic, ja' te Jesucristoe. Soc majt'anil ya x'ac'otic ta libre yu'un te smulique.

Proverbios 12:28

Te sbelal toj-o'tanil, ja' sbelal cuxlejal; ma'yuc lajel ta swenta.

Proverbios 6:34

Melel te paichal ja' sjajch'ib yilimba te winique, jich ya xc'ot te bit'il c'ajc'; ma'yuc perdón ta yo'tan te c'alal bi ora ya yac'bey spacole.

Job 20:28

Te c'alal ya xmal yilimba ta stojol te Dios, ya me xch'ay spisil te sc'ulejale.

Isaías 10:3

¿Bi ya apasic te c'alal ya x'och ta ich'el ta wenta te awat'elic, c'alal ya awilic c'ubul ayix a te castigoe? ¿Mach'a ya xba ac'anbey xan coltayel? ¿Banti ya awaq'uic jilel te ac'ulejalique?

Ezequiel 14:14

Te teyuc nainemic a te Noé, Daniel soc Job ta lumq'uinal in to, ja' nax ya xcolic ta yoxebalic te jichuque, melel toj yo'tan stuquelic. Jo'on Ajwalilon te jich caloje.