Proverbios 10:25 - Bible in Tzeltal de Oxchuc y Tenejapa

²⁵ C'alal ya xc'ax tulan ic' ta stojol te mach'a amen yo'tan, ya xch'ay ta jc'axel; yan te mach'a toj yo'tane, stalel ya xjil stuquel.

Bible in Tzeltal Bachajón

²⁵ C'alal ya xc'ax bahel te tulan ic', ma ba chicanix ya xhil te mach'a chopol yo'tan, yan te mach'a toj yo'tan, stalel ya xhil stuquel.

Proverbios 10:25 Referans Kwoze

Salmos 15:5

ja' te mach'a ya yac' ta majanel staq'uin te ma sc'anbey sjole; ja' te mach'a ma stsac smajt'an-taq'uin yu'un te mach'a tojol nax ay ta uts'inele. Te mach'a jich ya spase, ma me ayuc bi ora ya sta swocol yu'un.

Salmos 58:9

Ac'a tiluc ta c'ajq'uel jich bit'il jc'axel ya xtil ta c'ajc' te ch'ixetique; ac'a yich'ic bulel loq'uel c'oem ta mero tulan, jich bit'il ya yich' bulel te yaxal wamale.

Proverbios 12:3

Te bila ma lecuc ta pasel, ma'yuc bila lec ya xloc' yu'un a; yan te mach'a toj yo'tane, tulan ts'unulix stuquel.

2 Timoteo 2:19

Ja'uc me to, te yiptajib yac'oj te Diose, ma'yuc ta nijq'uesel stuquel. Ay sello yich'oj te jich ya yale: “Na'bil sbaic yu'un Dios te mach'atic yu'une”, xi'. Soc ya yal: “Spisil te mach'atic ya yalic wocol ta stojol te Cajwaltique, ac'a jiluc yu'unic spisil te mulile”, xi' xan.

1 Timoteo 6:19

Jich ya stsob sc'ulejalic te ya xtuun yu'unic ta patile. Jich me ya staic xcuxlejalic sbajt'el q'uinal.

Efesios 2:20

Ts'ajc'ubilex moel ta muc'ul na. Ta sba te yiptajib la yotsesic te jpuc-c'opetic soc te j'alwanejetic yu'un te Diose. Ja' mero smuc'ul stonil chiquin-na te Jesucristoe.

San Mateo 16:18

Jo'on ya cal te ja'at Pedroat, ta sba te ton in to ya cac' ipajuc ta stsojbol a te jch'uunjeletic cu'une. In te jch'uunjeletic cu'une ma stsalotic yu'un te lajele.

Isaías 40:24

Jichic te bit'il unin te'etic te ach' jts'unelic toe, te jteb to nax yac'oj yisimic ta lumq'uinale. Teme la sjabtay bael te Diose, ya xtaquej, te tulanil iq'ue ya slic bael jich bit'il taquin ac.

Proverbios 12:7

Te mach'a amen yo'tan, ja' slajib ya xc'ot te ya xch'ay coele; yan te sna te mach'atic toj yo'tane, stalel ya xjil stuquel.

Proverbios 1:27

c'alal ya xtal ta atojolic bayal xiwel soc chujc'ul c'opetic, mel-o'tan soc xc'uxul woclajel, jich bit'il sutu-ic' te spisil ya slajine.

Job 21:18

¿Ay bal bi ora ya yich'ic puquel bael jichuc taquin ac yu'un yip te sutu-iq'ue?

Proverbios 10:30

Mero ma sta falta te mach'a toj yo'tane; yan te mach'a amen yo'tane, ma xjalaj ta q'uinal stuquel.

Job 17:9

Ya yaq'uic puersa ta yalel te toj yo'tanic stuquelic, soc te ma'yuc smul te sc'abique.

Job 20:8

Jich me ya xch'ay bael ta q'uinal te bit'il waichil, ja' me pajal soc te ay bila ya yil ta sit ta ajc'ubale, ma'yuc mach'a ya xtaot ta leel yu'un.

Salmos 58:10

Te mach'a jun yo'tan ta stojol Dios, bin nax me yo'tan ya yil te ya sujt' spacol te bi ya spasbote; ya me smul yacan ta xch'ich'el te mach'atic amen yo'tanique.

Salmos 125:1

Te mach'atic ja' ya yipin yo'tanic te Cajwaltic, ma'yuc mach'a ya xjinbot yo'tanic yu'un; pajal c'oemic soc switsul Sión te stalel jun yawil aye.