Proverbios 10:7 - Bible in Tzeltal de Oxchuc y Tenejapa

⁷ Te mach'a toj yo'tan, ya yich' na'el ta puro bendición; yan te mach'a amen yo'tane, ora nax ya xch'ayot ta o'tanil stuquel.

Bible in Tzeltal Bachajón

⁷ Ha bendición te sna'ojibal te mach'a toj yo'tan, yan te sbihil te mach'a chopol yo'tan, ya me xc'a'.

Proverbios 10:7 Referans Kwoze

Salmos 112:6

Jich ma'yuc bay ya sta falta; te winic toj yo'tan, na'bil sbajt'el q'uinal stuquel.

San Lucas 1:48

melel la yilon te peq'uelon, jo'on te yabatone. Ta ora bael to ya me yalic spisil ta cajalcaj alnich'anetic te bit'il bin nax cutsile,

San Marcos 14:9

Jamal ya calbeyex, ta bayuc ta spamal balumilal ta banti ya yich' cholel te lec yach'il c'ope, tey me ya yich' alel a te bila la spasbon in ants to, swenta sna'jibal te antse —xi' te Jesuse.

Salmos 109:13

Ac'a lajuc spisil te sts'umbale; ac'a yich' ch'ayel ta jc'axel sbajt'el q'uinal te sbiile.

2 Crónicas 24:16

Tey ba smuquic ta bay Lum-yu'un-David ta bay smuquenal te muc' ajwaliletic, melel lec la yac' sba ta stojol te slumal Israel soc ta stojol Dios soc te templo yu'une.

Salmos 109:15

Te smulic ayuc me ta yo'tan spisil ora te Cajwaltic; ac'a yich' ch'ayel ta lumq'uinal te sna'jibale.

Job 18:17

Jc'axel ya xch'ay ta na'el ta balumilal, jich ma'yuc mach'a ya xtabotix ta alel yu'un te sbiile.

2 Reyes 19:34

Jo'on ya jcoltay te lume, ya me xcol cu'un, ta swenta xc'uxul ta co'tan te cabat David, soc ta swenta xc'uxul jba ta co'tan uuc”, xi' me te Cajwaltique —xi' te Isaías.

1 Reyes 11:36

Ja' xanix jchajp sts'umbal Israel ya cac' ta swenta te snich'ane, swenta yu'un yac to ta tilel c'ajc' c'oem yu'un a te David te abat cu'une, ta Jerusalén te ja' lum tsabil cu'un swenta cawile.

Eclesiastés 8:10

Soc quiloj te ay ants-winic te amen yo'tane, te c'ubul la yac' sbaic ta stojol te ch'ul templo, pero te c'alal laje, bayal yutsil sc'oplal yu'unic la smuquic. Ta lum te banti la spas te bila amene, ma'yuc mach'a ya sna'ix te bila la spase. Ja' me te ma'yuc swentaile,

Job 27:23

Ya me xnutsot yu'un te iq'ue, bayal me yip, soc xpumet me sc'op ya xnutsot yu'un, —xi' te Zofar.

Jeremías 17:13

Cajwal, ja' smuc'ulat yo'tan te Israel; spisilic te mach'a ya yijq'uitayat ta yo'tanique ya xjilic ta q'uexlal. Spisil te mach'a c'ubul ya yac' sba soc yo'tan ta atojole, ya xch'ay ta jc'axel, jichuc biilil te ts'ibubil ta ts'ubil lum. Ya xch'ay, ta scaj te ya yijq'uitayate, ja'at te sloq'uibja' te siquet nax awa'lel c'oeme.

2 Crónicas 32:33

Te c'alal laj Ezequías, ba smuquic ta bay cajal xan bael yu'un te smuquenal mach'atic ay yu'un David. Spisil Judá soc spisil yajwal Jerusalén la spasbeyic sq'uin swenta yich'jibal ta muc'. Ja' la sjelolin ta ajwalil te snich'an, ja' te Manasés.

Job 24:20

Ya me xch'ay ta o'tanil yu'un te mero sme'e; ya me xti'ot ta yalja, ma'yuc mach'a ya xna'otix yu'un. Te mach'a amen yo'tane jich me ya xyal ta lum te bit'il ya xyal ta lum te ts'etbil te'e.

Salmos 34:16

Te Cajwaltic contro ya yil te mach'atic ma lecuc yat'elic, ya me stup'bey ta balumilal te sna'jibalique.

Proverbios 22:1

Ja' bayal sc'oplal te t'ujbiluc jc'oplaltic yu'un yantic; ja' ma'yuc sc'oplal teme ay bayal oro soc plata cu'untic.

Isaías 14:22

Te Cajwaltic te Spisil ya xju' yu'un la yal ta jamal: —Ya me xjajch'onix ta scontroinel te Babilonia, ya jlajinbey sc'oplal sbiil soc te mach'atic ya xjil tey a, te yal-snich'anic soc te smamataque.

Salmos 34:17

Te Cajwaltic yat'elinej yaiybel sc'op te mach'atic toj yo'tanique, soc ya yac' ta libre yu'un spisil te swocolique.

Salmos 41:5

Te mach'atic ay slab yo'tanic cu'un, yo'tanuc ya xbats'ejon ta chamel: “¿Bi ora ya xlaj? ¿Bi ora ya xch'ay sbiil ta q'uinal?” xiic.