Proverbios 10:4 - Bible in Tzeltal de Oxchuc y Tenejapa

⁴ Jteb nax at'el, ya yac' me'bail; bayal at'el, ya yac' c'ulejalil.

Bible in Tzeltal Bachajón

⁴ Te mach'a ch'aj sc'ab, ya yac' ya xpobrehub, yan te sc'ab te mach'atic ya x'a'tejic ya yac' c'ulejalil.

Proverbios 10:4 Referans Kwoze

Proverbios 21:5

Te bitic chajbanbil te mero nopbile, lec ya xc'ot ta pasel; yan teme animal chajbanbile, ma lecuc ya xc'ot.

Proverbios 20:4

Te mach'a ch'aj ma x'at'ej ta yorail at'el; jich yu'un te c'alal ya sta yorail c'ajoj, ya sle, pero ma sta ta leel.

Proverbios 19:15

Te ch'ajilal ya yac' wayel, ya xch'ay ta q'uinal ta jyalel; soc te mach'a ch'aj ay swocol ta wi'nal yu'un.

Proverbios 13:4

Te mach'a ch'aj, ma sta te bila ya sc'an yo'tane; yan te mach'a ya x'at'eje, ya x'esmaj sbiluc stuquel.

1 Corintios 15:58

Jich yu'un, quermanotac te c'uxex ta co'tane, ac'a me junajuc awo'tanic ta lec spisil ora. Yan yanuc me ta muc'ubel awu'unic te yat'el te Cajwaltique, melel ya ana'ic te ma tojoluc te ya awac' abaic ta abatinel yu'un te Cajwaltique.

Proverbios 20:13

Ma me xawac' stsalat te wayele. ¿Ja' bal ya ac'an te me'ba ya xjilat ta jyalele? At'elina swiq'uel asit, jich me ya spas sobrail te awe'ele.

Proverbios 19:24

Te mach'a ch'aj, ya yac' ochel sc'ab ta plato; ja'uc me to, ma xju' yu'un ya yac' ochel ta ye.

Proverbios 12:24

Te mach'a ya x'at'ej, ya xju' xmandalaj; te mach'a ch'aje, pasbil ta mandal stuquel.

Proverbios 11:24

Ay mach'a ya spuc sbiluc, ja'uc me to, ya x'ac'bot xan bayal a te bit'il ya yaq'ue; yan te mach'a scaj st'ut'il ya scom jilel sbiluque, ja' ya x'och ta me'bail yu'un.

San Juan 6:27

Ma me ja'uc xawat'elinic sleel te awe'elic te lajel lajel aye. Ja' ya sc'an ya awat'elinic sleel te awe'elic te stalel ma xlaj sbajt'el q'uinale te ja' ya yac'beyex te Nich'anile, melel te Jtatic Diose la yaq'uix ta ilel te bin nax yo'tan yu'une —xi' te Jesuse.

Eclesiastés 10:18

Te mach'a ch'aje, ya xch'ay coel smujq'uil te snae; ta scaj te xch'ajile, ya xjin coel ta snae.

Proverbios 10:5

Te mach'a ya yaiy c'ajoj ta yorail verano, ja' te mach'a ay sp'ijile; te mach'a wayal ta yorail c'ajoj, ya me sta q'uexlal stuquel.

Proverbios 12:27

Te ch'ajil jnutsojel ma'yuc bila ya sta ta tsaquel; yan te mach'a ya sna'bey swentaile, ya sta muc' sc'ulejal yu'un.

Proverbios 18:9

Te mach'a ch'aj, ja' nix yermano sba soc te mach'a ya xjinawane.

Génesis 26:32

Nax to nax bajt'ic a te tal te abatetic yu'un te Isaac, jul yalbeyic bit'il c'ot te pozo yacalic ta sjoq'uel: —La jtatiquix ja' —xiic julel.