Proverbios 10:9 - Bible in Tzeltal de Oxchuc y Tenejapa

⁹ Te mach'a ma'yuc bila amen ya spase, ma'yuc bi ya xi'; yan te mach'a ma lecuc te yat'ele, ya me xlajinot yu'un.

Bible in Tzeltal Bachajón

⁹ Te mach'a toj ya xbehen, jun yo'tan ya xbehen, yan te mach'a st'unoj chopol be, ya me xpehc'anot.

Proverbios 10:9 Referans Kwoze

Proverbios 28:18

Te mach'a lec yo'tan ay me ta coltayel stuquel; yan te mach'a ay mulil ta yo'tane, ya me sta falta yu'un.

San Mateo 10:26

“Jich yu'un ma me x'axi'ic te j'uts'inwanejetique, melel ma'yuc bila nac'al te ma xyich' chicnantesele, soc ma'yuc bila muquen te ma x'ac'ot ta na'el stojole.

1 Timoteo 5:25

Ja' nanix jich uuc ay ya xchicnaj ta comonsitil ta ora te bila lec ya spasique. Soc manchuc teme ma xchicnaj ta orae, ma xju' ta naq'uel.

1 Corintios 4:5

Jich yu'un, ma me xjelawex ta c'op te ja'exe, yu'un ma to sta sc'aalelal ta alel te bi yilel yat'el juju-jtule. Maliyaic te bi ora ya xtal te Cajwaltique. Ja' me ya yac' ta ilel ta jamalal ta saquil q'uinal stuquel te bila muquen aye, soc ya me yac' ta na'el te bila jnopoj ta co'tantique. Jich yu'un juju-jtulotic, ya me yalbotic lec jc'oplaltic te Diose.

Proverbios 3:23

Jich me jun awo'tan ya xju' ya xbeenat ta be, ma me ayuc bi ora ya ac'ojch'in awacan.

Salmos 84:11

Melel te Diose, te Cajwaltique, ya yac'otic ta saquil q'uinal, soc ja' jmajq'uiltic stuquel. Te Cajwaltic c'ux ta yo'tan ya yaiy te mach'atic toj bitic ya spasic ta q'uinale, soc ya yich' ta wenta stuquel. Ma me ayuc bila ma x'ac'botic, melel spisil te bitic leque ya me x'ac'botic stuquelic.

Salmos 25:21

Ac'a quich' canantayel awu'un te bit'il jun co'tan soc te bit'il toj cac'oj jbae, yu'un me cac'oj smuc'ul co'tan ta atojol.

Proverbios 17:20

Te mach'a j'ixta-o'tan, xujt' ma'yuc bila lec ya sta; te mach'a ya sna' lot, ya me sta falta.

Salmos 23:4

Manchuc me ya xc'axon ta chujc'ul yijc'al q'uinal, ma'yuc xiwel ya caiy ta co'tan, melel te ja'at Cajwal ajoinejon. Te abastón soc te anajt'il garrabato ja' ya yac'bonic smuc'ul co'tan.

Proverbios 26:26

Manchuc me yo'tan smuc te slab yo'tane, te bila amen ay ta yo'tan ya xchicnaj ta stojol spisilic.

Génesis 17:1

Te c'alal balunlajuneb yo'winic (99) ya'wilal a te Abram, te Cajwaltic la yac' sba ta ilel ta stojol, jich la yalbey: —Jo'on Dioson te Spisil ya xju' cu'une, toj me xawac' aba ta jtojol, ma me xapas te bila ma lecuque.

Job 8:20

“Ma ba ya xpijt'esot yu'un Dios te mach'a lequique, soc ma xcoltayot yu'un Dios te mach'atic amen yo'tanique.

Proverbios 28:1

Te mach'a amen yo'tan ya x'an bael, manchuc me ma'yuc mach'a ya xnutsot yu'un; yan te mach'a toj yo'tane, jun yo'tan ay jichuc león-choj.