Proverbios 11:10 - Bible in Tzeltal de Oxchuc y Tenejapa

¹⁰ Teme lec ay te mach'atic toj yo'tanique, ay yutsil yo'tanic yu'un te yajwal lume; teme ya xlaj te mach'atic amen yo'tanique, ya x'awun yu'un yutsil yo'tanic.

Bible in Tzeltal Bachajón

¹⁰ Te c'alal ay bin ay yu'un te mach'atic toj yo'tanic, tse'el yo'tan yu'un te pueblo; pero te c'alal ya xlaj te mach'atic chopol yo'tanic, ya spasic q'uin yu'un.

Proverbios 11:10 Referans Kwoze

Proverbios 28:12

C'alal ya yaiyic tsalaw te mach'atic toj yo'tanic, ya spasic muc'ul q'uin yu'un te ants-winiquetique; yan te c'alal ya yaiyic tsalaw te mach'atic amen yo'tanique, ya snac' sbaic yu'un.

Jueces 5:31

“Cajwal, jichuc me ac'a yich' jinel ta spisil te acontro, ja' ac'a xojobajuc te mach'atic c'uxat ta yo'tanic jich bit'il te c'aal ta spisil xojobil”, xiic ta c'ayoj te Débora soc Barac. Ta patil lamaj ta jc'axel te c'op ta bay te q'uinale, ja' to c'alal loc' cha'winic (40) ja'wil.

Proverbios 28:28

C'alal ya yaiyic tsalaw te mach'atic amen yo'tanic, te ants-winiquetic ya snac' sbaic yu'un; te c'alal ya xch'ayic ta jc'axel, ja' ya xju' yu'unic te mach'atic toj yo'tanique.

Job 27:23

Ya me xnutsot yu'un te iq'ue, bayal me yip, soc xpumet me sc'op ya xnutsot yu'un, —xi' te Zofar.

Éxodo 15:21

Jich yac ta yalel ta c'ayoj te María: “C'ajintayaic ta yich'el ta muc' te Cajwaltique, te jchajp nax la yaiy tsalawe, mul coel ta mar te caballoetic soc te yajwale”, xi' ta c'ayoj.

2 Reyes 11:20

Spisil te yajwal lum bin nax yo'tanic yu'un, soc ma'yuquix swocol jilic yu'un te bit'il lajix ta milel ta puñal ta sna ajwalil te Atalía.

Proverbios 11:11

Te bendición yu'un te mach'atic toj yo'tanic, ya xmuc'ub slumal yu'un; yan te sc'op te mach'atic amen yo'tanique, ya xjin slumal yu'un stuquel.

Proverbios 29:2

Te c'alal ya yich' yat'el te mach'atic toj yo'tanic, bin nax yo'tanic te lum yu'une; yan te c'alal ya spas mandal te mach'atic amen yo'tanic, ya xwoclaj te lume.

2 Crónicas 23:13

Tey la yil a te muc' ajwalil te teq'uel ta sts'eel toyol balal taq'uin ta bay yochibal te mero templo. Ta mero sts'eel ayic te jtsobwanejetic, soc ta stsojbol te mach'atic ayic ta swenta stijel te música. Te lume bin nax yo'tanic ta jyalel, yacalic ta yoq'uesinel oq'uesetic. Te mach'atic yacalic ta c'ayoj soc te bitic ya stijique, yacalic ta sjajch'esel a te c'ayojetic te ya yalbey yutsil sc'oplal a te Diose. Jich te Atalía la xch'i' sc'u' yu'un, jich la yal ta aw: —¡Muquen jinwanej! ¡Muquen jinwanej! —xi' ta aw.

2 Crónicas 23:21

Jich bin nax yo'tanic spisil te lume. Te bit'il lajemix ta puñal stuquel a te Atalía, jich yu'un lamal nax q'uinal la yaiyic te lume.

Jeremías 51:48

Te ch'ulchan balumilale, spisil te bitic aye, bin nax me yo'tanic yu'un te c'alal ya x'och ta c'abal Babilonia, te c'alal ya xtal ta norte te jinawanejetic yu'une. Jo'on Ajwalilon, jich ya cal.