Proverbios 10:3 - Bible in Tzeltal de Oxchuc y Tenejapa

³ Te Cajwaltic ma xyac' xchicnaj wi'nal ta stojol te mach'a toj yo'tane; yan te mach'a amen yo'tane, ma scombey wi'nal ta stojol stuquel.

Bible in Tzeltal Bachajón

³ Te Jehová ma xyac' ta wocol ta wi'nal te mach'a toj yo'tan, pero ma ba ya ya'be bin ya sc'an yo'tan te mach'a chopol yo'tane.

Proverbios 10:3 Referans Kwoze

Salmos 37:25

Queremon te nameye, yo'tic mamalonix, pero ma'yuc bi ora la quil pijt'esot yu'un Dios te mach'a lec yo'tane, soc ma'yuc bi ora la quil yacal ta c'anbajel te snich'nabe.

Salmos 37:3

Ja' me ac'a smuc'ulin awo'tan te Cajwaltic, ja' me xapas te bila leque; ainan ta q'uinal soc junuc me awo'tan ta stojol.

Sofonías 1:18

Ta sc'aalelal yilimba te Cajwaltique, te ants-winiquetic ma xcoltayotic yu'un te plata soc te oro yu'unique. Melel te sc'aal yilimba Cajwaltic ya xlilaj ta c'ajq'uel yu'un spisil te lumq'uinale. Spisilic te mach'atic ayic ta balumilal ajc' nax ya yich'ic jinel ta jyalel.

Salmos 37:19

Teme bolob balumilal, teme tal wi'nal, ma ba ya staic q'uexlal, melel ts'acal me ya sta swe'el stuquelic.

Salmos 33:19

swenta yu'un ya scoltay ta lajel soc ya me yac'bey bitic ya xcuxinic a ta yorail te wi'nale.

Job 5:20

Ta yorail wi'nal, ya me smac'linat, jich me ma xyac' te ya xlajate; ta yorail guerra ya me scoltayat, jich me ma xlajat ta puñal.

San Lucas 12:31

Ja' me xaleic neeluc te bit'il ay ta ajwalinel te Diose. Jich me ya yesmantesbeyex spisil te bila ya xtuun awu'unique.

Isaías 33:16

ja' me ya xcuxin ta melel stuquel. Ay me yanjib ta tulanil tonetic c'oem, xujt' ma me xch'ay swe'el soc te ja' ya yuch', ma me ayuc falta yu'un.

Proverbios 14:32

Te mach'a amen yo'tan, ya me xjinot yu'un te bila ma lecuc ya spase; yan te mach'a lec yo'tane, ja' ya xcanantayot yu'un te slequil yo'tane.

Salmos 112:10

Te mach'a amen yo'tan ya xc'ajc'ub yo'tan ta yilel; ya xc'ux ye, yu'un ma'yuc bi ya xju' yu'un. Te mach'atic amen yo'tanic ya xch'ayic soc te sbic'tal yo'tanique.

Job 20:28

Te c'alal ya xmal yilimba ta stojol te Dios, ya me xch'ay spisil te sc'ulejale.

Salmos 10:14

Ja'at awiloj atuquel te slab yo'tanic te bit'il amenique; ja'at awiloj soc ya awac'bey stoj. Ja'at ya awic' ta atojol te mach'atic ma sna' scoltaybel sbaique; ja'at jcoltaywanejat yu'un te me'ba alaletique.

Proverbios 13:25

Te mach'a toj yo'tan, ya xwe' ja' to bay c'alal ya sc'an yo'tan; yan te mach'a amen yo'tane, ay to swi'nal ya xjil stuquel.

Proverbios 28:9

Te mach'a ma sc'an xch'uunbey smandal te Diose, ma stsacbot sc'op te c'alal ya sc'opone.

Proverbios 28:25

Te mach'a bayal ya xbic'taj yo'tan, ya sjajch'es c'op; yan te mach'a ja' smuc'ulinej yo'tan te Cajwaltique, ya x'esmaj bitic ay yu'un.

Job 15:23

Te sbaq'uetal ya xtuun yu'un swe'el xulemetic; sna'oj stuquel te puersa ya yich' lajinele.