Proverbios 10:8 - Bible in Tzeltal de Oxchuc y Tenejapa

⁸ Te mach'a ay sp'ijile, ya xch'uun mandal; yan te mach'a bol c'op ay ta ye, ya xjinot yu'un stuquel.

Bible in Tzeltal Bachajón

⁸ Te mach'a p'ij yo'tan ya yich' ta cuenta te mandariletic, yan te mach'a ma sna' bin ya yal, ya xjihnot yu'un.

Proverbios 10:8 Referans Kwoze

Proverbios 12:1

Te mach'a bin nax yo'tan yu'un tojtesel, ja' lec ta yo'tan te p'ijil c'ope; yan te mach'a ya x'ilin yu'un te comele, ja' te ma sna' q'uinale.

Santiago 3:13

Teme ay ja'ex te ay sp'ijil awo'tanic soc teme ay bila ana'ojic stojole, ac'a me ta ilel ta swenta te bila lec ya apasique. Te bit'il ay sp'ijil awo'tanique peq'uel me xawac' abaic yu'un.

Proverbios 9:9

Albeya te mach'a p'ije, ya me xp'ijub xan yu'un; p'ijubtesa te lequil winique, ya me x'esmaj xan sp'ijil yu'un.

Proverbios 1:5

Te mach'a ay sp'ijile, ya me xc'ot ta yo'tan. Jich me ya yich' xan sp'ijil yo'tan soc ay me bi ya sna' xan yu'un:

Eclesiastés 10:12

Te sc'op te mach'a ay sp'ijile, ya x'ac'bot yutsil q'uinal yaiy yu'un; yan te sc'op te mach'a ma sna' q'uinale, ja' nix ya xjinot yu'un te sc'ope.

Proverbios 14:23

Ta spisil te bila ya xc'ax swocol ta spasel, ay me bila lec ya xloc' yu'un a; yan te puro c'ope, ya yac' me'balil yu'un stuquel.

Proverbios 14:8

Te mach'a ay sp'ijile, ya stsajtay te bila ya spase; yan te mach'a ma sna' q'uinale, ya xlo'layot yu'un te sbolile.

Proverbios 13:3

Te mach'a ya stsajtay te sc'ope, stuquel nix ya scanantay sba a; yan te mach'a bayal ya xc'opoje, stuquel nix ya sjin sba.

Proverbios 12:13

Te mach'a amen yo'tan, ja' nix ya xchuc sba ta slot; yan te mach'a toj yo'tane, lec ya xc'ot ta loq'uel yu'un te uts'inele.

Proverbios 10:10

Te mach'a ya xmuts'-sitaywan, bayal bila amen ya xjajch' yu'un; te mach'a bol c'op ay ta ye, ja' nix ya xjinot yu'un.

Salmos 119:34

Ac'bon sp'ijil co'tan yu'un ya me cac' ta co'tan te p'ijubtesel awu'un; ya jc'an ya jch'uun spasel ta spisil co'tan.

Proverbios 9:8

Tac'uya te mach'a ma stsajtay sbae, ja' me atojol ya xc'ot yu'un te ya yilintayate; tojtesa te mach'a ay sp'ijile, ja' me atojol ya xc'ot yu'un stuquel te c'uxat ta yo'tane.

Proverbios 10:14

Te mach'atic ay sp'ijil yo'tanic ya scanantay te p'ijil c'ope; yan te mach'atic ma sna'ic q'uinale, ya xtal wocol ta stojolic yu'un te sc'opique.